ويتجدد الابداع مع مشرفنا الشاعر الكبير فواز الهذلي في منتديات الهيلا

لنا ان نفخر بممثلنا في ميادين المحاوره من خلال الشبكه العنكبوتيه

الشاعر الكبير فواز الهذلي ,وما هذه المحاوره التي بين ايديكم

الا دليل على عودة مجد هذيل في شعر المحاوره

اترككم لتستمتعوا :


فواز السعيدي




زيد نص وشيل نص وخل للدعوى خلاصة
وان فهمتو زبدة الموضوع مانتم حول نصه
ياعتيبة عن هذاك العلم مافيـه انملاصـه
شجرة الزقوم قصتها مع اهل الدين قصـة





العمــــــدة




فلسلفة سواق باص من الفجر في ظهر باصه
تختلف عن فلسفة مبدع تعب في حبك نصـه
العتيبي ما اختلف ممشاه والدين اختصاصـه
وانت ربعك مالهم في تركة الامجـاد حصـه





فواز السعيدي




يالله استر لايجي في عمدة الحي انقراصـه
عقب ماشاف الهذيلي غص له فالحلق غصه
عزك الله يابلاد(ن) تحرص المومن حراصه
يوم راس الشر يومي جاه قصاص(ن) يقصه





العمــــــدة




السعيدي لو بغيت ارميه مايسوى الرصاصه
ماكسب فعلً جميل ولا جلس وسط المنصـه
لا تقنّص في ديار السبـع مافيهـا قناصـه
وان لقيت احدن من الهذلان يافواز وصـه





فواز السعيدي




العتيبي مايغادر لين نلـوي فيـه شاصـه
وان برك للحمل ماله غار في ظهره نشصه
المعاني جيبها والجدر كمل لـه خصاصـه
صاحبك يقصد هذاك الخاتم اللي طاح فصه





العمــــــدة




العتيبي ذيب ما ياقـف مواقيـف النياصـه
والسعيدي حط عصه في محلً مـا يخصـه
لو نهلت من المجلد ماعمت عينك قصاصـه
لين دربيت الحجر مدري على صدرك ترصه





فواز السعيدي




كان صادق لاتحوص ولايجي فيك اختباصه
لين تارد جم ينضح واغترف جمّه ومصـه
كيف تضحك يالعتيبي كيف يطريلك هياصه
والزمان اللي مضى محلوق راسك من مقصه





العمــــــدة




السعيدي لو عرف سر البحر يمديه غاصه
لكن يكفيه يلقى له علـى شاطيـه بصـه
نلطم العايل وبعض الناس ماهر فالمياصه
البلد معروف تجاره وسمسـاره ولصـه





فواز السعيدي




السعيدي فالمواقف مايجي فيـه ارتعاصـه
وان لقي له واحد(ن) منجوم في علباه رصه
وين هاذ الهرج يوم ازريق في عينه خواصه
يوم موس القوم حول فوق راسك ثم قصـه

صح لسان فواز وبيض الله وجهه

صح لسان الشاعر فواز

وانا اشهد انك كفو

وتسلم يابن قاسي على المتابعه الرائعه لشاعرنا فوووواز

	السعيدي فالمواقف مايجي فيـه ارتعاصـه وان لقي له واحد(ن) منجوم في علباه رصه

كفو يافواز .......وصح لسانك ....وعقبال مانشوفك في شاعر المعنى والمغترة .

مشكووور يابن قاسي ياأبيض الوجه .

