قصيدة محمد أبو دباس لابنه ورد ابنه عليها

السلام عليكم ورحمة الله وبركاته

فقال محمد أبو دباس


ياونــة ونيتهـــا من خـــوا الــــراس = من لاهــب بالكبـــد مثــل الســــعيره

ونيــن من رجلــه غــدت تقــل مقـــواس = يــون تالي الليــل يشـــكي الجبيـــره

ياحمــس قلبــي حمـــس بنن بمحمــــاس = وياهشـــم قلبي هشـــمها بالنجيــــره

وياوجـــد حالي يامـــلا وجـــد غـــراس = يـوم اثمـــرة غرســـه صفــة عنه بيــره

على ثمـر قلبي ســـرى هجعـــة النــــاس = متنحـــر درب عســـى فيـــه خيـــــره

الله يفكـــه من بــلا ســـوء الأتعـــاس = ومن شـــر عبثــات الليــاليي يجيـــره

في ديــرة تقطعـــت عنــه الأرمـــــاس = ســـبعين يـــوم للركـــايب مســــيره

لاوالله الا حـــال مـن دونـــه اليــــاس = حــط البحــر والبــر دون الجـــزيـــره

يالله ياللــي رد مــن عقــب ما يـــاس = يوســـف على يعقـــوب وابصـــر نظيـــره

تــرد علي دبــاس يامحصــي النـــــاس = ياعالــم ما بالخفــــا والســـــريره

يادبـــاس انا بوصيـــك عن درب الأدنـاس = تـــرى الـــذي مثلك يناظــر مســــيره

عليك بالتقـــوى تـرى العــز يادبـــاس = في طاعـــة الله مــا ينجيــك غيـــــره

هـذي ثمــان ســنين من رحــت يادبـاس = لا رســـالت جتنــي ولا مــن بــريــره

يادبــاس من عقبــك تــرى البال محتــاس = وعليــك دمــع العيــن حــرق نظيـــره

وعليــك كني في دجــا الليــل حـــراس = اصبــح على حيلــي وعينــي ســـــهيره

اصبــح وانا ما بيــن طاري وهــوجـــاس = وطـــواري تطـــري علينــا كثيــــــره

مثـل الوحـــش قلبــي على كـــف حـــباس = يكفـــخ كمــا طيــر ســــبوقه قصيـــره

متحيّــر من عيلـــة البيـــت يادبـــاس = ارجــي ثــــواب الله واخشــــى المعيـــره

اخــاف من حكــي العـــدا ثــم الأنجــاس = اهـــل الحكايــا الطايلــه والقصيـــره

ويقـــال خــلا عيلــة عنّــــر الـــراس = اقفــى وخـــلا عيلــة لــه صغيـــــره

والا فانــا يابـــوك قطــاع الأرمـــاس = مانــي بمثبـــور ورجلــــه كســـيره

اصلك لــو دونــك نبا حمــر الأطعــــاس = الصلـــب والصمّــــــان ما هي عســيره

مهـــــالك مـــدارك مابــه اونـــــاس = الا الثعـــل والبـــوم تســـمع صفيـــره

ياراكـــب وجننـا من الهجـــن عرمـــاس = فجــا النحـــر يادبــاس حمــرا ظهيـــره

متـــروس الفخــذين مزبـــورة الـــراس = كــن الخـــلاص عيونهــا مســـــتديره

تســـرح من العـــوده على نـــور الأنفـاس = عنـد الفجــر والليــل مقفــي مــريــره

