"حكاية شوق"

[poem=font=",6,darkred,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
هذي حكاية شوق في بيض الأوراق= بدت معانق بين طرفي وطرفه
كنا سوا في ماضي الوقت عشاق= قبل الزمان يفرق الولف عُرفه
وحل الغياب اللي نثر فيض الأحداق= في جرهدي العمر والنفس صلفه
لقيتها صدفه على مفرق الساق =وعرفت صوت ما نسى القلب عزفه
في منتزه أجيه لا خاطري راق= يسلا به اللي راحت البال شفه
تلوذ وتنادي أنا وين يا أشواق= وأشواق طفله تعطي الورد قطفه
وجاتني تدور لأمها والفضاء ضاق=تقول "بابا" ! ويييين وصفي لوصفه
وقبلت وجنتها وآنا مشفق إشفاق= والدمع قام يبيح السد نزفه
ولأجل تكرر قول "أنا وين يا أشواق"= ألهّي ألطفله وفي القلب رجفة
ورسمت في يدها تعابير مشتاق=وتوقيعي اللي ينقشه فوق كفه
وغيّر مزاجي همس وده فالأعماق= والحر ماينزل على غير عفه
وطلبت من في يده تقسيم الأرزاق=يروف باللي في المعاليق حذفه
ليت الزمان اللي مضى وصل وعناق = يرجع لعل يبل روحي بعطفه
يا ناس والله صادق الود حرّاق= لأمن غشى حدب المعاليق عصفه[/poem]