شاعر وأكثر من صورة

شاعر وأكثر من صورة
عبد الله المسعودي


حظوظ

ألا ياشين حظك يالحصان اللي تخدم الثور
مغير الثور ياكل والحصان يجيب ويدني
تبا تنفخ وأنا بنفخ ومن يطبخ بغير أقدور
وعينك ما تشوف إلا بطن ذيب ولحم جني
مواجهة

يالعيون اللي تبين النوم نومي نومي
ماش أحد يعطي عيال الناس زاد عياله
أنت لا تومي براسك ليه راسك يومي
من رفع راسه وزاد أرخاه طاح أعقاله

إنذار

يالساني احذر عن فمي لا تعدى
قدام لا أعظك على الضرس والناب
احذر تودي هرجةً ما تودى
اذا بدت قالوا لك الناس كذاب

أصناف

الله خلق خلقه وراحو تشاكيل
واحنا نطالع فيهم الوان واشكال
كم واحدٍ يلبس ثياب الرياجيل
واليا فتشت اقصاه ماهوب رجال

المصدر جريدة الجزيره
http://www.al-jazirah.com/20120328/tr1d.htm

أسطورة لن تتكرر رحمة الله عليه

ألف شكر ياذيب

رحم الله الأسطوووره ومعجزة شعر المحاوره

شكراً لك يالأمبراطوور

رحمه الله وشكرا لك عالنقل

رحم الله عبدالله المسعودي

وشكراً على النقل المميز

يالامبراطور

الشكر لكم على مروركم
الله يرحم الاسطوره عبد الله المسعودي
مر على رحيله اكثر من ثلاثين عام ومازل حديث الناس

شكرا يالامبراطور على النقل الجميل

ورحم الله اسطورة الشعر عبدالله المسعودي

اطيب التحايا

شكرا لك وأبيات جزلة رحم الله معجزة المحاورة ،،،

شكراً يالامبراطور
والله يرحم الفقيدة العلم عبدالله المسعودي