والــــــــرجــــــــــــ ـل زيــــــــن ان كـــــان زانـــــــت فــــعــــــولـــه!!!

[align=center]
قصيده اعجبتني لأحد الشعراء

ونقلتها لكم


[poem=font="Simplified Arabic,5,black,normal,normal" bkcolor="transparent" bkimage="backgrounds/12.gif" border="ridge,5,darkblue" type=1 line=0 align=center use=sp num="0,black"]
قالت ترى منت بحلو قلت رجال=والزين ماهو من شروط الرجوله
الزين يلقى عند لباسة الشال=والرجل زين ان كان زانت فعوله
قالت علامك تلبس شماغ وعقال=انت بدوي؟قلت بدوي ومن حموله
ما ألبس بناطيل لها الوان واشكال=وامتر الشارع بعرضه وطوله
قالت اجل راعي معاميل ودلال=شرب القهاوي تحسبونه بطوله
كيفي يابنت الحضر دله وفنجال=وحليب خلفه بالمراح معقوله
وحب الكرم والجود وعلوم الابطال=مغروس فينا من زمان الطفوله
قالت ترى بنت البدو حظها مال=قلت احذري حذرا تكوني جهوله
بنت البدو يابنت مضرب للامثال=فوق الجمال وطاعة الله خجوله
ماحطت اصباغ ولا حطت ظلال=ولا سيرت بالسوق سير مهبوله
هي مهرةٍ تصعب على كل خيال=وانتي ومثلك عسفهن بالسهوله
قالت تغزل بي وشف حبة الخال=ناظر عيوني والرموش الكسوله
قلت العفو مايجتمع حب وهبال=ولكل ذوق فالمزايين جوله
قلتي وقلت وكلمة الصدق تنقال=الزين ماهو من شروط الرجوله[/poem]


منقوله[/align]