تلميــح القضاة ...,,, !!!!

السلام عليكم ورحمة الله وبركاته .,

الكل تابع ملتقى عتيبه والذي بكل امانه ناجح بكل المقاييس .,
والحقيقه وصلتني دعوه للمشاركه في مناسبه عند" الشيخ بدر الضيط " على هامش الملتقى وقد حالت الظروف دون المشاركه ., كتبت هذه القصيده تعبير عن ما دار في خاطري و المناسبه تستحق من يكتب فيها و الله يبيض وجيه عتيبه كافه وعساهم على القوه دوم ..,
"
المشاركه ..
"
.

[poem=font="Traditional Arabic,5,#000000,bold,normal" bkcolor="#ffffff" bkimage="" border="double,4," type=1 line=0 align=center use=ex num="0,"]
أول حدث و اكبر حدث ينقل بعد شهر الصيام =تجمع " عتيبه " بديرتهم على عز وصحاه
أنا أشهد أن الضعف بالفرقا وفي قل الوئام=و أنا أشهد ان العز بالجمعا كما قيل ونراه
سوات ما شفنا على الواقع رياجيل الزعام=في الملتقى اللي للآهميه تبنته القناه
و لولا الأهميه لكان الناس من دون اهتمام=ولولا اهتمام الناس ما شفنا التطور في الحياه
من عهد أبونا آدم وخلق الله على دين ونظام=و الشاهد التاريخ و الأخبار من روس الرواه
ومن القصص عبره , وكم أمه عليها الحكم أقام=الصالح استخلفه , والطالح تحت رحمة سماه
حضارة الإنسان ما قامت على ريش النعام=قامت على الهمه وبذل الجهد في كل اتجاه
و التفرقه زالت زوال الشمس من خلف الغمام =من بعد وحدنا كتاب الله وسنة من هداه
ما هو بعيب اليا تطورنا ولا فيها حرام=اليا حفظنا أحقوق خالقنا وحققنا رضاه
صحيح للماضي و أصالتنا نكن الاحترام=لكن لا يغلب على المشبوه حكم الإشتباه
من لا لهم ماضي فلا حاضر ولا مجدٍ يرام =اشلون يرجع ماضي الأمه وحاضرنا نساه
يا قوم أنا ما جيت أعاتبكم بعد مسك الختام =لأني مخاطب كل من تعرف لتلميح القضاه
" عتيبه " اللي من مزاياها تحب الالتحام=الرأي واحد والهدف واحد وهذا مع هذاه
" عتيبه الهيلا " رجال العرف مروين الحسام=و أهل الثلاث البيض لا لُبّس على الجاهل خطاه
مكارم الأخلاق مكسبهم , همامٍ من همام=ما ينطق إلا أبشر ويا عونك لربعه و أخوياه
أصغرهم اللي يعرف الماجوب من سن الفطام=و أكبرهم اللي لو يطول الوقت من يلحق جزاه !
كلاٍ يبارك ملتقى الهيلا مشاعيل الظلام=أهل الحلال الزين لو يُدهر ما تبلش في عشاه
وش عاد في وقتٍ نشوف الحَب من كُثره ركام=كن الصوامع في نفود السر تغرف من فلاه
لو يرتفع سعره ثلاث أضعاف سلمه بالحزام=ما اقول غير الله يقويهم , ويا مال الغناه
كانت جمال الناس في السابق لحم فوق العظام=و اليوم جا بين اللحم والعظم شيً ما نباه
شيً يخلّن البعير الجبر من دون انسجام=ما عاد تعرف من ردام الشحم وجه من قفاه
حط اله ما شا الله سنام آخر على ظهر السنام=و اغرب ما شفت انه بدا يهدر ولا طلّع لهاه
يمكن ليا بدّر دخول الوسم حقق ما يرام =و إلا يعوّد يطرح الجمال وعقاله يطاه
كم من جمل قفا , وكم جمّال معه الحظ قام=و الله يجيب الخير قبل العُود لا يابس لحاه
و أنا "هذلي" ممنون من دعوة رفيعين المقام =و اللي دعاني قدر ظروفي وعذري يوم جاه
عز الله أني احرص من الداعي على لبس الوسام=أنوب عن ربعي و أمثلهم ولي قدره وجاه
و" هذيل " أهل تاريخ و التاريخ للغاوي خطام = تاريخنا الفيصل لمن يغلب على ظنه هواه
و المجد والشهره لها معنا , ثلاث ألاف عام=ما احنا حديثين العهد بالوقت و إلا باحكماه
ذرية اسماعيل , ونقابل نسب خير الأنام=في جده الحادي عشر " مليون صلى الله علاه "

