قصيــــدة " أمجـــــاد هذيل " للشاعر عطا الله القارحي

[align=center]السلام عليكم .
هذه القصيده للشاعر عطا الله القارحي و الذي سجلت و القيت الأسبوع الماضي أثناء تسجيل قناة الصحراء عند الشيخ خلف الحساني .
،
القصيده شامه وقد تطرق الشاعر لكل من ساهم في نجاح تسجيل هذه القناه لتراث هذيل ., اتمنى أن تنال استحسانكم وهذيل تستاهل المدح والشاعر ما قصر ..,,
"،[/align]
[poem=font="Traditional Arabic,6,black,bold,normal" bkcolor="transparent" bkimage="" border="double,4,gray" type=1 line=0 align=center use=ex num="0,black"]
يا الله في رجعان نوٍّ زين =يمطر من الاثنين للاثنين
نوٍّ من المنشا تشوفه عيني=مدّت كريم يعوّض المسنين
يعم كل أرض الوطن ما يقصر=ومن بعد يجهي محسب أسبوعين
أهل الإبل تلقى لها شبعتها =و يرتاح رعيان الغنم و الضين
و الأرض من كثر المطر ما جاها =كن القدم تاطا على فلين
وتعلها في كل يوم وليله=حتى وذا أن الأرض من لونين
اللون الأول عشب توه بادي=ولونٍ غدا فيه القسى و اللين
هذا نبات الأرض وصفه بيّن=وبعض القصايد تحتمل وصفين
فيها وضوح الشمس من قوتها=وفيها غموض الودّ للسالين
والشاعر اللي ما يهندس قوله=حطو تحت ما يكتبه خطين
و الشعر معنى والكلام الساده=ماله من أهل الفكر مستمعين
كم من قصيده خلدت شاعرها=وكم من قصايد تدفن الحيين
و أهم من هذا بكل أمانه =اسم " اليمن و الشام " جاء من وين !؟
هذا سؤالي و السؤال محدد=يا اللي على لم الشمل شفقين
الفاصل الوهمي تحوّل حاجز=لو كان ما هو بالحجر والطين
و الناس ترحل و الرزايا تبقى=و الشوك من خبثه طلع في التين
و الله يجمعنا على مرضاته=و الله يجملنا مع الداعين
وحناّ لنا ماقف مع أهل الماقف=وحناّ سوات السيف أبو حدين
أحرار و الرأي السنع يلزمنا=ولا احنا ببعض الرأي ملزومين
و أنا ما جيت أظهر بصورة غيري=عندي ثقه بالنفس و أملا العين
ما أقول قول إلا بمن يستاهل=ولا أجيب علم إلا وهو ثمين
حلفت لا أعطي كل واحد حقه=الحين ما قلنا لكم بعدين
سلام يا ربعي عصابة راسي=يا مسندي يا لنايف الزبين
أفخر بكم و اللي سواتي يفخر=ولنا على الطالات ألوف سنين
سلام و اللي له علينا واجب=يلقى التحيه و الرعاة اثنين
قبل المشوره و إجتماع النخبه=جاني و أنا عنكم بعيد اسمين
" أبو هذيل " و " ابن رويزن ماطر " =تقدموا عن جملة الصفين
اثنين نابوا عن قبيله طبقا=وقالوا اعزموا الأقصين و الأدنين
ثم استعدوا با لكمول الوالم=ومن شاننا لا ننقسم قسمين
كم من مطيه وسعوا منحرها=وكم من خروف أرخوا له السكين
هذي عوايدهم ولا نجهلهم=أهل الكرم في عسرها و اللين
الله يجملهم وحنَّا معهم=وقفة حميه و المعين يعين
و اللي عزم و اللي استضاف وكمل=على امتداد الشهر و الشهرين
أخصهم بالمدح واحد واحد=و ننشر من البيضا لهم ثوبين
منهم " خلف " و الحبكلي عبدالله " =وافين و اللي مثلهم وافين
من ضمنهم " عبد الله البقيلي" =و إلا " أحمد الطلحي " قليل الشين
ومنهم "حمُيد محمد المناعي " =راعي أوله ما هو مع التالين
و " صالح سمار المطرفي " له قسمه=و " قبلان " قد الحمل و الحملين
و " ابن محمد " شيخنا قدوتنا=راعي السواير مكرم اللافين
و الشيخ " أبو راكان " علمه غانم=اللي يمينه مع هل اليمين
و " ابن رديّد " وقفته محسوبه=و " الشيخ ناجي " بالوفا عوين
