نصيحـة

يا مشــاري انتــه لك معزه وتقديــر

لكن ما اقبل منك في الدين تقصيــر

الله خلــق خلقــه و للخلــق تدبيــر

لعبــادة الرحمــن كــل العبــادي

حافظ على دينك وتسلم من الباس

ينجيك من نار لها حــر و احســاس

ناراً توقــد بالحجــاره و بالنــاس

و الله غفور و لــه عذابــاً شديــدي

مشيك مع الطيب يزيدك من الطيب

ومشيك مع الخايب يجيك بعذاريب

تحكم عليك الناس ما تعلم الغيــب

خلــك من الشكــات دايم بعيــدي

جارك لا يزعل منك يا ابن الحلالي

لو كان تسمــع عنه قيــلاً و قالــي

خلك حكيــم و خل فيك احتمالــي

خلك حكيم و خــل رايك سديــدي

و ربعــك تراهــم لك جنوبــاً قويــه

بعــد الله المعبــود رب البــريــه

خلك بربعــك ما تجيــك الخطيــه

شاور وخذ راي الحكيم الرشيدي

لا ترافق الكاذب وترى الكذب خيبه

يطــرح من الرجال قيمــه و هيبــه

خلك مع الصادق مايلحقك غيبــه

خلك مع الصادق و حبك يزيــدي

اخذ النصيحه من ثقات الرياجيل

تبعدك عن قرب الخبول المهابيل

عساك تفهم ما ذكر بالتفاصيــل

وعساك دايم في حياتك سعيدي

و صلاة ربــي عــد دورات الايــام

واعداد من صلى فروضه ومن صام

على النبي الي نشر دين الاسلام

شفيع الامــه في نهــار الوعيــدي

الشاعر /معوض بن درويش المسعودي الهذلي