الكل يبكيها

مرثية الحميدي الشمري في والدته
سمعتها من زمان بنجووم القصيد ولي فتره بدورها صوتيه ماحصلتها
فااتمنى من اللي عنده رابط هالقصيده يزودني فيه وله الشكر

[align=right][poem=font="Arial,5,,normal,normal" bkcolor="" bkimage="" border="none,1," type=0 line=0 align=center use=ex num="0,"]

خايف عليها من الثرى غطاهـا=و الا الحصى حافيه اخاف اذاهـا
اكرم عليها بالكفـن يـا مطـوع=بالبيت ظل فراشهـا وغطاهـا
اكرم عليه بالكفـن هـذي امـي=و اشهد عليها في ما عطت يمناها
هذي الضحى واليـل يتحرونهـا=هذي السماء و نجومـه تنعاهـا
هذي السوالـف مثلنـا تبكيهـا=والارض تنشد عن اثر لخطاهـا
هذي الكبيره كبر هـذي الدنيـا=هذي العظيمه جل مـن سواهـا
ابكي عليها مـو نهـار و ليلـه=و لا سنه تمشي وعـد قضاهـا
ابكي عليها كثـر مـا شالتنـي=و كثر الحنين الي اختلط بغناهـا
و كثر الاسامي و كثر من سموها=و كثرالنجوم و كثر من يرعاهـا
ابكي عليها من القهر يـا دنيـا=مـن لـي انـا عقـب فرقاهـا
من فتحت عينـي و لا خلتنـي=و شوفوا ولدها بالقبـر خلاهـا
هل التراب بوجهـها مـا قصـر=شفتوا ولدها كيف هـو جازاهـا
لو انهـا مكانـي مـا سوتهـا=لاكـن اعـز عيالهـا سـواهـا
يا دود يا دود شفها ذابله جنبها=انا ولدهـا و حاضـر وأفداهـا
قطعني هاك الي تبي من جسمـي=بس الكريمـه لا تجـي بحذاهـا
و وصيك امانه قل لها تعذرنـي=و تكفى تروح تحب لي ماطاهـا
ابيها تغفر لي مثـل مـا كانـت=كل خمله منهي بطيبهـا ترفاهـا
يالله عساهـا بالنعيـم الخـالـد=و عساها في جنة عدن سكناهـا
يا فضو هذا الكون يا هو خالـي=يا ضيق هذي الدنيا يا مقساهـا
يا مر طعـم فراقهـا يـا مـره=ماني مصـدق ارجـع وماالقاهـا
وشلون اجي غرفتها ما هي فيها=وش عذري السبحتها ومصلاهـا
وش اقـول انـا لدولابهـا واذا=سالني مشطها وعباتها وحناها
ومي زمزم ومصحفها والمبخـره=ورشـوشـهــا ودواهــــا
الكـل فـي غرفتهـا متفقدهـا=حتى الجدار متفطـر ويرجاهـا
الكـل يبكيهـا مهـو ناسيـهـا=يالله صبرني و شلـون انساهـا
ياليتهـا مـاراحـت وخلتـنـي=او وسعت لـي بالقبـر وياهـا
[/poem][/align]