ست رجال لا تتزوجينهم - ::{ مجالس قبيلة هذيل }:: موقع يهتم بتراث القبيلة ومفاخرها

12-07-2007, 06:25 AM

السلام عليكم ورحمة الله وبركاته
بما اني نزلت قبل يومين موضوع بعنوان (شوفو دلع البنات كيف يخلي الرجال
يرجع بسرعه ) والموضوع هذا زعل اغلب البنات فلكم هذا الموضوع ارد اعتباركم
وعشان لا تزعلو اتركم مع الموضوع

ولد امه:

هذا اللي تربية امه شكلته على مزاجها منذو نعومة اظافره
رقيق وناعم وما يهش ولا ينش, وامه هي اللي تشتري له وتختار ملابسه
وفتاة احلامه هي اللي تختارها له امه..
لو تزوجتيه كأنك متزوجه امه هي اللي بتختار غرفتكم وبتتحكم في زواجكم
لو ودك تروحين لاهلك شاور امه..
ا اذا خطبك يا اختي الفاضله قولي لامه انا ودي بواحد يسكني في الصمان
والا في العبيله وشواله انا واياه بلحالنا..

2-البخيل:

وغالبا يكون ثري واذا اعطوك المعلومات عنه خقيتي معه
وظيفه ورصيد في البنك .. واذا انكشفت الامور طلع الرجال جلده مقطن الريال ما يطلع من جيبه الا بخطه استراتيجيه .
والفلوس ما يطلعها بكميه كبيره الا اذا راح يودعها في حسابه في البنك.. هذا اعملي حسابك زواجك
بيكون في مقلط اهلك والسياره اللي بياخذك فيها لعش الزوجيه
هي كابرس80 مصدومه مع الرفرف..

وبعد ما تطلعون من بيت اهلك ليلة زواجك بيدور فيك في شوارع المدينة لين يلقى مطعم بخاري ما قفل
ابوابه ويشتري لك عشاء الزواج نص حبه بخاري في باغه (والباغه للقرويه اللي ما يعرفون هي كيس
بلاستيك)ويكثر السلطه علشانها بلاش..
للهرب من هذا الزوج قولي للي بتخطبك له ان ابوك ايام المدرسه
كان يعطيك فسحتك ساندوتشات كافيار وشيكات كل شيك بالف ريال.. وانك ما عمرك شفتي الكبسه الا في طاش ماطاش ..

3-راعي الحريم

وهو الشخص اللي مخه ما فيه غير شخابيط وجنبها صور بنات
و اللي 24 ساعه يتسدح ويتبطح عند الفيديو كليب
ويعرف مقاسات الجنوز حقت المطربات والرقاصات ..

واللي في مراهقته كان يمتر التخصصي ذهابا وايابا
وفي شبابه رقم جواله اكثر شهره لدى البنات من رقم 902
ناهيك عن بطاقات السوا وما ادراك ما بطاقات السوا..
واللي من حبه للبنات يقول للخطابه يا عمري
وللشغاله يا حياتي وانتوا في الكوشه احتمال يرقم الطقاقه..
هذا اوصيك تخلينه يتقدم لك واطلبي تشوفينه من وراء جدار واذا شفتيه لو انه اطخم قولي بصوت عالي
(وععععععع وش ذا عسى مهوب العريس ..صدق ما كلن يحقر نفسه)
علشان تحطمينه وتحوسين مريرة مشاعره وتوطين في بطن احاسيسه...

4-مدمن القراءه والكتابه والاطلاع

هذا اللي وسادته قاموس المحيط ويتلحف بغلاف مجله ادبيه..
ماشاء الله عليه كلامه دائما مرتب ويتنقى(ينتقي) الفاظه بعنايه ..
هذا من كئابة الحياة معه كل ظهر بتلقطين شنطتك وتطلعين عن بابكم تحسبين انه وقت الطلعه من
الجامعه او المدرسه من كثر المحاضرات اللي تسمعينها منه
.. اغسلي يدك من السوالف الرطبه ومن المزح والضحك
ومن الرومانسيه
نص هرجكم عن الحداثه والشعر العمودي
والنص الثاني عن القصه القصيره واثرها على مدري وشهو..
هذا علشان تصرفينه قولي للخطابه انك اول واخر كتاب طبخ قريتيه لقيتيه هديه مع زيت العربي ...

