ربعنا الهذلان

[سيف الهذلي]

بسم الله الرحمن الرحيم

هذه القصيدة بسم قبيلة هذيل كافة

موجهة لمن حاول الاساءة لقبيلة هذيل من خلال مسابقة

شاعر المعنى وكلنا مع الشاعرين حامد الهذلي

وعبيد الله الهذلي وبارك الله في الجميع .

.................................................. .................................................. ...


هاض الضمير ومن بدع لو هو ينادي من يجيب ؟

الفاضية مارد فيها وأحبك المعنى جديد

مافاز منهو يعسف الأبيات ويضد الصعيب

أنا أشهد ان الله كتب له في الجبين أشقى سعيد

الشعر كلا ً يقدره واجه ليا انك كنت ذيب

وأرسل لك الحصني ويكسر نابك وتصبح طريد

من بعدها تركد وتهجد لا صياح ولا قنيب

وتقر بأن الله عظيم القدر والعالم عبيد

ودك تنافق لليهود وللنصاري أهل الصليب

دقت نواقيس الغواية واثرك القرم الوحيد

محد ٍ درابك ياردي الحظ مقطوع النصيب

بالله كم عمرك عشان تورخ الماضي المجيد ؟

رح وانشد الجدّان عن وقت ٍ مشرف مايعيب

موروث للهذلان شامل للقريب وللبعيد

أفخر بربعك في الجزيرة بالبعيد وبالقريب

من شام لحدود اليمن شجعان مافيهم بليد

تبقى هذيل فصف قادتنا على الشور الصليب

من تهمها لأقصى حدود النخل وغصون الجريد

ماجيت أعدّد ربعي الهذلان وافهم يالبيب

قبلي عطا الله شاعر القرّح وصفهم ليش أعيد ؟

من دون قاصر في القبايل دون شك ودون ريب

نبقى وطن والله يرعانا وحاكمنا سديد

سلطان عدل مجاهد النعرات والوضع العطيب

أبطل خرافات الجهالة والتعصب والوعيد

كل القبايل بايعت له بالولا والطيب طيب

عهد ٍ من الجدّان يبقى للحفيد ابن الحفيد

وهذيل ماخانت عهد غنابها شاعر وأديب ؟

الله يمسي حضرته بالخير والعلم الأكيد

واليوم أبو متعب سليل المجد والساس العريب

وحّد صفوف الشعب وأعلن للوطن عهد ٍ رشيد

والنور نور الله وشمس الحق مايمكن تغيب

والشعب بايَع والحكومة والوطن في يوم عيد

خير الوطن عم المناطق من شعيب اليا شعيب

عم الموظف وأكرم القاضي ولم ينسى العميد

نعم العيون الساهرة للشعب تكرم ماتشيب

ندعي لهم بالمغفرة والنصر والعمر المديد

نعم بهذيل أصل الفصاحة واللغة والله رقيب

والشافعي شعره من الهذلان والمولى شهيد

تاريخ لهذيل اليمن والشام والخالق حسيب

اللي رفع قدر الهذيلي فوق والزايد يزيد

أقوالهم تُضرب بها الأمثال وتفيد الخطيب

والسيف ماهو من خشب والشعر ماهو بالهبيد

والصمت حكمة والحسد ناره على كبدك لهيب

خيّبت هقوات العرب لانت زهير ولا لبيد

مافادت الشارات لو تصبح على الفرقة رقيب

لابد تعصف بك رياح الوقت ويفلك حديد

الياس والخوف وهواجيس الضماير وش تجيب ؟

أتلاتها تبكي على الأطلال زيف ولا تفيد

لو الفتى له نهج وأسلوب ودلايل مايعيب

المشكلة ليل ٍ ظليم ولا معه مشعل يقيد

يا أهل العقول الراجحه ذيب الجبل جوف القليب

والدهر قاسي والهموم أصناف والهاجس يزيد

يامدّعين العفة وتحت اللثام يفوح طيب

صفق لكم عبد الحكيم ولا درى عبد الحميد

يامدّعين المعرفة نظره على الكون الرحيب

كم من أمم قد أهلكت كانت مثل حب الحصيد ؟

مثل النبات اليا قلعته يُعدم الغصن الرطيب

ويصير في عيون البشر تافه ولا اعده فقيد

تلقى العوض غيره عروق الطلح لايمكن تغيب

واليا اجتمع طيّب مع أطيب لاتعيد ولا تزيد

يامطلق أصوات الفضا من عهد جساس وكليب

منت بري وتدين نفسك ليش يالوجه السويد

