عابرة سبيل

اول مشاركه لي هنا اخترت مجموه من قصائد الشاعره عابرة سبيل
ماادري عاد ذوقي يعجبكم اولا؟؟



*البطاقه الشخصيه*

[frame="2 50"]
[poem=font="Arial,4,,bold,normal" bkcolor="" bkimage="" border="none,1," type=1 line=0 align=center use=ex num="0,"]
أنا عجوز مطلـــقة وام ورعـــــــان =وأيضاً مدام وبنت وآنس وعانـــس

أنا بدوية وعايشه عند حضـــــران=وبنت البحر أبـــوي زارع وغارس

أمية ماتعرف حروف وألــــــــــوان=وتلميذة دشت جميــــع المدارس

ضفره وخبله ، عاقله،في نقصان=شرود وأنطح لي ثمانيـــن فارس

خلونِي أعيش العابره دون عنـــوان=طــــــيف يمر بلا رقابـــــه وحارس [/poem][/frame]

*يايمه*
[frame="2 50"]
[poem=font="Arial,4,,bold,normal" bkcolor="" bkimage="" border="none,1," type=1 line=0 align=center use=ex num="0,"]
يمه .... يايمه .... فديتك لاتخلينـــي=بعثرني الهم وأبغى يديك تجمعني

يمه افهميني تراك ان مافهمتيني=مافيه شخص بهالدنيا بيسعمنــي

ماعدت انا طفلتك .. كبرت شوفيني=خليك يمي ترى الا طماع تتبـــعني

لا تدلليني ... . أبي منك تدليــــني=وابي ايديــــك تداعبني وتصفعني

ولا انهد حيلي أبي عطفك يقويني=ياما كلامك على الشدات شجعني

وان جيتك ابكي .. ابي منك تهديني=مابيك تبكين .. أبغى العقل ينفعني

يا مملكة عطف يا عطر الرياحينـــي=براثن الهم والهوجاس تـــــلسعنـي

بسمتك عندي الا من ضقت تكفيني=وارضاك عني عن الاحزان يرفعني

اسمى العلاقات تربــط بينك وبيني=ياللي احضانك ان ضاق الكون تاسعني

لك احترامي وحبي والوفا .. فيني=وفيك اروع الحب مايخطي ويخدعني[/poem][/frame]

*لعيوونه*


[frame="2 50"][poem=font="Arial,4,,bold,normal" bkcolor="" bkimage="" border="none,1," type=1 line=0 align=center use=ex num="0,"]
جاني يقول : اسمعي لابد نتباعد=ياخوك ماعاد به حل يريدونه

حسيت باحساس ماحسه معي واحد= حسيت باحساس مدري كيف مضمونه

غربة سليمان وتلقائية مساعد= وصرخة سلامه .. ونايف صقر بجنونه

ياهمي اللي معايه قايم وقاعد=من وين مادرت وجهي قيل مديونه

لولاك ياحشمتي للوجه والساعد=يمديني من قو غيضي صرت ملعونه

أقدر أغني وأدق طبول وأواعد=لكني أرغب أقضي العمر مصيونه

أبسطها آخذ جوازي وأجحد الجاحد= وآخذ شليلي بفمي وأقول : لعيونه[/poem][/frame]

*نوون*

[frame="2 50"][poem=font="Arial,4,,bold,normal" bkcolor="" bkimage="" border="none,1," type=1 line=0 align=center use=ex num="0,"]
هو يعرف أن القصايد خيالات وفنـون=واقعي مافيه غيـره شريـك بدنيتـي

مالعبوا اهل المغازل عليه ويخسـون=ماشيه في حشمةاللي مشى في حشمتي

من تربي مثلي فبيت عزٍ مايخـون=غاليه بالحيل بالحيل عنـدي سمعتـي

ماسهرنـا بالليالـي ندقـدق تليفـون=امحشوم اللي نواه الجليـل بقسمتـي

غالي لو هو يبي قصة العاتـق يمـون=حجته تبقـى وتسقـط لعينـه حجتـي

هو نون وحطه المعتلي في وسط نون=في يدينه دمعتي وفي يدينـه بسمتي[/poem][/frame]


*ضايقه*

[frame="2 50"][poem=font="Arial,4,,bold,normal" bkcolor="" bkimage="" border="none,1," type=1 line=0 align=center use=ex num="0,"]
ضايقه بالحيل محتاجه اشتكي=لولا طبع فيّ .. يمديني شكيت

