البارحة سجيت والنور مافج

السلام عليكم ورحمة الله وبركاته

مساكم الله بالخير يا اعضاء المنتدى الغالي ,اليكم هذه القصيدة عسى ان تنال اعجابكم

وياليت الاخوة المشرفين يساعدونا بالتنسيق



البارحة سجيت والنور مافج * * والليل ماطرى للاصباح فجة

من واقع الايام وظروفها اسج * *والناس تضحكبي على كل سجة

وهموم وقتي تزدحم كنها الحج * * ولا خذيت مع المطاليق حجة

والزين عن ميعادنا الاولي هج * * واقفى ولا بين وش اسباب هجه

واصبح طريق الوصل مابيننا عج * * والبعد زود بين الاحباب عجه

وعرش المحبه بعد ماغاب يرتج * * حتى كيان الشوق صابه برجه

والدمع من عيني على الخد يندج * *باسباب غرو دمع الاعيان دجه

غره زمانه مع هل الكاب والرنج* * وانا حياتي بين كابه ورنجه

ولو عندنا لجنة محبين لاحتج* *واقدم جروحي دلايل وحجة

لكن قاضينا الهوى والهوى دج * * قاضي وحكمه بين الاحباب دجه

واليوم ابى اخيرك وابعد عن اللج* * نفسي عزيزة ماتضرت بلجه

القلب داوه بالمواصيل وانهج * *قبل الغرق في بحر الاوهام نجه

ولا على الانعاش بابرة يبنج * * مادام وصلك حلم خله ببنجه