مسار السفينه

[poem=font="arial,5,,normal,normal" bkcolor="" bkimage="" border="none,1," type=1 line=0 align=center use=ex num="0,"]

في حضرتك كني مدينه بها ناس=وفي غيبتك كني بليا مدينه
حلم الوصال أشعل على الشاطي احساس=وريح الحضور أزهى من الياسمينه
يوم الفراق أقسى من الهم والياس=حزنٍ يكابدني ليالي سنينه
قربك يسليني بلا حد وأقياس=وبعدك يزلزني بوقته وحينه
شربت بحر الشوق كاس على كاس=وأشعلت مابين الضلوع المتينه
وثارت لك الاشواق بالشعر هوجاس=أرسم لآمالي معاني ثمينه
أحيان ياتيني للأفراح نسناس=وأحيان أبات الليل روحي حزينه
بيت الغلا باني جداره على ساس=بالعز والاخلاص ماهو بطينه
وباب الأمل مفتوح من غير حراس=وبدر الدجى نوّر دروبي جبينه
كان البحر يعلو على كل غطاس=الريح ما يعكس مسار السفينه
هذي حقائق واقعي صوت وانفاس=أظهرتها من بعد كانت دفينه
وأسمعتها حيٍ على كل الأجناس=موت القهر من لا تُجمّل يمينه
ياللي حضوره فيه ميزه عن الناس=مدينةٍ تسعد وتشقى مدينه[/poem]