انتظرني على المفرق

لعيونكم الغاليه
بكل الحب والتقدير

[poem=font="Simplified Arabic,6,#00008b,normal,normal" bkcolor="" bkimage="" border="none,1," type=2 line=0 align=center use=ex num="0,"]
عرفنا البحر مافي البحر غير موج ازرق=الأمواج زرقا والسما فوقها زرقا
عليك الخطر يانازل البحر لاتغرق= وتنزل وترقا ثم تنزل ولاترقا
تراني طلبتك تنتظرني على المفرق=اببعدك عن جو البحر واخذك شرقا
نبا ديرةٍ برق الحيا صوبها يبرق=وجات العسوس تقول ريضانها غرقا
وذيك الدير سبحان منهو خلق وافرق=يجي نبتها عن نبت كل الدير فرقا
رياضٍ من السندس توشح بالإستبرق=ونسرق بها يومين من وقتنا سرقا
نخلي مسانا والعشا قاعة الأبرق=ضليعٍ خبرته له مكاسر وله مرقا
نجي في تقاه وناخذ عن الهوى مدرق=ونشعل بسمرٍ كنه الطيب لاإحترقا
ليامن حمسنا البن ثم إبتدى يعرق=تهيّض ضميري ثم غنيت لي طرقا
وتذكرت طرقٍ كان راعي الولع يطرق=( ألا لاجزيت بخير يالاعي الورقا
تذكرني اللي واسم الكبد بالمطرق=وليفٍ طرح وسمه على الكبد ثم عرقا
ذكر فيه..عيني تذرف الدمع لين أشرق=واخذ فيه..لين يقول..يانايض البرقا )
أفرّق هموم القلب بالبر واتشبرق=ولامن تذكرت البحر قلت يافرقا[/poem]