توفيت امه فكتب هذه القصيدة ,,

[poem=font="Simplified Arabic,4,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
يواسيني وانا الميت وحالـي يجبـر الدمعـات =تسيل من الذي فيني ويبكـي وهـو يواسينـي

وانا ابكي واتنهـد وارسـم بالحـزن لوحـات =يجبروني عشان امشي ورجلي مـا تمشينـي

قتلت رعايتي بيدي قتلـت الحـب والرحمـات =حرمت النفس من حقها وانا ابكيهـا وتبكينـي

فداك القلب يايمه ومهمـا قلـت مـن كلمـات =صغيره في كبر حقك بـس اتمنـى تعذرينـي

نهبت الفرح من بيتي صحيح اني خسيس الذات =صحيح اني ولد طايش وكل ما أسمعـه فينـي

يظنوا حزنهم اكبر وهـم اصحـاب هالمأسـاة =وانا اتحدى اذا فيهم ربع مـا يحتـرق فينـي

عطيتيني بدون حساب ولا سمعتك تقولي هات =وانا اشرب حيل من دمك ودمـك مـا يكفينـي

يايمه ارجعي كافي ابجلس معك لـو لحظـات =واقبل ايدك ورجلك وافرش لك رمـش عينـي

يايمه ما تحملهم يقولوا فـات مـا قـد مـات =تعالي غيري هالقول واطيعـك باقـي سنينـي

واترك عادة التدخين وانفذ مـا تبـي بسكـات =واصلي الفجر في المسجد قبل منتي تصحينـي

يايمه ارجعي تكفين وطفـي شمعـة الآهـات =ابيك انتي ولا غيـرك علـى موتـك تعزينـي

وضميني وداويني مثل مـا كانـت الهقـوات =ما ابي احدن يواسيني ابيـك انتـي تواسينـي

دخيلك بس لا تبكي اذا شفتـي بـي الدمعـات =انا مقـوى ابكيـك اذا انتـي تبكينـي...... . [/poem]