اللي بيقفي رافقته السلامه والله مارد المقفي بكانا

طبعا ذي مو خاطرة تقدرون تقولون سالفة أو حتة سواليف

قابلت شام بوسط سوق العبيكان في زحمة و كل المخاليق لاهين من همس كلمتها عرفتها شام رفيقة بالشده ساندنتي قلت بصوت مبحوح ياشام لدت تشوف و حضنتها دون تفكير هذا يطالع وأخوي بالحيل مغبون و كلمة وحشتيني قطعتها التناهيت و ينك ريتاج و ين هالغيبه يابنت معاديتنا ولا نسيتي وعدنا وصار المحل صمت ماغير هرج المحبين اللي بعد غيبه ربك جمعهم رحنا وتركنا كل اللي نبيه و جلسنا و شالت غطوتها ولديت ياشام وشبك نحفتي و ش بلاها عيونك ؟!
قالت : تعبت و عذبتنا الليالي
وقمت بقلل وخوف وش (بيك) الحين ؟!
قالت : حزينه وأبكي فراق غالين
قلت وكلامها صوب القلب تصويب : اللي يروح رافقته السلامه ما الله خلقنا أوصياء بعباده وأنتي عطيتي ماحصلت منك تقصير
قالت : تمتم مدري ش كانت تبي تقول !!
قلت المقفي لو بكينا بيعود ؟! والله لو البكا يرد المقفين لأبكيه قدام كل البريه و يعود لقلب محتاجه يبيه !! بس البكا يابنت مارد مقفين ومارد أبو مشعل بعد ماعن ناظري غاب
قومي وشيدي الحيل واستهدي بالله صلي ركعيتين و اطلبي الله فضله و إلا الدموع ماتجرح إلا جفنك وخدك وتذبح اللي حواليك
حنا مشارف عام 2008 والعمر يمشي ما حسبنا حسابه بان الشيب في مفرق الراس ياشام والعمر توه ما انتصف ف شبابه
اللي راحوا جعل دروبهم خضر و يسقيهم الغيث و يرزقهم الله ماعاد نبغى طاري اللي مقفين و شلون نلحق شخص عطانا مقفاه
وأشد يمناها ياشام قومي شوفي القدر و شلون جمعنا سويه من عقب ثلاث سنين وشهور قليل حنا هنا و بوسط سوق العبيكان خلي التفاؤل ديدنك لاتصرين مثلي تشقين العمر بشبابه خلينا نفتح صفحة اليوم والغد والضحكه تغمرنا والافراح يارب و غير رضا الله وبر الوالدين ثم مساعد المحتاج ماحنا براجين واللي يقفي سهل الله دروبه