تلعبي اقداري جــنوبن وتــشريق

[poem=font="Arial,4,#4b0082,bold,normal" bkcolor="" bkimage="" border="none,1," type=2 line=0 align=center use=ex num="0,"]

قال الذي حده زمانه على الضيق=ويلاه من دنــيا غشــاني خبــرها
.
.
تاخذني الدنيا على غير ماطـيق=وضيم الليالي السـود حالي دمرها
.
.
حلق بي الحرمان والهم تحـليق=اذا ارتــفع نجــمي يطــيح بــبحرها
.
.
مدري تعاسة حظ مـدري توافيق=والا عــيــوني خـاب فـيــها نــظرها
.
.
عندي تساوى الوقت مافيه تفريق=وايام عــمري قــام يــسقط زهــرها
.
.
كثر التوجد يحرق القلب تـحريـق=غبـنـه على من زاد عيـنـه ســهرها
.
.
طوقني الحرمان بالحزن تـطويق=واضحك وانا روحي تمـوت بقـهرها
.
.
يهداني الهاجس عسير الطواريق=يـــــوم الهــقاوي مابدتــني صــورها
.
.
تسابقـــن مثل الرمــاح المـزاريق=بــيديـن عــدوانن تـــزايــد صــطرها
.
.
انا اليتيم اللي جـــفوه المـــخالـيق=وياويـل حــالي كــان هــذا قــــدرها
.
.
لا الوقت وقتي والزمن يبس الريق=واوجز بشرح السالفه واخـتصرها
.
.
همن بقلبي فـوق هم المــشافــيق=احرق خفوقي والمشاعر دمــرها
.
.
تلعبي اقداري جــنوبن وتــشريق=واشــتـقت لديــار الشمال اخــبرها
.
.
مريتها حــافي قــدم دون تعويق=حتى حــداني بــردها عن ســمرها
.
.
ماجيت ادور للحــقايق مـواثيق=ولاجــيت اعــري زيفها واحـتقرها
.
.
جيت بشموخ الطيبين المطاليق=اللي مطــاليق اللـــــحى تـعـتـبـرها[/poem]

السلام عليكم ورحمة الله وبركاته.
أخوي الكريم لاحق ..صبحك الله بالخير.
ترى القصيدة ماطلعت..

الله يكرمك..

حلـق بـي الحرمـان والهـم تحلـيـق
اذا ارتـفـع نجـمـي يطـيـح ببـحـرهـا

من هنا نبدأ معك هذا التحليق ولكن إلى أين ؟

انـا اليتـيـم الـلـي جـفـوه المخالـيـق
ويـاويـل حـالـي كــان هــذا قـدرهــا

قمة الإبداع ...... دائماً تأتي من قمة الحزن


مريتـهـا حـافـي قــدم دون تـعـويـق
حتـى حدانـي بردهـا عــن سمـرهـا

وما أسهلها من صورة ...... وما أصعبها من صورة ..... وهنا سر الجمال

جيـت بشمـوخ الطيبـيـن المطالـيـق
الـلــي مطـالـيـق الـلـحـى تعتـبـرهـا

أهلا بك ولك كل الإعتبار

عذراً فالقراءة لم تكن بحجم الرحلة


صح لسانك أخوي لاحق المطرفي

أخذت بالنص من روعته فلك تقديري أيه المبدع

قصيدتك روعة

وللأمانة جميع القصائد التي طرحت في المنتدى في الفترة الأخيرة قصائد مافيها كلام وصرت احتار وش اقول عند التعليق عليها

صح لسانك أخوي لاحق قصيدة جزلة ومتماسكة ومن الواضح انها من شاعر متمكن

بيض الله وجهك على القصيدة ولاتحرمنا من قصايدك

وهانحن نستقبل شاعراً هذلياً جديداً على مجالسنا كله إبداع وروعة .
الله الله عليك يالاحق وينك من زمان ، بدون مجاملة قصيدة أكثر من رائعة صح الله لسانك وننتظر الجديد من إبداعاتك الشعرية . والله يعطيك العافية .

كثـر التوجـد يحـرق القلـب تحـريـق
.....................................غبنه علـى مـن زاد عينـه سهرهـا

صح لسانك

ولاتحرمنا من المزيد

اخوي لاحق المطرفي

انـا اليتـيـم الـلـي جـفـوه المخالـيـق
ويـاويـل حـالـي كــان هــذا قـدرهــا
.
.
لا الوقت وقتي والزمن يبس الريق
واوجز بشرح السالفه واختصرهـا
.
.
همـن بقلبـي فـوق هــم المشافـيـق
احـرق خفوقـي والمشاعـر دمرهـا




اخوي لاحق المطرفي بيض الله وجهك والله يعطيك العافيه

قصيده جزله من شاعر جزل والله يوفقك

تحياتي لك



اخوك
عاشق هذيل القارحي

صح لسانك اخوي لاحق

والله انها من الدرر هذه القصيده

بقيت بعيده عن الاعين فترة من الزمن

والحقيقه يجب ان ترفع لتأخذ حقها من الردود

المعذره على التأخر وعدم المباشره في الرد على هذه الرائعه

صح لسانك مره ثانيه وثالثه ورابعه ووووو

وتقبل مروري

مشكور لرفعها لنا يا أبو بسام هذي فعلا درة تحتاج تأخذ حقها من المشاهدة والردود


القصيدة تطرب القارئ والسامع كل بيت فيها قصيدة لحاله ، ومايلحق الشاعر لاحق في هذي القصيدة الجميلة ، المكتنزة صور رائعة وعذوبة وشجن ،، صحّ لسانك ولاعدمنا هذي القريحة العذبة ولاعدمناك .

تحياتي واحترامي

صح لسان الشاعر



لاحق المطرفي


و لكن هل هو موجود

لم أعد أراه


..................؟

عندي تساوى الوقت مافيـه تفريـق
وايـام عمـري قـام يسـقـط زهـرهـا

بيت غاية في الروعة ذكرتني بامرؤ القيس عندما يقول:
ألا أيها الليل الطويل ألا انجلي
بصبح وما الإصباح فيك بأمثل


صح لسانك يالاحق بن امرؤ القيس.