محمد المسعودي وصياف
محمد المسعودي
سلام الله عليكـم سنـة الاسـلام
وتبقى سنـة الاسـلام مسنونـه
ياشاعر حرب عجل عطني الاعلام
تبى راس الجبل ولا تبـى دونـه
صياف الحربي
هلا يامرحبا ياللي طلعت العام
وجاك الذيب ثم اخرعك بعيونه
نباها وحـده والثانيـه قـدام
على خط الهدا ياللي تعرفونـه
محمد المسعودي
يخيلك وانت مابين اليمن والشام
ومولع جمرته في راس غليونه
عساك ليا انعزمت تجاوب العزام
ومضمونه لك الرجعات مضمونه
صياف الحربي
بعد شالوا حزامك من عطاك حزام
عسى ماهو سعيد اللي يقولونـه
نبا نمشي لهم سيرٍ على الاقـدام
عشر كلمات مع ثنتيـن مدفونـه
محمد المسعودي
انا مانام قلبي قلبـك اللـي نـام
تذيعـون الخبـر ولاّ تدسونـه
ترى مابه لحم صافي بدون عظام
على هونك سكون الدار مسكونه
صياف الحربي
أبو عرّام يعرف بيت أبو عرّام
يبيع الثور ولايكسـر قرونـه
بني مسعود ما تاكل مع الايتام
وشاعرهم نشوف الدم بسنونه
محمد المسعودي
لبست الثوب يالحربي بدون اكمـام
عسى العتبان في جنبك يخيطونـه
علامك تخلف الميعـاد والمرسـام
وأنا اخبر صاحبي ما ترمش عيونه
صياف الحربي
تفوز الانديه من غلطة الحكام
واظن ايامنا ماهـي بمامونـه
معك موتر ماتمشيبه بغير نظام
ولكن الخلافه فـي دركسونـه
محمد المسعودي
كتبلك ماكتبلك جفـت الاقـلام
وماهـو قـدر الله ماتردونـه
بغى يخلع حرامه وابتلش بحرام
على جنبه وخلق الله يشوفونه
|