و " ابن لويفي " و المعاصي الدعدي =" عبد الكريم " لماقفه ذهين
و " ابن هريس " الله يبيض وجهه=و" جزاء " جمع من كل علمٍ زين
ومنهم " عطاوي " من ندى يستاهل =و"إبن مزنّد " ماقفه رزين
و إبن علي " عليّان " ما انسى جهده =يدعم وشوره للعرب رصين
ولا نسيت " محمد المحمودي " = و " عقاص " منا ما لنا شورين
يبقى العميري و العميري وافي =" رشيد " ميقافه عن أربعين
ومعهم رجال يكملون الواجب= لو جو " شُعب " و إلا شعوب الصين
و العذر منكم و الأسامي واجد=و الكل في المجهود متساوين
و اللي تسبب في إجتماع الليله=" صالح دخيل الله " كسب ثنتين
الأوله وصل الرحم بالجمعه=و الثانيه للأوله فطين
و اهدافنا ما هي تراث وصوره = أهدافنا اسما و الرجال تبين
أهدافنا لم الشتات المبعد = ونبني لمستقبل يسر العين
و الساس واحد و البنا يتوسع= حتى نشيّد حصنها الحصين
ناقف سوا و اشيوخنا في أولنا= وقفه تجمِّل بين حين وحين
وقفة شرف و الساعه المبروكه = إنّا نشوف هذيل مجتمعين
على الكرامه و العلوم السفره = وعلى خطى من قبلنا ماشين
" هذيل " تاريخ انكتب ويشرّف =ويظل مُشرق لين يوم الدين
وكل القبايل و النعم بأكملها= في كل ديره للأسود عرين
و مدحي لربعي ما يعيّب قولي = حقً عليه الناس متفقين
آلا ترون إنّا لنا موقعنا = وآنّا لفضل الأولين ندين
و آنّا قبيله عن سواها امتازت = بمجاورة بيت الله الأمين
من أجل هذا " معقل ابن خويلد " = وقف لنصرة أول البيتين
وقف بجاهه دون هدم ألكعبه = و من حُر ماله قدم الثلثين
و أسرى العرب من النجاشي أطلقهم = و أسر ملوك الحبشه لا حين
هذا نموذج و الأسامي واجد= لا هم بلا واحد ولا عشرين
إن جيت اعددهم يبالي ليله = و إن جيت أفنّدهم ولا يومين
من الصحابه رضي الله عنهم = اللي ورد فوق الميه خمسين
هذيل هم أنصار دين " محمد " = في " بدر " و إلا معركة " حُنين "
و الفتح الإسلامي على عاتقهم= و إسلامهم مبني على يقين
كم من صحابيٍ وكم من راوي = وكم من بطل في معركة "حِطين "
و حنَّا مدارس للغه في السابق =وحنَّا اللسان العربي المبين
و حنَّا سلاطين الشعر بانواعه = يا كم لنا في البحر من سفين
ما نعبر إلا بالجواري الكنّس = اللي يخلّن البحر طحين
قدام يبحر صوبنا ويجينا = مركب بلاد الهند أبو دقلين
و يوم القصايد في عددها قله = حنَّا لنا ديوان من جزأين
وحنَّا على مكه نحيط ونسكن =ونحفظ حمى مكه من الباغين
قبل الأمن و الدوله المنصوره = و اليوم في نعمه لها راعين
و الله يرحم من جمع ما فرّق = " عبد العزيز " مطوع العاصين
وحد بلاده و استقرت حره = من غربها لا دولة البحرين
ومن الشمال إليا الجنوب القاصي = أمن ورخا و الناس مرتاحين
من فضل ربي كل شي متوفر = و الله يعز اللي يعز الدين
و الله يزيد ملوكنا من فضله = و الله يوفقهم نقول آمين
حتى التراث اللي انّسى عدنا له = و من حرص دولتنا لنا تُعين
موروثنا الأول على الطبيعه = نقدمه و الكل معتزّين
" من لا له أول ما يجي له تالي " = و تراثنا عمله لها وجهين
الوجه الأول مثل ما هو باقي = لأنا على عاداتنا باقين
اللي يوافق ديننا وافقنا =و الشين ماله عندنا تدوين
و الإستضافه من " قناة الصحراء " = أفضل قناة بعالم البثين
و الله يجمل حال من جملنا = و الله يبيض وجه " بن حثلين "

[/poem]
[align=center],
,

شعر عطا الله القارحي
,
.[/align]