بس أدور عذر منشان البـــكي=لو يدوسون بطرف ثوبي بكيت

كل ماجيــــت اتريـــــح وارتكي=يزدحم في خاطري الفين بيت

ويش بيدي افعله غير الحكي؟=قاصره خطوات رجلي لو مشيت

أسرعي يانفس موتي واهلكي=صرتي همي يوم بالدنيا شكيت[/poem][/frame]

*اخر موعد*


[frame="2 50"]
[poem=font="Arial,4,,bold,normal" bkcolor="" bkimage="" border="none,1," type=1 line=0 align=center use=ex num="0,"]
له موعد لاروح الليل وياي=أول وآخـــر موعــد مع فتاتــــه

اليوم ما تنفع دموعي ورجواي=اليوم تفصل عن حياتي حياتـــه

اليوم يعطيني بقايا بقاياي=واعطيه انا ماشلت من ذكرياته

اليوم بابدل مشاعر حناياي =يصبح من اخواني وانا من خواته

اليوم يتركني لحالي بدنياي=مجبور يــــقفي لو يزيد التــــفاته

اليوم يخلف عن مماشيه ممشاي=والله ما أضمن من عذابه نجاتــه

لو اتعلق فيه ما ينفع ابكاي=خلاص فات الوقت واعلن فواتـه

اليوم بعطيه العزا عقب فرقاي =عندي خبر وش قيمتي في حياته

وانا العزا مابيه من كبر بلواي=ماينفع اللي عاش واعلن وفاتــه

يارحمة الله ساعديهم بسلواي=يعوضه الله بانكسار امنياتــــــه

اليوم ياهمي وياطول مسراي=يافرحة العذال وأهل الشماتــــه[/poem][/frame]

*العيد باكر*
[frame="2 50"]
[poem=font="Arial,4,,bold,normal" bkcolor="" bkimage="" border="none,1," type=1 line=0 align=center use=ex num="0,"]
العيد باكر ...... أسعد الله ممساك=والله مدري ويـن خـدٍ جلستـه
وين أنت ياللي عيدنا في محيـاك=كف القدر من ضيقة الخلق بسته
من يوم ما لوَحت لي كف يمنـاك=لليوم دمعـي بالخفـا ماحبستـه
ومن يوم ماذوقتني حـر فرقـاك=والياس زرعه في حياتي غرسته
شريت ثوبِ علـى شـان لقيـاك=والثوب راحت موضته مالبستـه
وشريت عطـرِ مازهانـي بليـاك=أربع سنيـن بعلبتـه مالمستـه
ودفتر قصيدِ كـل يـوم يترجـاك=مافيه يـومِ ماسهـرت ودرستـه[/poem][/frame]

*ياكثر شعري*

[frame="2 50"][poem=font="Arial,4,,bold,normal" bkcolor="" bkimage="" border="none,1," type=1 line=0 align=center use=ex num="0,"]
يا كثر شعرٍ كتبته امس و البـارح=و يا كثر شعرٍ عقب فرقاه سجلتـه
دفاتري إمتلت من سبـة الجـارح=هذا000 وغير الذي للحين ما قلته
خلى دموعي تهل و خاطري سارح=يا كثرٍ همٍ عليـه اليـوم شايلتـه
اللي خلاني انصدم واصيح واصارح=فرقـاه حتـى خيـالٍ مـا تخيلتـه
وا جرحي اللي من الافكار يستارح=وا قلبي اللي من الاوهـام حملتـه[/poem][/frame]


*حان الوداع*


[frame="2 50"][poem=font="Arial,4,,bold,normal" bkcolor="" bkimage="" border="none,1," type=1 line=0 align=center use=ex num="0,"]
حـان الفــراق .. وتم توديع غاليـــن=قسـوة زمن وظروف ماهي رحومه

وحـاولت ابدّل موقف العسـر باللين=وأبـــيــــن قدامه جسور ظلومــــه

و أعاتبه وأنقد على دمعة العيــــن=وانــا - حشا لله - مانـــي ألــومه

و أقول هذا حال كـــل المحبيــــن=وهذا الفراق اللــــي تجينا علومه

ومسكت نفسي كن ماصاير شين=أخشى على خلي يشقق هدومه

ثم قلت وش تنطر حبيبي لهالحين؟=أثر ايديني ماسكات كمـــومه ؟؟؟[/poem][/frame]