والعصــر بالصمّــــان تســـمع لها اضـراس = حبل الرســن خطــر تبتـــر جــريــــره

نهــار ثالــث بيــن حمــــا والأرواس = واره يمينـــك جعلهـــا لك ســــفيره

ثـــم على ســــاجيه تقلـــب الـــراس = تمشـــي باهلها في البحـــور الغـزيــره

فيهاالطبيـــخ وراهي الخبــز يادبـــاس = يقعــد خــوا الــراس خنــة خميــــره

هي ديــرة اللي باغــي كيفــة الـــراس = ولا له حــد همــه من النـــاس غيــره

هيــس ولــد هيـــس للمــواعين لحــــاس = يفــرح ليا نيــدي لذبــح النحيـــــره

ما قفــك ذا يادبــاس ما فيــه نومـــاس = يصلــح لقيّــن مهنتـــه طـــق زيــــره

تــرى الفــداوي دون وانشــــد النـــاس = راعيـــه ما يذكـــر بمـــدح وغيـــــره

ما له ســـوى طق الحنـــك منه واليـــاس = واليا انقطـــع خــرجـــه فلا له ذخيــره

طلب المعيشــــه بالحـــراثه والأجنـــاس = المشــــترى والبيـــع يوصــف وغيــــره

قم انهض العيـــرات مع كـــل فــــراس = يادبــاس دور خيّــــر تســـتشــــيره

جــــدّك وعمـــانك هـــل العــز والبـاس = هــــل الموجـــب مكمليـــن القصيــــره

يادبــاس ما يصبــر على البـــق والحاس = الا الـــذي مالـــه بنجـــــد عشـــــيره

واليـــوم ما مـــروي شــــبا كل عبــاس = انــت الرجــى ياكعـــام وجــه المغيـره

عشــــرين عــام كلها ارجيــك يادبــاس = مثــل الغريــر اللي تولــع بطيــــره

عــدل المناكــب هيلــع فرخ قــرنــاس = يمنــاه في لطــم الحبــــاري شـــطيره

عانــق خلـــوج روحــت عقــب مــــرواس = عنــد العصيــر لبيضهــا مســـتذيـــره

الليل جــاها وحــال من دونهــا اليــاس = روحهــا على فرقـــاه فـــرت فريريـــه

يادبــاس انا يابــوك ما نيــب بـــلاس = ميــر ان عيـــلات الرفــاقــه كثيـــره

جنبت وســـط الســـوق وامشــي مع السـاس = واخــذ شـــوي الحــق واتــرك كثيــره

يادبــاس لو جبــت من دحــب الأكيـــاس = مختلفــــة ما بيــــن رز ونيـــره

ما لي بهــا ياجعــلها بالــف قبــاس = او جعلهــا تذهـــب ولــو هي كثيـــره

يادباس قلبــي كل ما هـــب نســــــناس = شـــرقيــــة هبــــة بقلبي ســـــعيره

والحـــال يافـــرز الوغى مســــها الباس = عليــــك ياناطـــح وجيـــه المغيـــره

وغصــــون قلبي يافتــى الجـــود يبّــاس = غـــاد انــا يابــوك كنــي هشـــــيره

مــن شـــافني يقــول ذا فيه لســــاس = واللي بــراء حـــالي الآهــي خبيـــره

لا وعلــى من قبــل غـــوال الأنفــــاس = ومفـــارق الدنيـــا يجينـــا بشــــيره

عســى يطــق البــاب والنــاس غطـــاس = ياوالـــي القـــدره عليـــك تعبيـــره

وصـــلاة ربــي عـــد ما هــب نســــناس =على النبي عـــدة حقــــوق المطيـــــره

مشكور اخوي سعود الهذلي على هذا النقل


اخوك
عاشق هذيل القارحي

رائع

مشكور اخوي

وفي هذا الرابط القصيده منشده

جميله جدا جدا جدا وهي منشده بصوت المنشد

