حديث ...الموج !!

[poem=font="simplified arabic,5,darkblue,normal,normal" bkcolor="" bkimage="" border="none,1," type=2 line=0 align=center use=sp]يانورس البحر ... لك جوك ..ولي جوي = لاتبتهج ...لو لعب موجك بمجدافي
متعلق (ن) بالهوى ! .. ترقاه .. وتهوي= وتعانق البحر ... والله يعلم الخافي
ياكم بريشك تشد قلوب ...وتسوي= ياكثر طيشك ... وكثر اللي معك وافي
لو جيت شاطيك .. ما فرّطت بعلوي= ماشفت نور القمر.. فوق البحر طافي؟
أسمعك تهمس...واشوف الدرب متلوي= ياغاوي الدرب ..دوِّر لك قدم حافي
بردان؟ ما اشب من واهي الحطب ضوي= ظميان ؟ ما ارمي لخاوي العد مغرافي
جيت ابعد النفس..عن "ليتي" وعن "لوّي"= واراجع اللي مضى ...واحدد اهدافي
في داخلي ذيب شاف النجم ...ويعوي= وهناك ... بين النجوم الزُهر ..مشرافي
مع نوضة البرق .. في القبلة.. حكم نوي= كريم برق (الحيا).. فزت لك اطرفي
يانورس البحر.. لك جوك ولي جوي= مليت صوتك.. ومل البحر.. مجدافي[/poem]