والله والنعم يافواز ومشكور يابن قاسي

زيد نص وشيل نص وخل للدعوى خلاصة
وان فهمتو زبدة الموضوع مانتم حول نصه

يا سلام يا فواز

مبدع كما عهدناك

صح لسانك يالغالي

وشكرا جزيلا لابن قاسي على النقل الجميل

بعدي والله بشاعرنا الواعد
أنا أشهد بالله إنك كفو يافواز
صح لسانك وعلا شانك

فواز بإذن الله لك مستقبل باهر ينتظرك وماهي غريبه وربعك هذيل

وشكرا أخوي بن قاسي على نقلك والمتابعة المستمره لأخونا فواز

	لنا ان نفخر بممثلنا في ميادين المحاوره من خلال الشبكه العنكبوتيه الشاعر الكبير فواز الهذلي ,وما هذه المحاوره التي بين ايديكم الا دليل على عودة مجد هذيل في شعر المحاوره

السلام عليكم ورحمة الله وبركاته

اولا شكرا لك اخي الشاعر الخلوق بن قاسي الهذلي على هذا النقل وهذه المتابعه


ثانيا/ شكرا على هذا الاطراء الذي لست اهل له ولكن هذا من طيبك وحسن خلقك يالغالي


كما اشكر الاخوان على شعورهم الطيب وردهم النبيل


دمتم بود

مشكور يابن قاسي على النقل
ولكن وش الفايده من هالموضوع؟

	المشاركة الأصلية كتبت بواسطة أسد الشرى

	مشكور يابن قاسي على النقل ولكن وش الفايده من هالموضوع؟

الفايده عشان نتكتشف اللي زيك

بس

	المشاركة الأصلية كتبت بواسطة وجه السعد

	الفايده عشان نتكتشف اللي زيك بس

والله انا ما اعرفك والكلام ماهو موجه لك ما أدري ليش اللقافه؟!!!!!!

	المشاركة الأصلية كتبت بواسطة أسد الشرى

	مشكور يابن قاسي على النقل ولكن وش الفايده من هالموضوع؟

الفائده للشعراء ومتذوقي الشعر الهذلي الاصيل

واعتقد من كلامك انك بعيد عن ذلك


لك احترامي

ابداعات شاعرنا الواعد فواز السعيدي ليست غريبه ولو لم يكن بهذا المستوى الراقي عندها نبدى الاستغراب
فقبيله هذيل منبع الشعر ولازالت هي مصدر الابداع في بحوره واغراضه

وفقك الله ايها الهذلي الاصيل النبيل فواز السعيدي
وشكرا على النقل يابن قاسي لقد خدمت المنتدى خير خدمه بنقلك هذه المحاوره لشاعرنا الواعد وبيض الله وجهك

وعندي سؤال للاخ العزيز الكريم اسد الشرى
اذا كنت لاترى فائده من الموضوع مالذي جعلك تبدي امتعاضك ؟
كان الاحرى بك ياعزيزي ان لا تعلق عليه لكي لاتنقل عنك صوره اخرى فالموضوع - بالنسبة لك - محاوره ليس الا فلتتركها وتذهب الى موضوع اّخر تجد فيه الفائده لك وشكرا
والله من وراء القصد

	المشاركة الأصلية كتبت بواسطة الفند الضبيبي

	ابداعات شاعرنا الواعد فواز السعيدي ليست غريبه ولو لم يكن بهذا المستوى الراقي عندها نبدى الاستغراب فقبيله هذيل منبع الشعر ولازالت هي مصدر الابداع في بحوره واغراضه وفقك الله ايها الهذلي الاصيل النبيل فواز السعيدي وشكرا على النقل يابن قاسي لقد خدمت المنتدى خير خدمه بنقلك هذه المحاوره لشاعرنا الواعد وبيض الله وجهك وعندي سؤال للاخ العزيز الكريم اسد الشرى اذا كنت لاترى فائده من الموضوع مالذي جعلك تبدي امتعاضك ؟ كان الاحرى بك ياعزيزي ان لا تعلق عليه لكي لاتنقل عنك صوره اخرى فالموضوع - بالنسبة لك - محاوره ليس الا فلتتركها وتذهب الى موضوع اّخر تجد فيه الفائده لك وشكرا والله من وراء القصد

انا اتفق معك فيما قلته عن فواز

واجابتي على سؤالك كالتالي:
لا أحد يستطيع ان يمنع اي عضو عن المشاركه في اي موضوع وابداء رأيه سواء كان مع او ضد محتوى الموضوع



لك ودي