هجوس الربيع

[poem=font="arabic transparent,6,darkred,bold,italic" bkcolor="transparent" bkimage="http://www.hothle.com/vb/mwaextraedit2/backgrounds/13.gif" border="inset,6,black" type=1 line=0 align=center use=ex num="0,black""]
قصيدة:الشاعر عببد الله امبارك البطيحي اللحياني
يا الله ياخلاق ياراع الأفراج = يا من لقسوات الحوادي طلبته
منقذ نبيه و البحر غب الأمواج = ويا معقل يوسف على من وهبته
الطف بقلبٍ يشتكي صالي الصاج = وعوج الحنايا طالها مر نبته
والود له في مكّنة الروح معراج = والشوق سَم الروح لو استطبته
أسمه عذاب ولو كسيناه ديباج = ووصفه سراب تفقده لا قربته
ماهو غلا اللي كن في خده سراج = غرواً جذب غيري وأنا ما رغبته
شوقي لدّواً فيه للرجل مسهاج = شذاه كّنه فوح طيب سكبته
ومعنا مواترنا جديدات الإنتاج = مثل العسيف الهين اليا ركبته
والصيد فيه نطارده سرب وأزواج = ومعي الحزام بكل غالي كربته
في ارض الربيع اسج بالساق دواج = واللي قسمّه الله اليا أمسيت جبته
وصوت ام سالم غنت بلحنها عاج = مثل البشير اللي حضر ما رقبته
ونشّب لا أمسينا قوادي لمن دأج = يضوي عليها لافي ما حسبته
في مجلس نايّد على درة التاج = مع الرجال وكل مطمع كسبته
يسلى بها قلب تقاسمه الأنواج = وعن شطنة العمر المقفي نهبته
وأعسف زماناً جاء على غير منهاج = بالضد شيبني وبالعزم شبته
هذي الحياة اللي لها خاطري رأج = تشبه لذيذ الشهد لا من شربته
ماهي حياة اللي على الباب مزلاج = والبيت كنه قبر لا قبلت هبته
عايش حياته بين تمثيل وإخراج = كنك ليا ضفته بكفك ظربته
يزم صدره لا لقي الجار محتاج = ويرزيه زين الفعل حتى إن غصبته
ويشح بالماء لو على بير هداج = وان صحت تكفى كنك اللي عطبته[/poem]