خير ما يكسب الانسان في الدنيا

هذه القصيدة طلبها مني الأخ الفاضل : رشيد السعيدي وهي للولد أيضا ومن عيون الحكم


لما تشتمل عليه من معاني ولعل الأخ رشيد قدسمعها مني حيث قمت بإلقاءها في حفل هذيل هذه السنة 1426هـ


عند شيخ القبيلة في مكة

فأحب تقديمها بين أيديكم جميعا وتقبلوا تحياتي

[poem=font="Simplified Arabic,4,firebrick,normal,normal" bkcolor="white" bkimage="" border="outset,4,white" type=1 line=0 align=center use=ex num="0,black"]
خير ما يكسب الانسان في الدنيا=وخير ما يصنع الإنسان في ذاته

الدين والبر والإحسان والتقوى=والعلم يبني ويرفع في درجاته

والشمس تطلع وتبدي حزة المبدا=والليل يقبل ويضوي وقت حزاته

واللي يبي مع طريق السيل ما يغوى=واللي يبى مع كرى يلقى ملفاته

واللي يبى العز ثوب العز ما يبلى =واللي يبى المعذره يا كثر حيلاته

واللي يبى الدرب ياصل حيث ما يبغى=واللي يكب السنع يا كثر عثراته

واللي يبى الساس يطلع جيد المبنى=ما ينحرف عن تقاليده وعاداته

واللي يبى يتبع الافكار والأريا=يذرح ذريح الهوى ويموج موجاته

واللي عمى قلب لو عينه تشوف أعمى=يرفع يدينه وتقصر دون غاياته

واللي يمدك يمينه مده اليمنى =واللي يلدلك وجهه لد لداته

واللي يمدك يساره مده اليسرى =واللي يصدلك وجهه صد صداته

واللي يعرف الهدف ويحقق المرمى=يمشي مع الوقت بافكاره وحكماته

واللين اللي على الشدات ما يقوى =جوّد لحافه وخله عند خياته[/poem]