يعطيك العافيه أخوي سعود الهذلي


وأرجو منك إضافة القصة لها


فالقصيدة لها قصة جميلة ورائعة


تقديري لما نقلت


ولك أخي سعود الهذلي

	المشاركة الأصلية كتبت بواسطة عاشق هذيل القارحي

	مشكور اخوي سعود الهذلي على هذا النقل اخوك عاشق هذيل القارحي

شاكر لك مرورك عاشق هذيل القارحي
بارك الله فيك

	المشاركة الأصلية كتبت بواسطة ابو صخر الهذلي

	رائع

الرائع مرورك اخوي ابو صخر الهذلي
اهلا فيك

	المشاركة الأصلية كتبت بواسطة ولد المساعيد

	مشكور اخوي وفي هذا الرابط القصيده منشده جميله جدا جدا جدا وهي منشده بصوت المنشد

بارك الله فيك ولد المساعيد
شاكر مداخلتك

	المشاركة الأصلية كتبت بواسطة هشام الهذلي

	يعطيك العافيه أخوي سعود الهذلي وأرجو منك إضافة القصة لها فالقصيدة لها قصة جميلة ورائعة تقديري لما نقلت ولك أخي سعود الهذلي

الله يعافيك أخوي هشام الهذلي
وابشر قريبا باذن الله اضيف القصة وكذلك رد دباس على ابوه
اسعدني وجودك

السلام عليكم ورحمة الله وبركاته

قصـــــة أبو دبــــاس
هذة القصة لا يعرف متى وقعت وقد رويت بروايات مختلفة ولكن بعض من الرواة قالوا أنها وقعت في القرن الثالث عشر والله أعلم

وبطل القصة محمد وهو من أهل بلدة(عودة سـدير) الواقعة في شمال غرب الرياض عاصمة المملكة العربية السعودية بحوالي 100كم يعيش في مزرعتة ومتزوج وله أبنا وأسمه دباس وبنتان فشب دباس على احترام الناس وحب الخير وكذلك الكرم والشجاعة وكان والده يكن له الحب بسبب هذه الصفات التي يتحلا بها أبنه دباس وعندما شب دباس وبلغ العشرون من العمر سافر في طلب الرزق ويقال انه ذهب إلى العراق ومنهم من قال انه سافر إلى عمان وفي خلال مغيب دباس عن والده تزوج الوالد بامرأة وكان لها أخوه فأرادوا أن يتزوجوا من ابنتا محمد فرفض محمد ذلك فقام أخوة زوجتة بعمل الدسائس ضده ونشر الإشاعات في البلدة وتعرضوا إلى أبنتا محمد ولم ينتهي الأمر إلى ذلك بل قاموا بقطع الماء عن مزرعتة مما أدى ذلك إلى هلاك مزروعاته فتضايق محمد من أخوة زوجته ومما أصابه من الإهانات فأشار علية صديق له بان يرسل في طلب أبنه دباس لعل بحضوره ينجلي هذا المصاب فأرسل محمد مع ركب متجه إلى تلك الديار القصيدة التي ذكرناه0

السلام عليكم ورحمة الله وبركاته
وقد أشاع أخوة زوجته بان أبنه دباس يشرب التنباك وانه يحضر مجالس الطرب وغيرها من الإشاعات التي أدت إلى أن محمد أبو دباس يعيش في هم وغم من هذه الإشاعات التي راجت في البلدة وبعد أن تسلم دباس رسالة والده بعث إليه بقصيدة يخبره فيها بأنه لا يستمع إلى تلك الشائعات وبأنه محافظا على المرحلة التي عوده عليه والدة وكذلك يبشره بأنه قادم لمساعدته في محنته

فقال دباس هذه القصيدة ردا على قصيدة والده

[poem=font="Arial,5,,normal,normal" bkcolor="" bkimage="" border="none,1," type=0 line=0 align=center use=ex num="0,"]
حي الجواب اللي لفانا من الرأس = جابه غلام ما توانا مسيره