لنا شرف صحبته ولنا في كتاب الله كلام=ولنا في زمزم دلو لا ينُكف ولا يُقطع رشاه
من دون نقص , الكل فيهم خير وزعه و احترام=في كل ديره حق أهاليها من الطِيب ومداه
يبقى على الشاعر كما يبقى عليكم يالحشام = ثلاث أطبقها على نفسي مثل فرض الصلاه
يبقى علينا ندعم الدوله بطاعه و إلتزام=لو إن هذي من عوايدنا ولا نبغا وصاه
و يبقى علينا نحسن النيه وهو طبع الكرام=ويبقى علينا نعزل العاصي تحت فية عصاه
اللي يخالف منهج الأمه يموت بلا رحام=ما دام قدم مصلحة نفسه فهو هذا جزاه
و اشكر قناة الشعر والشعار ما فيها كلام=قناتنا " الساحه " وللساحه تراث لمن قناه

"
"
,







محبكم // عطا الله القارحي[/poem]

صح لسانك

معلقه من معلقاتك طال عمرك

نتشرف بتواجدك ونتمنى تواصلك

صح لسانك يا عبيدالله


كفيت ووفيت


ماشاء الله



جزل

لا تأتي إلا بالجزل



بيض الله وجهك

صح لسانك

صح لسانك ياعطالله انا اشهد انك شاعر هذيل
لكن وش قصته رقم واحد وعشرين في قصايدك ؟

الشعر بعينه هنا


عطاالله القارحي أسم نتعلم منه الكثير


دمت لنا شاعرنا الغالي


وبيض الله وجهك


على الفائقة الجمال التي صافحتنا بها

بيض الله وجهك وصح الله لسانك
أنا أشهد إنك شاعر جزل ومدرسة
نتعلم منها الكثير بارك الله فيك .

[poem=font="Arial,5,,bold,normal" bkcolor="" bkimage="" border="none,1," type=1 line=0 align=center use=ex num="0,"]
و" هذيل " أهل تاريخ و التاريخ للغاوي خطـام=تاريخنا الفيصل لمن يغلـب علـى ظنـه هـواه
و المجد والشهره لها معنـا , ثـلاث ألاف عـام=ما احنا حديثين العهد بالوقـت و إلا باحكمـاه [/poem]

ابن الخال بيض الله وجهك والله يعطيك الصحه والعافيه


مشكوررررررررررررر
عاشق هذيل القارحي

وعليكم السلام ورحمة الله وبركاته.
الشاعر العلم عطا الله القارحي ..
بيض الله وجهك .

و أنا "هذلي" ممنون من دعـوة رفيعيـن المقـام
و اللي دعاني قدر ظروفي وعذري يـوم جـاه
عز الله أني احرص من الداعي على لبس الوسام
أنوب عن ربعي و أمثلهم ولـي قـدره وجـاه

تسلم ..

وعليكم السلام ورحمة الله وبركاته
بيض الله وجهك يالشاعر عطا الله القارحي

يبقى على الشاعر كما يبقى عليكـم يالحشـام
ثلاث أطبقها على نفسي مثل فـرض الصـلاه
يبقى علينا ندعـم الدولـه بطاعـه و إلتـزام
لو إن هذي مـن عوايدنـا ولا نبغـا وصـاه
و يبقى علينا نحسن النيه وهـو طبـع الكـرام
ويبقى علينا نعزل العاصي تحـت فيـة عصـاه
اللي يخالف منهج الأمـه يمـوت بـلا رحـام
ما دام قدم مصلحة نفسـه فهـو هـذا جـزاه

صح لسانك

صح لسانك