محاورة ثلاثية

محاورة جمعت بين ثلاثة من أعضاء المنتدى السابقين والحاليين

عسى أن تنال اعجابكم

،
،

حماس
دافعوا يا شباب ان كان فيكم دفاع .. دربكم درب حاري ليلكم سرمدي
واحدن جا فدربه واحدن تاه ضاع..واحدن جا بهونه واحدن جا عدي

أبو محالة
تدري اني مهاجم راس حربه شجاع .. ما يقع فالتسلل لو حديته حدي
أبو ذياب
ما اقشر الانخفاض وما اطيب الارتفاع .. كيف اعيد وانا ما جبت راس الفدي
،
،

حماس
كان تبغى الجزاله فاصغي الاستماع..وكان تبغى السلامه جنب المعتدي
خاوني بعد بكرة يم دار الرفاع .. والثريا تقابل في سماها جدي

أبو محالة
أنت تبغى تحدث بالحديث المشاع .. لو رواه الأئمة حضّر المسندي
أبو ذياب
زرت حايل واهلها كل ابوهم جياع .. استر العلم يا اللي عارفن مقصدي
،
،
حماس
الشعر بالمهارة والغزو بالذراع..لاتفلت جمالك بالخلا يابعدي
الك لا بد نفتل حبل ستين باع .. تنقض الحبل والا يا فتى تركدي

أبو محالة
فيه شخص مطيع وفيه شخص مطاع .. وانت راع الرعية فيك دوم اقتدي
أبو ذياب
تذبح العبد ما تحسب حساب السباع .. واش قضوا به هل الردات يا المبتدي
،
،
حماس
فيه شي يباع وشي لا مايباع..لوتدور الليالي حطتك في يدي
الفلك في مداره والفضا فاتساع..وانت تحذف غوافل ليه يا الاجودي

أبو محالة
بيت ابو زيد له سيسان ما قط راع .. للمعاند عقوبة والعرب تشهدي
أبو ذياب
الذيابة تراها من عشاها شباع .. فوق جمر الغضى تندي عشاها ندي
،
،
حماس
بيت ابو زيد لابو زيد بني ومتاع..صدق وان الليالي بعضها جرهدي
ليتك تحج وتكمل طواف الوداع..وانت ياذيب سمحه في سماك بردي

أبو محالة
جتك مني رساله لو خبرها يذاع..فار دمك وحسادك يقول اسعدي
أبو ذياب
الحقايق ترى مالبست بالقناع..والعشا يرسل الجوال ياسيدي
،
،
حماس
الرسالة على جنحان والا كراع..انت فارقت لك فالشام صاحب ردي
الثنية تزاحم فالمراح الرباع..والشواوي مغير محدر مسندي

أبو محالة
تدري اني ذهينن وابذل المستطاع..وسمنا يا ولد فالشام ما يجحدي
أبو ذياب
السفينة تقاد بموج والا شراع..وانت رجلن طويل ذراع وبواردي
،
،
حماس
طاش ما طاش كم سبب خلاف ونزاع..بين ناصر وعبدالله وبكر الشدي
هوشة أهل السفينة ما وراها فراع..صار ربانها فمعان والمربدي

أبو محالة
أدري انك لكيع ومن رجالن لكاع..شوف حوثي اليمن ناره تبا تخمدي
أبو ذياب
أنت بحرن غزير وما عرفت الك قاع..كم بابور يغرق فيك ما يهتدي

صحة ألسنتكم وعساكم على القوة
أدري انك لكيع ومن رجالن لكاع *** شوف حوثي اليمن نار تبا تخمدي