أهلا هلا به عد ما حبك قرطاس = أو ما كتب فوقه بيوت شطيره

جواب من هو لي مود من الناس = أبوي ما يوصف حلي لغيره

فرزا الوغى كنه على الوكر قرناس = قروم ربعه كلها تستشيره

دليل عيرات لياهب نسناس = ثم ادلهم الجو ومابه ذخيره

مهفي الغنم لأهل الركايب والأفراس = لا روحوا له لا عليهم قصيره

راعي معا ميل بها العبد جلاس = للبن يشري بالسنين العسير ه

هاذي بمركاها وهاذي بمحماس = وهاذي يصبه للوجيه السفيره

وخلاف ذا يا راكب فوق عر ماس = مأمونة من نقوة الهجن عيره

حمرا وهي في سنها وقم الأسداس = متوسط لا فاطر ولا هي صغيره

ماهي لحوج راكبه بالعصا قاس = حرم عليها غير شيل النقير ه

والخرج هو وبيوت قيل بقرطاس = مع مز هب الأيام ما هي كثيره

وفوقه غلام منوته قطع الأرماس = لو هو بليل ما تغير نظيره

وليا لفيت الدار فا جهر با لأحساس = وبلغ سلامي كل ذيك العشيره

واختص أبوي اللي نفل جملة الناس = وخصه بعلم وقل تراني بشيره

لا يا نجي العرض يا بوي لاباس = كان تشتكي الضيم فأنا أسيره

وان سايلك عني تراني بنوماس = وانا أحمد اللي ما توسلت غيره

المدح لو يشرى شريناه بأكياس = بأموالنا نرخص ندور الستيره

مطرق افرنجي مضاريبه الراس = ومصلبخ جبته عساني ذخيره

من صنع نصراني مشروبه الكأس = يذكر ورى جاوه بعيد مسيره

أبغيه للي حادينك على الساس = أهل النمايم والحكايا الكثيره

ربع نووا فيك الردا والتخساس = مهبول يا اللي قال غايب عشيره

علي دين لودع الجمع ينحاس = لطين العشير يقوم يلعن عشيره

ان ما سكنا الدار من غير هوجاس = والا نعاف الدار ونور غيره

كله لعينا كلمة قلت يا دباس = تشكي وانا دوني بحور غزيره

خذلك يمين الشرع قطاع الأنفاس = انه فلا جتني علوم بصيره

لا نيب جاني منك حبر بقرطاس = لأيضا ولا جتني علوم سفيره

وان كان تشكي الضيق يا بوي لاباس = جاك الفرج يا بوي هو والبريره

يا بوي أنا مارحت لكيفة الرأس = مع ذا ولاني في سفاه او غيره

يا مسندي يا بوي شوف اوكد الناس = ثم انشد قل ويش هو في مسيره

ان كان ما يفرح صديقك بنوماس = تحرم علينا اللي نهوده صغيره

مدلول مجهول زها زين الألباس = بنت الذي يثني ليا جت كسيره

طار يقول اظهر وطار بجلاس = قمت أشرب التنباك واثره نكيره

أبغي عسى الله يبرد القلب يا ناس = من لا هب شبت بقلبي سعيره

و الا فانا يابوي قطاع الأرماس = أصبر على الشده لو هي عسيره

ومن كان له غايب فلا يقطع الياس = ان قدر الله جاب علمه بشيره [/poem]
وفي أحد الأيام ذهبت ابنة ابودباس لتجلب الماء إلى البيت فشاهدت الماء يجري احمر فذهبت إلى والدها تخبره بما شاهدت فقال هذا ابني دباس قد عاد وهذا الاحمرار دم من قاموا بإهانتي وفرح الأب بعودة الابن وأصبح يمشي في البلدة مرفوع الرأس0

الله يعطيك العافية يا سعود

وعساك على القوة دوم

قصيده رائعة والشكر ايضاً لولد المساعيد على اضافة المقطع

	المشاركة الأصلية كتبت بواسطة سلطان الندوي

	الله يعطيك العافية يا سعود وعساك على القوة دوم قصيده رائعة والشكر ايضاً لولد المساعيد على اضافة المقطع

الله يعافيك أخوي سلطان
اسعدني مرورك والله يقويك