يبكــي عليــكـ النصــر نــادي وجمهـــور؟

[mark=0000FF]

يبكي عليك النصر نادي وجمهور"=" يرثيك تاريخه وتبكي نجومه
اليوم عقبك ماهو طيب ومسرور "=" يونّ.. واستاد الملك ما يلومه
حتى الملز من الخبر صار مقهور "=" يبي يبيع الحزن للي يسومه
لا والله إلا طاح في ديرتي سور "=" شيخ الشيوخ اللي تظلل كمومه
تواضعه مبدأ وطبع ودستور "=" مرحوم ي اللي ما تغير سلومه
ما يكره إلا الكذب والظلم والزور "=" وقلبه على الغلطان يرضى بيومه
مات وطفى من موتته للفرح نور "=" كن الفرح بالسوق طاحت سهومه
ما لوم من يبكي على الرمز معذور "=" الله يلوم اللي يفكر يلومه
ماجور يا للي تبكي اليوم ماجور "=" شيخ رحل جسمه وخلاّ علومه
ملح الملاعب.. والمحافل لهن نور "=" اللي بعيدات المرامي يرومه
مدري من اللي عقبه بيلعب الدور "=" ياصل مواصيله ويلبس هدومه
اللي يصير اليا قسا الوقت دكتور "=" يرسي اليا طالت وعرضت همومه
نفسه عزيزة دايم الدوم منصور "=" يموت لكن ما تصير مهزومه
يا قف بحزات اللوازيم مجبور "=" لو كبرت القالات تكبر عزومه
اليا زعل يكسر ثمانين طابور "=" لين الزمن يرجع يرتب ثلومه [/mark]













نصـــــــــــراوي بحــــــــــــت و مــــــــــوت