أهدى هذه القصيده لكل اعضاء المنتدى

--------------------------------------------------------------------------------

اهدي هذه القصيده لكل اعضاء المنتدى



الضايعه تبدأ من القيل والقال ........... لو كان ما للخلق عندك مطاليب


دنياك لو تغري مقامك بالاقبال .......... عن وجهها جوّد لكفك مقاضيب


اقضب عنان العقل عن كل مختال ......... ولاتوقف ماقف الشك والريب


كم هرجة"ن" يفرط بها حرص عذال....... تظهر فوات الحرص عند الاجانيب


ويركب ظهرها كل مبغض وختال........ ويسوقها سوق العرب للمناجيب


الناس دون احساس ماترحم الزال.............. إلا عليه يوثقون التعاجيب


مشاكل ايامك عريضات وطواااال......... تفرق بها خبث النوايا عن الطيب


هذا وحظي طول الايام ما مال........... راسي رفيع"ن" عند سئّال ومجيب


حنيفي"ن" بالفعل من حومة ابطال......... حقي من التاريخ بيض المكاتيب


من فضل رب"ن" بالخفا يعلم الحال......نارد على عسر الموارد لياهيب


ياللي تحسب العز في كثرة المال.........فقد الجماله والتجمل هو العيب


العود لو هو ميت"ن" جاله ظلال........جاله ظلال"ن" عن سموم اللواهيب


المال مثل الفي في كل الاحوال..........حظ"ن" من اللي يعلم السر والغيب


من لايموت الحظ به مات ماطال...............ولاغنم يوم السعد بالموااااجيب


الدين عز ورايته طيب الاعمال............وفزعة خفا .. على النقا للأصاحيب


وثّق كلامك فالمواقف بالافعال...............ولا تطاول على حق ومصيب


اصبر على الميلات والرب حلال...............الصبر مفتاح"ن" لصاف المشاريب


الصبر مفتاح الفرج مابه اشكال..............يرقا به الرجال روس المراقيب


هذا وانا بوصيك بمبادر الفال...........لفال يارجااااال مايلطمه ذيب



منقول