رد إعــتبار

السلام عليكم و رحمة الله و بركاته


هي ليست إليكم ...

و لكن لتشاركوني بعض ليلي ..

و إن أثقلت عليكم ,, فالعذر لقلوبكم ..



.
.


رد إعـــتبار


,
,
,


[poem=font="tahoma,5,black,normal,normal" bkcolor="transparent" bkimage="" border="double,4,gray" type=1 line=0 align=center use=ex num="0,black""]

لا تفرح ... الله لا يفرحك بالعيد = تفرح بضيقة خاطري و انكساري
المقبلات من الليالي مواعيد = و موكل الأيام تاخذ بثاري
أنا لي الله رازق الوحش بالبيد = من حيث لا يقدر و لا هوب داري
والرزق لو هو قو عزم و تجاهيد = ما شبع ثور و لا طوى الجوع ضاري
يا حظ ما تقهر قلوب الحواسيد = تعمل على نصري و رد اعتباري
أرهقت روحي بالسهر و التواجيد = ألوم ليلي و استحي من نهاري
بعض الرجا مثل الربا كل ما زيد = ينقص بقدر الرجل و الامر جاري
اللي شريته بالغلى باع بزهيد = و اكثر منادي بالوفا ما يماري
و لو كان يكفي المتن دون الأسانيد = كان اكتفينا عن صحيح البخاري
يا ويل قلب ٍ يعرف الحق و يحيد = و يا ويل من حط الحسود استشاري
وش عاد و الهقوات جتني مجاهيد = و مستعتب ٍ قلبي على ما يداري
ما تجرح الشرهات غير الأجاويد = و يا هاجسي ما جيت لي باختياري
مارجي من الجاهل موده و تمجيد = و لا عارض ٍ شعري على كل قاري
و ان شفت من بعض الوجيه التصاديد = اللي خذت من وجه ليلي مواري
صديت صدة مبتسم دون تفنيد = صدت بدو باسلوب جدا حضاري
و اخذت لي في رحلة الحلم تاكيد = و بخاطر ٍ ما لاج به كل طاري
سجيت لو ان المسافة جراهيد = و الواقع المشؤم اذبه يساري
و اغيب عن ميلات الايام ,, و بعيـــــــد = احطب ظلام الامس و اشب ناري
و اقطع من البيدا على غير تحديد = و اهدم جدار الياس و ارفع جداري
و اخذ من أسباب ( النجوم العناقيد ) = ما يقهر الظلمة في وجه الغداري
و اليا انتبهت أقوم لله توحيد = ارفع يدي و ارخي من الموق جاري

[/poem],
,
,