(( ثلاثين الف لوووووووح )).. للتواصل معكم أحبتي!!!!

[poem=font="Simplified Arabic,5,,bold,normal" bkcolor="" bkimage="" border="none,1," type=2 line=0 align=center use=ex num="0,"]
جيت ومعي معنى يشابه للخفيف من المزوح=مزحه خفيفه والسوالف لو يجي منها خطر
غنيت للمجد التليد وجيت بالخيل الجمـوح=شاعر ليا رجعوا بكنز يعود بكنـوز وبحـر
وآنشدْت للمجد الجديد وكنت في وعدالجروح=اصنع دواها لو رواها الوقت وآعطاها مهـر
عزفي على أوتارالقلوب وتنتشي به كل روح=أعزف بلحظه ماعزفه اللي حسدني في شهر
هذا وآنا ياكم بنيت بعسجد حروفي صـروح=وليا حضرت الكل يدري من هو {بعيدالنظر}
وإن طالت سنيني وطال العمروأيام الفـروح=حررت هذاالملهم اللي عاش في سجن وأسر
النقد هدم الباهت بتعريف عمق اللاوضـوح=الشعر وحي الروح متنفس لزيـدان وعمـر
الشعر حكمه واضحه والصدر بأبياته نضوح=لوقيل قطفٍ من زهر قلنا ونحتٍ من صخـر
هذا وأنا غيـمٍ تـرزّم قـام براّقـه يلـوح=إذا لقى الأرض السِباِخ أقفى وخيره ما قطر
ياسيّدي سامح وسرِّي غير سِرّك لو يبـوح=دعها تمر أسراب.باب الليل مفتاحـه سهـر
تعال وآعط الدمع بعضٍ من مناديلـك وروح=لاصار يتجرّى عليك صغار إليك آخر خبـر
اقدارنا في لوح وآكثرمن ثلاثين ألف لـوح=مرّوا كذا من لوح لوح وكلهم من دون أثـر
قلت الظلام أكوام قال النور لوماهو شحـوح=فاض البياض ونامت الظلما على راحة قمر
قلت الخفيف وقال شبّه بالثقيل من المـزوح=لوما لقيت إلا المزوح اللي معانيهـا خطـر[/poem]