رب البشر يُمهل ولا يُهمل وعلمه علم غيب

يعطي ويمنع والله الجبار وعقابه شديد

كلا ً يلاقي ماجمع يطيب والا مايطيب

حكمة فلحيان العرب تهذي بها من دون فيد

لك يوم يالمظلوم تُنصر به على الوجه الغضيب

الكاذب المغتاب لكن له رقيب وله عتيد

رجل ٍ حياته للمعاصي والزلل ماله صحيب

يأخذ كتابه بالشمال وناتجه صفر الرصيد

هذا الزمن فيه الصداقة حلم مايمكن يصيب

الغش عنوان النفوس ونصفها ينبض بكيد

والعنصرية والتطرّف مالها غيري طبيب

اقطع جذور الحقد من خاطر عبيد وقلب زيد

واليا صدفت الشاعر المشهور ما أظنه ذهيب؟

والحي لازم يلتقي بالحي لو وده يحيد

في وقتها وأقسم بربي لو تهيّالي النصيب

لأعلقه مثل الذبيحة والله لقولي شهيد

ماجيت لأجل اذبح جرادة ياعجايب ياعجيب

لاجيت أدسّم شاربي مادوّر الا أشدّ صيد

ماهي مسايل كم طرحت ؟ وكم جمعت ؟ وكم تجيب ؟

وشعيل لو يسرح ويضوي بأعقله من دون قيد

أنا اهذلي واليا تحديت احسبوا كم من صويب

والله لطف من جاهل يطمر ويصعد كل حيد

مالوم نَقاد الوهم طبيب لكن مايطيب ؟؟

لو حزة المقناص يفتح فمْه يبطي مايصيد

تبقى النوايا في القلوب ويغفر الله للمنيب

والله غفور ٍ للبشر لكن ّ له باس ٍ شديد

واللي على المولى توكل وأخلص النية مصيب

يحميه من كيد البشر والجن وسلاحه يصيد

منصور باذن الله على الأقزام جعله ما يخيب

اليا تفرعن يسكب الدنيا عبر وأيام عيد

يرسي كما صم الحيود الراسيات ولا يهيب

واليا نواه المعتدي باذن الله انه مايكيد

ماننتظره يبث سمه نذبح الداب ويهيب

اسم الله أكبر والله أكبر يبطي ابليس المريد

لابد أهشّم صومعة نقفور عبّاد الصليب

وأقرأ عليه الزلزلة بعد آية الكرسي وأعيد

ياعاكسين الخط ويش الحل يعني ويش أجيب ؟

بالسيف والا بالكلام نواجه الزيف الشديد

ضدّين متساوين تشغلنا على صفحات ويب

ماتمطر الا في سما الأحلام بحروف ونشيد

ياشاعر المعنى نبى الانصاف والا الغش عيب

شعارنا ماهم في حاجة لجنة الذوق الزهيد

منطوقنا سحر البيان وخصمنا عينه تشيب

واللي يفكّر في العناد نهد مبناه الجويد

وأثني (لحامد ) محكم القالات ما يلحقه ريب

شاعر وله معنى وله مقصد وله رأيا ً عنيد

(وبن صغيّر ) يُنصفه شعره ومعناه المصيب

يُنقش على صم الحصا يبقى مدى الدهر المديد

والله يرحم شاعر الهذلان ذكره مايغيب

تبقى دروسه راسخة للشعر وفنون القصيد

لكن ّباذن الله نجيب الفوز والله يستجيب

وهذيل من شام ويمن والسيف سيفا ً من حديد

والصف واحد والمواقف واحدة مامن غريب

والحكم لله ثم لآل سعود من يقدر يحيد ؟؟؟

.................................................. ..................................

وسلامتكم طبعا ً

	ياشاعر المعنى نبى الانصاف والا الغش عيب شعارنا ماهم في حاجة لجنة الذوق الزهيد منطوقنا سحر البيان وخصمنا عينه تشيب واللي يفكّر في العناد نهد مبناه الجويد وأثني (لحامد ) محكم القالات ما يلحقه ريب شاعر وله معنى وله مقصد وله رأيا ً عنيد (وبن صغيّر ) يُنصفه شعره ومعناه المصيب يُنقش على صم الحصا يبقى مدى الدهر المديد والله يرحم شاعر الهذلان ذكره مايغيب تبقى دروسه راسخة للشعر وفنون القصيد لكن ّباذن الله نجيب الفوز والله يستجيب وهذيل من شام ويمن والسيف سيفا ً من حديد والصف واحد والمواقف واحدة مامن غريب والحكم لله ثم لآل سعود من يقدر يحيد ؟؟؟

