هل اصبح الالتزام ( الطواعه)حجة الناس ؟؟

--------------------------------------------------------------------------------

السلام عليكم ورحمة الله وبركاته

يحيرني و يجعلني اعارض نفسي

حينما ارى رجلاَ ذا لحية طليقة وثوب قصير

واثر الايمان في وجهه

واجده في اختبار يقول ( السؤال الثاني ايش جوابه )

انصدمت وقلت في نفسي

هذا مايخاف ربه

ناظرت فيه واشرت على لحيته , يعني اللحية ذي على ايش ولا برواز

قال بتنقلني ولا لا

وقمت ومشيت اسلم الورقة

المهم ماناقشته و مشيتها

قبل كم يوم جالس انا واياه في مخطط برى المدينة شوي

قال لي

انا لما اكون برى المدينة انم فلان واسب فلان عادي

قلت له ليه ؟

قال لي : ياخي لما اكون وسط المدينة ( قصده داخل حدود الحرم ) الذنب ضعفه , اما خارج الحدود ماعليك اكفرها بعدين

وانا انصدم اكثر واكثر

قلت يا ابن الحلال استغفر ربك

وخليك قريب من ربك هذي دنيا وماراح تنفعك

وفجاة قال لي

والله ارشيف الاغاني ماطلع من راسي مو راضي انساها , دائم على لساني

قلت له كثر من قراءة القرأن

وقمت وغيرت السالفة ..

وجلست شوي معاه ومشيت

وماهو اول واحد اقابله كذا

وللحين افكر واقول

هل اصبح الالتزام حجة امام الناس ونسوا ان هناك رب يحاسبهم ؟؟

لعلي اجد الاجابة الكافية من قبلكم