قصيــــدة.....مدح...وبدآية غير

[poem=font="Arial,4,,bold,normal" bkcolor="" bkimage="" border="none,1," type=2 line=0 align=center use=ex num="0,"]


ياهاجسي خل عنك حب الغنادير=مافي هواهم خير جزره ومـّده
مافي بحرهم غير كثر المخاسير=أتعبت نفسك بين روحه ورّده
إللي تحبه رآح وأصبح مع الغير=وش تنتظرمن شخص ماصان ودّه
الله يجزا يوم حنا مخاشير=في دار يوم الداب بيّح بسده
يومك تشل الحبل في داخل البيّر= ويقول ..لك طيّ الحجر لاتهدّه
قد صرت في بحر الهوى سالم الزير= كل يوم شكل وكل ليلة مخدّه
وش جال من هالحب كود التعازير=بابٍ معاه الريح واجب تسده
الليلة الشعار عدو المقادير=كلن على ناره طبخ مايعـدّه
وانا معاهم منتظر فالطوابير=وابعتزي في هاجسي واستجـدّه
هاجس عريب الجد معتاز تبرير=يوم العرب كلن تعزوى بجـدّه
ياهاجسي خل عنك كثر التعابير= وإللي فصدرك لاتخليه بــدّه
واجب عليك اليوم مدحٍ وتحــبير=المدح واجب قوم واجـب أدّه
الناس تعرف حامل المسك والكير=تبان ريحة كل منهم فيدّه
طهور ياللي لك فالاعماق تقدير=ياتي الرخا يابو فهد عقب شدّه
يابو فهد هذي من الله مقادير=مكتوبةٍ في لوح من قبل مـّده
يزول باسك وانت شيخ المغاوير=منك المكارم كلها مستمـدّه
يضيع فيه المدح بين المشاوير=لكن نحاول لجل عينه نكـدّه
له بيت من ينصاه مايلحقه ضير=وإللي يجيه فحاجته مــايردّه
تشوف فيه إليا زعل هدة الطير=وتشوف فيه ليا رضي كل مدّه
هذي فعال أهل الوجيه المسافير=فاليّن ليّن وفالعسر من يضدّه
انا اشهد إنه سطر المجد تسطير=وتشهد له الطايف ومكة وجدّة
مسّيت يابن معيش واصبحت بالخيّر=لك في خفوقي شي ما اطاق اعدّه
يقوله إللي يوم رد التفاكير=ياهاجسي سرك على الناس إإدّه
إليا ظهر سرك كتب فالتقارير=وإليا لفاك الضيف عشه وغـدّه
ويالله انا طالبك فالامر تيسير=والقلب من صولات الايام هدّه
وصلاة ربي عد ماغرد طــوير=على النبي الهاشمي كل لـدّه[/poem]

لايوجد قصيدة اخوي

تم تنسيق القصيده


وصح لسانك يالغالي

جزله ورائعه ومتنوعة الافكار وتسلسل منطقي وارتباط فكري

شاعر ولك وجهة نظر

صح لسانك مره ثانيه ويستاهل المدح من كتبت لأجله القصيده

هاجـس عريـب الـجـد معـتـاز تبـريـر **** يــوم الـعـرب كـلـن تـعــزوى بـجــدّه


وانا اشهدا نك عريب الجد

صح السانك وبيض الله وجهك

صح لسانك وبيض الله وجهك

صح لسانك قصيده رائعه نتظر جديدك

صحت أبدآنكم جميع لآهنتووووووو أنتم الأروووع

صح الله لسانك أخوي شاعر ولك وجهة نظر
قصيدة رائعة من شاعر أروع .

صح لسانك أخوي شاعر ولي وجهة نظر

جزلة ومسبوكة مثل ما تفضل هذلي والفخر لي

في انتظار جديدك

تحياتي

السلام عليكم ورحمة الله وبركاته

ياسلام على هالبيت ولو أن كل بيوت القصيدة جزلة ومافيها قصور ولا بصاحبها :
تشـوف فيـه إليـا زعـل هــدة الطـيـر
وتشـوف فيـه لـيـا رضــي كــل مــدّه

لاهنت وبيض الله وجهك .

صح لسانك

ابيات قمة في الروعه


تحيتي ^_^

الله يبيض وجيهكم ولآهنتووو صحت أبدآنكم وشكرآ على المرور

ليس غريبا ً على مبدع مثلك

.. قصيدتك متنوعة

تنقلنا من فكرة لاخرى

باسلوب سلس وعذب

كـــن بخير

صح السانك شاعر ولي الفخر وننتظر جديدك ولا تطول الغيبه

الله لآيهينكم صحت ابدآنكم وشآكر مروركم الكريم جميعآآآ