حدايا وبالصوت في زواج مسلم السويهري

في البداية : نبارك للشيخ مسلم السويهري على زواج ابنه ياسر يوم الاثنين الماضي

حضرت العديد من الحدايا وأولها


حداية عيال عمنا السعايد
سلام للداعين والحضار واللي يستمعنا
ردية مثل الحياه اللي لها قيمه ومعنى
في واجب اللي في لزومه لا نصد ولا رجعنا
واجب علانا ناصل الطيب ونوفي في الحقوق




وش رايكم في اللي طلب مهله قليله يوم بعنا
من بعدها ما عاد يعرفنا ولا قرب سنعنا
وعود سد وعود لين انا من علومه قنعنا
اما يوفي حقنا والا يحول للحقوق


[line]
وكان الرد من عيال عمهم السواهره ويتقدمهم الشاعر مساعد ( الوالد ) وسامي سعد السويهري ومسعد بن عليان ومن عيال السواهره المحبين لهذا التراث الجميل


يامرحبا حياكم الله بعد ما ربي جمعنا
يالاد عم في اللوازم والمواقف دوم معنا
حنا تعلمنا وعن بعض المواضيع ارتفعنا
الصدق بين في المواقف ما يفوز الا الصدوق

حنا نعرف العلم واللي ما نفعكم ما نفعنا
وانتم تمنون الطماعه مار حنا ما طمعنا
حنا سمعنا العلم ومن العلم بالحق اقتنعنا
والعلم واضح والصحيح يبين من فم الصدوق


[line]
[line]

ثم حضرو أرحامنا السلمان ومعهم الحداية التالية :

سلام ردية وفا لاهل الوفا واهل الشهامه
تنصى هذيل اللي لهم تاريخ مرفوع مقامه
حنا سليم اهل الكرم والطيب ورجال الزعامه
واللي قرا التاريخ ما يجهل سليم ولا هذيل

اسالكم عن بنت ياهل العرف للمسلم علامه
اللي يباها يرجي الخالق ويطلبها السلامه
في جنة الفردوس باذن الله من يصدق كلامه
الله يثبتنا على درب الهدايه والدليل

[line]

وكان الرد من أصحاب المحل بالتالي :

يامرحبا عداد نوض البرق في وسط الغمامه
ترحيبة اهل الطيب تنصى الضيف لا ورد سلامه
انتم سليم اهل الوفا والراس من تحت العمامه
تشهد تواريخ العرب بالحق جيل بعد جيل

ياللي تجيب اللغز حله يتضح يوم القيامه
للمسلم اللي كمل فروضه ولا ضيع صيامه
ثنتين في الجنه ومن شقالها يلبس وسامه
ياسعد من هو نالها والله على خلقه وكيل

تقبلوا مراسلكم في زواج السواهره ( أبو ثامر )


لحفظ الحدايا ( بالزر الايمن ) ثم ( حفظ )

حداية عيال عمنا السعايد من هذيل


رد السواهره على حداية السعايد

[line]

حداية أرحامنا السلمان


رد السواهره على زومالة السلمان