المبتـدا بسمـك يـارب السـمـوات

المبتـدا بسمـك يـارب السـمـوات
واعوذ بالمعبـود مـن كـل شيطـان
ا سجد خضوع لرب الاحيـا والامـوات
والعز في الاسلام مـن بيـن الاديـان
ماهمنـي جمـع الذهـب والريـالات
بعـد طلبـت المجـد غايـه وعنـوان
ماني بشاعر كـان ماصغـت الابيـات
صوغ الذهـب بيديـن صـواغ فنـان
اسبح بحر واغوص هـوج المحيطـات
واخرج من المحـار لولـو ومرجـان
اتعب على شعري واحـوز الشهـادات
يشهد رشيد وشاعـر مظيـم سلطـان
اللي لهم فـي قمـة الشعـر رايـات
والمعذره ياهل القصائـد علـى شـان
الشعـر مهـر وكـل مهـرٍ بكبـوات
وان ماوفى ياجعلهـا كبـوة حصـان
وامسيت في روس الرجوم الطويـلات
اقنب مثـل مايقنـب الذيـب سرحـان
وانخى هجوسي والحق الصوت باصوات
نخوة عتيبي صاح في جيـش عتبـان
وقـدام ادور للـورق والقلـم جــات
مثـل الريـاح ليـا دعاهـا سليمـان
ياربعنـا نسـل الجـدود المسـمـات
في مزاين الهيـلا طويليـن الايمـان
البل عطـايالله ولـن راحـت وجـات
مافيه بيـن عتيبـه اليـوم خسـران
الاسم مثـل الوسـم مافيـه شكـات
واللـي يعاندنـا بـلا شـك غلطـان
نثبـت كمـا تثبـت جبـال السـروات
وافعولنا ترجـح علـى كـل ميـزان
ذباحـة الحايـل ولابــه مــراوات
لطامة العايـل علـى الخيـل فرسـان
واشيوخنا نفخر بهـم فـي المهمـات
للطيـب طيـب وللمعاديـن عــدوان
ومن حقـي امـاري بقـوم المـروات
الاد عالـي يـوم روغـات الاذهـان
عيال الزلامـي مسرجيـن الكحيـلات
يوم الزمان مقاضب حلـوق واكـوان
اهل السيـوف المرهفـات الصقيـلات
يـوم المعـارك قـدح نـارٍ وصـوان
وقـدام يلحقنـي ملامـه وشـرهـات
كل القبايل فـي الجزيـره لهـم شـان
والحمـدلله بعـد ماكـانـو اشـتـات
صاروا سوا في المملكه مثل الاخـوان
وانقذهـم معـزّي وازال الـضـلالات
بالشـرع والدستـور سنـه وقـران
عليـه رحمـة خالقـي والصـلـوات
ماطار طير وما اورقت خضر الاغصان
ومن بعده عيالـه ملـوك الزعامـات
ماينجـب الشيهـان ياكـود شيهـان
الهـم ولانـا والوفـا كـل الاوقـات
اسلم وسلم لي علـى خشـم سلطـان
وعبـدالله ابونـا رفيـع المقـامـات
الشعر مايوفيـه مـع عبـر الازمـان
يكفيك عن وصفـه عظيـم السجيـات
عدالة الفـاروق فـي ثـوب لقمـان


:
الشاعر : غلاب بن عايض العتيبي