محاورة بين الشاعرين / سلمان الهذلي و حاكم العتيبي

هذه المحاورة جرت بين الشاعر / سلمان قشيمع الندوي الهذلي والشاعر / حاكم عيد العتيبي ::: (من بيت واحـد)

حاكم العتيبي
يامرحبا ترحيبة مثل القمر بين النجوم
إليا سطع نوره تعاين في النجوم ونورها

سلمان الهذلي
دام البقا والبحر يبغى له رجل يقدر يعوم
وانته بدورك يالعتيبي والرجال بدورهـــا

حاكم العتيبي
خل البحر للبط يسبح والصقر دايم يحوم
وإلا أنت ياسلمان ماجيت السما وصقورها

سلمان الهذلي
إن كنت واحد من عيال البط ياقرم القروم
إسبح في موج البحر والدنيا تحمـل جورها

حاكم العتيبي
خل الردي لا طاح ياسلمان جعله مايقوم
أخذ الكلام من الرجال اللي يسدك شورها

سلمان الهذلي
أبوك ليه سماك حاكم وإنته رجال إمحكوم
والله يعوض في عتيبه إن كان هذي نمورها

حاكم العتيبي
إن كنت ياسلمان جاهل في قويين العزوم
تشهد لهم في نجـــد ساحات الوغا وقبورها

سلمان الهذلي
في عهد الملك خالد سمعنا عن عتيبه علوم
كانت تبي مكة وعود كيدها في نحـــورها

حاكم العتيبي
مادام هذي هرجتك تراك مانته بمحشوم
خلك تسدح بين شعب أم القرى وقصورهـا

سلمان الهذلي
إنته ياحاكم فيك علة ياعساها ماتدوم
وأنا دواء العـلـة وأعالجهــا وأنا دكتــورها



أتمنى أن قدمت مايليق بالشعر ومايرضي قبيلتي هذيل
مع تحيات الشاعر / سلمان الندوي

السلام عليكم ورحمة الله وبركاته

شكرا اخي سلمان،،


اسمحلي انقل المحاورة ، لقسمها المخصص،،

ننتظر ابداعك


تحية طيبة

ماشاء الله صح لسانك

وبيض الله وجهك

محاوره جميله شكرا لك

بيض الله وجهك..


محاورة جميلة..

اخونا سلمان الندوي
انا اشهد انك شاعر المستقبل
تحباتي

بيض الله وجهك ياسلمان الندوي

بيض الله وجهك ياسلمان..

راعيها

ياسلمان .. شاعر وإبن شاعر . متوارثين المجد كابر عن كابر

بيض الله وجهك اخوي سلمان علئ هاذا الابداع
تقبل مروري

بيض اللة وجهك ياولد الخال ءءءابومجاد

الله يعطيك العافيه وبيض الله وجهك

ياهذيل عسكر البارود
الله يعافيك وجهك ابيض

الله يعطيك العافيه أخوي..

في عهد الملك خالد سمعنا عن عتيبه علوم
كانت تبي مكة وعود كيدها في نحـــورها