5-المتعصب لناديه المفضل

وما اقصد اللي يشجع بعقل.. لا اللي مستعد يطاق خلق الله علشان الكوره
هذا مع كثرة المباريات ذا الايام بيهبل فيك... يوم منهبل من فرحة الفوز
ويوم منهبل من قهر الهزيمه.. وطبعا الفوز يحتفل مع الشله
والهزيمه بيحط حرته فيك
هذا اذا كان هلالي قولي له انا نصراويه واعشق البلوي واموت في لعب محمد نور
واذا كان نصراوي قولي انا ابي زوجي يكون اسمه سامي الجابر وخاله يكون اسمه الدعيع
ويكون يشبه ياسر القحطاني
وما راح اتزوجك الا جاب النصر بطوله.

6-المتدعثر:
وهو الشخص اللي بريئ من الترتيب
يعني لا لبس لبس ولا اتيكيت ولا لباقه ولا ذوق...
تجيبين له بجامة نوم يلبسها على صروال السنه
تتعملين له مفاجأه بهديه او حفله
يزعل ويقول ليه ما علمتيني انا اخر من يدري
الى الحين يلبس فنيله علاق, والصروال الطويل من قدام فوق الفنيله ومن ورى تحتها
اذا وديتيه لمطعم راقي راح للريسبشن علشان يحاسب ويجيب لكم اعواد اسنان وطيب ليمون

علشانه ما تعود الا على البخاري والمندي متعود على مطاعم البخاري
ما يعترف بالتواريخ الهامه في حياتكم لا تاريخ زواج ولا عيال..
ما يعرف شي اسمه هديه
الا الا الهديه اللي تجي مع رز ابو كاس
في ايام الاجازه يرقد الساعه10 والصبح يروح يشتري فول قلابه ويقومك تفطرين معه؟؟
هذا اذا خطبك قولي له انك بتكملين دراستك في اذر بيجان
صح هو بيحسبها بيدجان بس مو مشكله اهم شي تصرفينه..

الله يوفق الجميع بالزواج

12-07-2007, 07:11 AM

ههههههههههههههههههههههههه هههههههه

حلوووووووووه

12-07-2007, 07:14 AM

محد حيتزوج على كذا ياسرواني عزاللة عنسنا وكل دا اللي قلتو منطبق على الرجل السعودي ويعطيك العافية والله يوفق الجميع

12-07-2007, 07:25 AM

شكرا علي المرور يا عبادي
شكرا علي المرور يا لهفة الخاطر
تانيا حرام عليكي الشباب السعودي مو كلهم سيئين و الله انه فيهم الرجال واهل النشامه انتو يا البنات ما رضيتو علي الموضوع السابق وقلتو حنا موكده واكيد الرجال مو كلهم مثل كده

12-07-2007, 09:38 AM

مشكوووور على هالموووضوووع

وصدقت في 5-المتعصب لناديه المفضل

ياكثرهم كثرااااااااه يالـــولـــي

12-07-2007, 02:05 PM

رجاءاً

احذفوا الموضوع هذا بسرعة

للمصلحة العامة

...

دا بيخرب بيوت ويدمر مستقبل كثير

أنا مع أصحاب الرقم 4 من مدمني القراءة والكتابة والإطلاع

وفعلاً بتكلم كثيرا عن القصيدة العمودية والتفعيلة والحداثة

ووسادتي لسان العرب وديوان الهذليين بس أخطط إذا اتزوجت أخلي الوسادة معجم تاج العروس للزبيدي

...

..

12-07-2007, 04:53 PM

شكرا علي المرور يا نوره الشمري
شكرا علي المرور يا فارس الهذلي بس لازم تغير من اطباعك اذا بغيت تتزوج يعني تخلي القراءه في اوقات معينه مو دائما

12-07-2007, 05:18 PM

السلام عليكم ورحمة الله وبركاته

بارك الله فيك
وتعجبني مواضيعك

12-07-2007, 08:03 PM


	المشاركة الأصلية كتبت بواسطة لهفه الخاطر


	محد حيتزوج على كذا ياسرواني عزاللة عنسنا وكل دا اللي قلتو منطبق على الرجل السعودي ويعطيك العافية والله يوفق الجميع