من معزتكم تعنيت ناصيكم

[poem=font="Arail,4,#000000,bold,normal" bkcolor="" bkimage="backgrounds/8.gif" border="solid,1,#f2b7f0" type=0 line=0 align=center use=sp num="0,"]
اخوانى الاعزاء هذه القصيده قلتها بمناسبة مزاين الابل لقبيلة العوازم
سنة 2002 اعرضها امامكم للاطلاع عسى ان تحوز على رضاكم واتشرف بتوثيقها بمنتدى قبيلة هذيل


من معزتكم تعنيت ناصيكم =بالمزاين لاجمل لى ولا ناقه
بس ابشارك وشجع وهنيكم=واطلع بمزاين الابل وسباقه
بالنيابه عن هل الحفل ابهديكم= قول من جا يدفعه زايد اشواقه
مرحبا باسم العوازم يحييكم = متعب الدرعان من صادق اعماقه
حيوا الدكتور وثنوا لداعيكم=عاش من يمناه لطيب سباقه
ياعساه بمدة الجود يرضيكم=الحفل متكفلن جل ودقاقه
فوق نجم سهيل وده يعليكم=رايته لعلها دوم خفاقه
كل عام وجود فضله يوافيكم=بيت عزن شيده وانتم رواقه
حفلكم لناس يظهر تصافيكم=من خلقتم والعهد ماحدن باقه
اختلاف الراى يفرح معاديكم= والنفوس اللى بها الحقد منعاقه
حبكم للابل طرده مشقيكم=كلن له بها الزمن حب وعشاقه
ورثة الاجداد والرسل بيديكم=حبها بقلوبكم حكم اوثاقه
آية الرحمن فيها يوريكم=فى كمال الخلق سبحان خلاقه
اكرموها والكرم من ملافيكم=درها يبرد ضمى كبد من ذاقه
شوفها بالعز يطرب ويحييكم=خيرها مقبل وان اقفت على الساقه
شاقنى يوم المسابق تناديكم=يوم كلن يرفع الصوت لنياقه
هيضتنى صيحتن من عزاويكم=من سمعها دونها زادت رهاقه
عل وبل الوسم يسقى مفاليكم=وين ماوجهتم الرجل بوفاقه
كان ماصبح وطنكم يمسيكم=غيث مزنن يجهر العين براقه
مدتن بالجود من عند واليكم=تفرحون بها ليا جت على فاقه
وسمحوا لى وفق الله مساعيكم=كان باق القول باقن له لحاقه

شعر ابوسامى العازمى
مبارك مغيران القعمرى العازمى[/poem]

	درها يبرد ضمى كبد من ذاقه

ياسلام

صح لسانك ، عدد بلامدد

	صح لسانك ، عدد بلامدد

سيف قصدك مدد بلاعدد

,,,,,,,,,,,,,,,,,,,,,,,,,,,,,,,,,,,,,,,,,,,,,,,,


صح لسانك يبو ساامي وعلاشانك


وافية من راس وافي

تحياتنا لك ولقصائدك الرائعه

السلام عليكم ورحمة الله وبركاته

ونعم والله ابو سامي
لاهنت جزلة من راس جزل

وحيا الله القصيدة وراعيها

لاهنت

صح لسانك يآبو ســامي ولاهنت

قصيدة جميلة بجمال حضــورك وتواصلك معنا


تحياتي لك