الســــــحر والجــاذبــــية

السلام عليكم ورحمة الله وبركاته

أقدم لكم قصيدة عسى أن تنال الجزء اليسير من إعجاب الجميع



[poem=font="Simplified Arabic,5,darkblue,bold,normal" bkcolor="transparent" bkimage="" border="double,6,black" type=2 line=1 align=center use=ex num="0,black"]

يا مرهف الإحساس يالقلب العنيد = سلاسل الصبر الحديد مقطعه
كل يوم أقول اليوم نبدى من جديد = وأتبع هوى قلبي ونفسي تتبعه
أحيان أشوفك في خيالي من بعيد = لا أنته قريب ولا بعيد أودعه
شوفتك عندي فالسنه مليون عيد = وفرقاك عندي ضيق في وقت السعه
يا رمش عين ونظرة الظبي الفريد = انت السحر والجاذبيه منبعه
فيك الجمال اللي عجز فيه القصيد = رمية سهوم الموت جات موقعه
ما بين شريان المحبة والوريد = والعشق ناره بالغرام مولعه
رتبتك يا قايد لوى قلبي عميد = وأمرك مثل مرسوم يصدر وأسمعه
وقفتك سلطه مثل هارون الرشيد = وقفة زعامه ما تنال زعزعه
أختار مني ما تحب وما تريد = لو كان وقت الطحن ما به جعجعه
ما عنك يغنيني كنوز ولا رصيد = عطني غرامك وسط قلبي وأودعه
ما كدت لك بالكيد حتى أنك تكيد = امنع كيادك ما نبا الكيد أمنعه
عذرك معي دايم مثل عذر البليد = وترى البليد يموت معذاره معه
أحلم علي بسلطة العقل الرشيد = وأبني جدارك بالمعزة وأرفعه
عظمي حديد وذاب وإنهار الحديد = وموقعك ثابت ما تغير موقعه
درب الغرام أخضر كما خضر الجريد = وين الشجاعه يا أسود المسبعه
لو كل عاشق مات فالجنه شهيد = أهلا ً وسهلا ً بالقبور المفجعه[/poem]