صح لسانك وصح بدنك
وأنا أشهد انك صادق فيما قلت
وإن شاء الله الفوز من نصيب الهذلان

بارك الله فيك يا سيف الهذلي
وترى لجنة التحكيم ماهي مقياس حقيقي للشعار

صح لسانك ياسيف

صح لسانك ياسيف

وبيض الله وجهك على هذا المعلقه

اجدت المدح والنقد وكل اغراض الشعر المتوفره في هذه الرائعه

وباذن الله الفوز هذلي

اخي سيف الهذلي

اعجابي بالقصيده لفت نظري الى قصيده للشاعر فواز الهذلي

على نفس البحر ونفس القافيه

فهل هي مجاراه

	المشاركة الأصلية كتبت بواسطة فواز الهذلي

	ثار القصيد وقام يرسم هاجسي خط(ن) عجيب ________________ قلت استعدّي يالجزيلة بعد ماثار القصيد أسرج على ظهر الفرايد والنوادر ماتغيب ______________ دام الهذيلي شاش جاك اللي على نوعه فريد انشهد انك ياضعيف النفس مقطوع النصيب _____________ ماتدري انّا لا نهضنا نصرم لحام الحديد؟ يا هذيل انشهد من يعاندكم يبا راسه يشيب ____________ يشيب راس اللي يعاندكم ولا هو مستفيد ماقول غير آخر زمن فوق الحصيني جلد ذيب ____________ مار المراجل للنشاما خل ابو زهرة يهيد ما قادها غير الهذيلي راعي الراس الصليب _____________ يشهد لنا تاريخنا ماهمّنا الطرز الجديد كل هذلي لوجار وقته وادركه ظرف(ن) عصيب ______________ عرق الحميّة يدفعه لو حدّه الوقت الشديد والمعذرة على القصور

أشكر أخي الفاضل على قصيدته التي تفيض حمية وغيرة ..
ولا أستغرب ذلك عليه .. وهذه القصيدة موجهة لكل من يزايد على شعرائنا الكرام .. أو يحاول تجاهل شاعريتهم وإبداعهم ..

اللي رفع قدر الهذيلي فوق والزايد يزيد :::أقوالهم تُضرب بها الأمثال وتفيد الخطيب
والسيف ماهو من خشب والشعر ماهو بالهبيد :::والصمت حكمة والحسد ناره على كبدك لهيب

صح لسانك وبيض الله وجهك يالجزل

كأن القصيده مجاراه لشاعرنا فواز الهذلي؟

لك احترامي

صح لسانك يا سيف

معلقة قوية و رائعة من شاااااااااااااعر كبيييييييييييييييييير

و حامد و عبيدالله معهاهم معاهم

ولا يضر السحاب ......

[poem=font="Arial,4,#ff0000,normal,normal" bkcolor="" bkimage="" border="none,1," type=0 line=0 align=center use=ex num="0,"]
واليا صدفت الشاعر المشهور ما أظنه ذهيب؟=والحي لازم يلتقي بالحي لو وده يحيد

في وقتها وأقسم بربي لو تهيّالي النصيب =لأعلقه مثل الذبيحة والله لقولي شهيد

ماجيت لأجل اذبح جرادة ياعجايب ياعجيب =لاجيت أدسّم شاربي مادوّر الا أشدّ صيد

ماهي مسايل كم طرحت ؟ وكم جمعت ؟ وكم تجيب ؟=وشعيل لو يسرح ويضوي بأعقله من دون قيد

أنا اهذلي واليا تحديت احسبوا كم من صويب =والله لطف من جاهل يطمر ويصعد كل حيد

مالوم نَقاد الوهم طبيب لكن مايطيب ؟؟=لو حزة المقناص يفتح فمْه يبطي مايصيد[/poem]

أقولك كفو با سيف

كفيت ووفيت وبيض الله وجهك

رااااااااااااااااااااائعه

صح لسانك على هذه المعلقة


[poem=font="MS Sans Serif,5,#00008b,normal,normal" bkcolor="" bkimage="backgrounds/4.gif" border="double,1,#48d1cc" type=0 line=1 align=center use=ex num="0,"]
اللي رفع قدر الهذيلي فوق والزايد يزيد=أقوالهم تُضرب بها الأمثال وتفيد الخطيب

والسيف ماهو من خشب والشعر ماهو بالهبيد=والصمت حكمة والحسد ناره على كبدك لهيب [/poem]

[سيف الهذلي]

الفارس وهذلي قديم حياكم الله ونورتم الصفحة ويعطيكم العافية .

[سيف الهذلي]

مشهور الطلحي ومحمد العجلان وناجي والمحارب

بارك الله في الجميع وبيض الله وجيهكم

وكلنا مع حامد الهذلي وعبيد الله الهذلي .

[سيف الهذلي]

هذلي والفخر لي بارك الله فيك واذا وصفت القصيدة بالمعلقة

أنا اعتبرها قصيدة عادية المعلقات معروفة ومعروف أصحابها

وان شاء الله الفوز في شاعر المعنى من نصيب قبيلة هذيل .

[سيف الهذلي]

هذلي والفخر لي مرحبا بك في المرور الثاني وحتى أكون

دقيق في الاجابة القصيدة اللي أشرت اليها لم أرها في مجلس الشعر

النبطي لكن تأكد بأن سيف الهذلي يهمه اسم قبيلة هذيل كافة

ويهمه الوقفة مع الشاعرين حامد الهذلي وعبيد الله الهذلي

سواء ً بالقصائد التشجيعية أو الدعم والتوصيت المتواصل بلا انقطاع

ووفق الله الجميع وبارك الله في هذيل كافة .

[سيف الهذلي]

بن قاسي الهذلي بارك الله فيك يالجزل وبيض الله وجهك .