الـواقــعـــة والـمــعـــارج

[poem=font="Simplified Arabic,5,#00008b,normal,normal" bkcolor="" bkimage="backgrounds/1.gif" border="outset,4,#808000" type=2 line=0 align=center use=ex num="0,"]

.
.
أضع بين أيديكم هذه الابيات المتواضعه أتمنى أن تجد منكم الرضاء والقبول
.
....
.
عـذوق روحـي في مراحه عطاشا=لومــا مراحـه داخل العقل دراج

ياليلـة البـــارح وهاك الرشاشا=وأنا ما بيــن الواقـعــه والمعارج

حسيت جاني فالعظـام أرتعاشا=ولقيت شيٍ مع هوى الروح خارج

حاولت أنوشه ميـر عـيّــا يناشا=وناديت ما للحروف صوتي مخارج

أثـره تــزفــه فـرحــةٍ وأنتعاشا =وأثره لخيـل البعد عاسف وسارج

ماني بـخـابــر شـي كلا وحاشا=ولاني بغيب الوقت مفتي وهارج

خـابر لها في تـحت قلبي قراشا =وخابر لهــا بـحرٍ عن الناس مارج

ولها على كرسي غلاي أفتراشا =ونجوم حرصي في سماها تسارج

أصرف لها من دم قلبي معاشا=حتى عـروق القلب يالله تـخـارج

لكن يا مقفي تـرى العذق عاشا=والواقـعـــه خلصتـّها والمعارج
.
.
الشاعر : عادل بن تركي المطرفي الهذلي
.
.[/poem]

الاخ :- عادل تركى المطرفي



صح لسانك على هذه القصيدة الرائعة



ودمت بكل خير وعافية

صح لسانك ، ولاهنت

اصرف لها من دم قلبي معاشا====حتى عروق القلب يالله تخارج


ياسلام ياسلااام



صح لسااانك ولا تحرمنا من جديدك يا عاادل

السلام عليكم ورحمة الله وبركاته

صح لسانك الشاعر عادل ..

وبيض الله وجهك ولنا عتب عليك بعدم المشاركة معنا بصفة دائمة وعلى مثلك يٌعتب ..

ماني بخابـر شـي كـلا وحاشـا
ولاني بغيب الوقت مفتي وهـارج

تسلم لاهنت ..

صح لسانك يالسمي

	ولنا عتب عليك بعدم المشاركة معنا بصفة دائمة وعلى مثلك يٌعتب

صدق أخي مشعل فيما قال .....والله يعطيك العافيه ياشاعرنا .

خابر لها في تحت قلبـي قراشـا
وخابر لها بحرٍ عن الناس مـارج

ولها على كرسي غـلاي أفتراشـا
ونجوم حرصي في سماها تسارج


الله الله

صح لسانك ولاهنت

صح لساااااااااانك وبيض الله وجهك

راااااائعه من رواااائع الشعر

لا فض فوك

أخوي الغالي : لاحق المطرفي

يا مرحبا فيك وصح بدنك

واشكرك على مرورك الكريم

دمت بخير

أخوي الغالي : سيف هذيل

صح بدنك

واشكرك على مرورك

دمت بخير

صح لسانك يالغالي وننتظر جديدك

أخوي الغالي : فواز الهذلي

صح بدنك

وتشرفت بمرورك الكريم

لا عدمتك

أخوي الغالي : مشعل الهذلي

يامرحبا فيك وتشرفت بحضورك الكريم

ولا تعتب يالغالي والله إني معكم بقلبي وما يمنعني من التوصل الدائم إلاّ ظروفي الخاصه

اشكرك على حضورك

ودمت بخير