*شقوول له*
[frame="2 50"]
[poem=font="Arial,4,,bold,normal" bkcolor="" bkimage="" border="none,1," type=1 line=0 align=center use=ex num="0,"]
باكر يجي 00 يا شيب عيني من الويل=من عقب مـا سافـر سنيـنٍ مديـه
ش اقول له 00 صاروا عيالي رجاجيل=ش اقول له ؟ 00 ماني بعهده وفيه ؟
إن قلـت لـه إنـي تعذبـت بالحيـل=و إن قلت لـه أكبـر عيالـي سميـه
يبي يعذرني و يتـرك القـال والقيـل=و لا يجـي ويـا زمـانـي علـيـه
و ان جبت حظي و المقادير 00 تعليل=و اني ضعيف 00 و رغبة الله قويـه
يبـي يصـدق كلمتـي دوم تحلـيـل=و لا يبـي ينسـف كلامـي عليـه ؟
ش اقول له ؟ 00 ما ينفعن الاقاويـل=ما دمت مانـي فـي وعـودي وفيـه[/poem][/frame]

*وصيه على فراش الموت*
[frame="2 50"]
[poem=font="Arial,4,,bold,normal" bkcolor="" bkimage="" border="none,1," type=1 line=0 align=center use=ex num="0,"]
ترى الذبايح و أهلهـا مـا تسلينـي=أنا أدري إن المرض لا يمكن علاجه
أدري تبي راحتي لايا بعـد عينـي=حرام ما قصرت يديـك فـي حاجـه
أخـذ وصاتـي وأمانـه لا تبكينـي=لو كان لك خاطرٍ مـا ودي إزعاجـه
أبيك في يديك تشهدني وتسقينـي=أمانتـك لا يجـي جسمـي بثـلاجـه
لف الكفن في يديك وضف رجليني=ما غيرك أحدٍ كشف حسناه واحراجه
أبيك بالخيـر تذكرنـي وتطرينـي=يجيرني خالقـي مـن نـار وهاجـه
سامح على اللي جرى ما بينك وبيني=أيام نمشـي عـدل وأيـام منعاجـه
همي عيالي وأنا اللي فيْ ..كافينـي=علمهـم الديـن تفسيـره ومنهاجـه[/poem][/frame]

وسلاااامتكم

السلام عليكم ورحمة الله وبركاته

بالعكس أخت شهد الشاعرة عابرة سبيل غنية عن التعريف ..
ونقرأ لها ..وهي من الشاعرات المميزات من وجهة نظري على الأقل ..

إختيار وذوق مميز ..شكرا .

اليوم بعطيه العزا عقب فرقاي
عندي خبر وش قيمتي في حياته

وانا العزا مابيه من كبر بلواي
ماينفع اللي عاش واعلن وفاتــه

	السلام عليكم ورحمة الله وبركاته بالعكس أخت شهد الشاعرة عابرة سبيل غنية عن التعريف .. ونقرأ لها ..وهي من الشاعرات المميزات من وجهة نظري على الأقل .. إختيار وذوق مميز ..شكرا . اليوم بعطيه العزا عقب فرقاي عندي خبر وش قيمتي في حياته وانا العزا مابيه من كبر بلواي ماينفع اللي عاش واعلن وفاتــه

شاكره لك مرورك سيدي الكريم

رحمها الله تعالى


لديها شاعرية رائعة جداً وعذبه


شكراً أختي / شهد


وللأمانة إنتقاء راقي


لشاعرة أقدر شاعريتها

	رحمها الله تعالى لديها شاعرية رائعة جداً وعذبه شكراً أختي / شهد وللأمانة إنتقاء راقي لشاعرة أقدر شاعريتها

تشرفت بتوواجدك شكراً لك

راااااائع غاااليتي ......شهد

اختيااارك ينم عن ذوووق راائع للقصاائد

لاتحرمينا من جديدك الجميل بجماال حضورك

شكرا يا شهد على النقل الرائع والمميز

وتقبلي مروري

	راااااائع غاااليتي ......شهد اختيااارك ينم عن ذوووق راائع للقصاائد لاتحرمينا من جديدك الجميل بجماال حضورك

مرورك الاْروع ياذووق محبتي وتقديري

	شكرا يا شهد على النقل الرائع والمميز وتقبلي مروري

شاكره لك مرورك وتنسيقك ويعطيك العافيه

لاهنتي على النقــل



تقبلي مروري

	لاهنتي على النقــل تقبلي مروري

شكراً لك

الاخت شهد

كل يوم تنورين المنتدى بمواضيعك المتميزه


مشكوووره على الطرح



تقبلي تحياتي

يعطيكي العافية شهد

صراااااااااحه إلمام متميز ونتمنى لكي المتميز

تقبلوا مروري

	الاخت شهد كل يوم تنورين المنتدى بمواضيعك المتميزه مشكوووره على الطرح تقبلي تحياتي

مشكوور عالمروور

	يعطيكي العافية شهد صراااااااااحه إلمام متميز ونتمنى لكي المتميز تقبلوا مروري

يعافيك ربي ومشكوور عالمرور