يارجم ياللى علياتن مراقيه

[poem=font="Arail,4,#4169e1,bold,normal" bkcolor="" bkimage="backgrounds/8.gif" border="solid,1,#f2b7f0" type=0 line=0 align=center use=sp num="0,"]
بسم الله الرحمن الرحيم


السلام عليكم ورحمة الله وبركاته اخوانى الاعزاء هذه اول مشاركه لى راجيا ان تنال على اعجابكم------


يارجم ياللى عالياتن مراقيه = عياد رجله فيك جرة قدمها
وش قال بالله كان تحفظ قوافيه =والا معالم خطتن له رسمها
يارجم انا ودى بعاليك اجاريه = حيثن شفرة فتح خطى فهمها
قال الكلام يطول والسر مخفيه = خواطرن عنى بصدره كتمها
مثلك رقانى يوم كثرت طواريه = ولوح براسى للحون ونهمها
غنى بعال الصوت والكل يوحيه = ليتك سمعت ابيات شعرن نظمها
هز الحجر والغصن مالت مثانيه = والطير غرد باللحون ونغمها
شاعر على حوضه يورد ضواميه = وان جته ضاميت الهمل مالطمها
عطنى جوابك كان ودك توصيه = اما نتن عندى ليا جا ستلمها
قلت السلام لصاحب العرف ابهديه = اللى يعرف الصايبه من عدمها
بحر الشعر غصنا وهمنا بواديه = نترجم شعور النفوس والمها
يحى الطرب والهم عنا يطفيه = ويحفظ لنا ذكرى زمانن ردمها
محيط بحر الشعر كلن سبح فيه = هند ونصارى والعرب مع عجمها
كلن على قدر استطاعت مساعيه = قريحته بالشعر تبدى كرمها
احدن يجى شعره من الدر ناقيه = حكمه وفيه من الحلاوه طعمها
يطرب له السامع ويشتاق قاريه = وقصيدته ماودك انه ختمها
واحدن يجى شعره خلاصة هذاريه = غبى والنفس الضعيفه ظلمها
قدره يبى نظم القوافى يعليه = عن القصيد النفس ليته فطمها
محدن سمع عن فاقد الشى يعطيه = وتصنع العادات يخطى سهمها
الشعر لى هبة هوى مع معانيه = ليا من هاجوس الضماير دحمها
اجول فى جوه ليا ضقت وتيه = وارقى جبالن عالياتن قممها
قصايدى مابين حكمه وترفيه = وتصوير واقع والحدود التزمها
واللى سعى لرضاى ملزوم اراضيه = ونصيحة الصاحب فخر واحترمها
واللى بقلبه حقد صعبن تطفيه = اصد عنه ونيتى ماعلمها
والصاحب اللى كل يومن تراضيه = عن رفقته نفس العزيز يحشمها
دور على اللى حاضره مثل ماضيه = اللى سلوم المرجله يغتنمها
اللى نوايا ظاهره مثل خافيه = صاف السريره نيته ماهرمها
وختم الجواب اطلب من الله بتاليه = نعتز وبيوت الرخوم يهدمها

شعر ابو سامى العازمى[/poem]

شاعر على حوضه يورد ضواميه===وان جته ضاميت الهمل مالطمها



الله الله


ياسلااام ياسلاااام

كفو والله يبو سااامي انشهد انك جبت العلوم الوافية من راس وافي

ومرحبااابك بيننا وسجل اعجابي باول مشااركة


ولاتحرمنا من الابداعات الرائعه يالغااالي


احدن يجى شعره من الدر ناقيه===حكمه وفيه من الحلاوه طعمها


طعمهاا


صح لساانك يالعاازمي


وتحيااتي لك

بداية رائعة وتجعلنا نسلط الضوء أكثر على مشاركاتك

حيا الله الشاعر وحي القصيدة الجميلة اللي معه

حياك الله في مجالس قبيلة هذيل

سؤال فقط : أبو سامي عازمي تميمي ، وإلا عازمي عتيبي

والنعم مقدماً.

[poem=font="Arial,4,,normal,normal" bkcolor="" bkimage="" border="none,1," type=0 line=0 align=center use=ex num="0,"]

قلت السلام لصاحب العرف ابهديه=اللى يعرف الصايبه من عدمها

قلت السلام وجاك رده يباريه=من واحدن روس المراجل وسمها

واحدن يجى شعره خلاصة هذاريه=غبى والنفس الضعيفه ظلمها

هذاك مقفي بعد الله خطاويه=ماينتمي لهذيل ربعي وادمها

وختم الجواب اطلب من الله بتاليه=نعتز وبيوت الرخوم يهدمها

وختم الجواب الطيب يبقى لراعيه=وهذيل عزاً ماتوارى علمها[/poem]

حياك الله ابو سامي في منتدى هذيل ومرحبا بك

واسمحلي حبيت أجاريك في البيت اللي أعجبتني والقصيدة كلها وافية

شكرا لاخوانى الاعزاء على ترحيبكم وابداء اعجابكم وجزاكم الله خير
اخوكم ابوسامى العازمى(مبارك مغيران القعمرى العازمى
من قبيلة العوازم بالكويت ولى الشرف بمشاركتكم بموقع هذبل
والسلام عليكم ورحمة الله وبركاته

وعليكم السلام ورحمة الله وبركاته


ونعم فيك وفي العوازم في كل مكان


حللت اهلا ووطئت سهلا

مرحبابك عند اهل الشعر واهل المعاني

وعسى ربي يزيدك شرف ياضيفنا الغاالي


ويامرحباا بالنيابة عن ربعي هذيل اللي فالمنتدى واللي خارج المنتدى


نورتنا يالغاالي

وشااعر وافي ما عليك كلام


تحيااتي لك