سيف هذيل %%وفواز الهذلي

جرت هذه المحااورة على الماسنجر...,,


اتمنى ان تنال اعجابكم وترضي ذائقتكم على الررغم اننا لم نستغرق وقت طويل في هذه المحاورة ولمن اعذرونا,,,,




فواز الهذلي


مرحبا ترحيب صافي من هجوس(ن) ماتونّا====من هجوس(ن) ماتونّا كل ما نادى المنادي


ليت سيف هذيل يفزع نحتمي مربع وطنا====نحتمي مربع وطنا من عصافير الحنادي




سيف هذيل


البقا ياللي ترحب عد رعادن يدنا===عد رعادن يدنا والمطر يوري الجنادي



محتزي بالسيف الاملح يقطع اللي ممتحنا===يقطع اللي ممتحنا والبيارق بالايادي




فواز الهذلي

البعير الهامل اللي طب واصبح في ضعنّا====طب واصبح في ضعنّا ماعرفنا وين غادي



ليتني شيخ العشيرة والذبيحة في صحنّا==== والذبيحة في صحنا والخبر وسط الروادي




سيف هذيل


البعير اللي تقوله مايسوي شي منا=== مايسوي شي منا بالعصا بدّه يقادي



مختلف ياصاحبي والقوم اعاينها تونا=== لاتونا ولاتوخر دام عينك له تحادي




فواز الهذلي

شفّ بالي يوم اشوفه حلّ فالمبرك مثنّا====حلّ فالمبرك مثنّا لاشراب ولاش زادي



مدّ لي يمناك حتى نعمر البيت المبنّا=====نعمر البيت المبنّا لونجاهدهم جهادي




سيف هذيل

معترض درب القوافل مرتدي ثوبن محنا=== مرتدي ثوبن محنا واللوازم فالشدادي



ناس تسعى بالرذيله فعلها منا ومنا=== فعلها منا ومنا لابياض ولاسوادي




فواز الهذلي


شيخنا جانا يصايح مار حنّا مازعنّا====مار حنّا مازعنّا لو يصيح ولو ينادي




شفت ابو زيد الهلالي قام يلحس من عسنّا====قام يلحس من عسنّا ماشكى حرّ وبرادي




سيف هذيل


قول كلمتك الصريحة مانبي اللي يستكنا=== مانبي اللي يستكنا قولها والعز بادي



شفت كل اللي تشوفه مير هذا اللي غبنا=== مير هذا اللي غبنا واصبح العلم متمادي





(((وسلامتكم يالنشاما)))

صح السنتكم فواز وسيف هذيل لكن متي موعد المحاورات سجلت اسمي بس مادري متي الموعد تحياتي

صح بدنك ياعزوته الاشراف


المواعيد بالنسبة للمنتدى مسجلة في قوانين المجلس



ثلاث ايام السبت والثلاثاء والخميس...


الساعة التاسعة والنصف...


اختار شاعر ونسق معه على الخاص زعطنا خبر عشان نسوي لكم اعلان

	صح السنتكم فواز وسيف هذيل

صح بدنك يالشريف


وشكراً لك يافواز

صح لسانك يافواز

صح لسانك يا سيف هذيل (ما شاء الله عليك)

وبيض الله وجهكم

بيض الله وجهك يافواز انت وسيف هذيل وصحت السنتكم على ها القاف الجميل

والحقيقه كم اسعدني بزوغ نجم جديد في سماء محاورات منتدى هذيل

ذلك الرجل البدوي الاصيل راعي التعشير والمشاعيب(شفته في صورة العرض

اسفل المعرف)هههههههههههه

سيف هذيل والله انك مفاجئه سعيده استمر الله يوفقك يالقرم


لكما احترامي

صح ألسنتكم

بس شكلها قديمة شوي

سالمين وغانمين ياسيف ويافواز

وبيض الله وجيهكم ........وعسى ماهي بالأخيرة إن شاء الله

وأناأشهد إنكم ناموس وتنحطون على اليمنا ....وعسانا نتقابل قريب إن شاء الله

شوفوا البيت هذا

البعير الهامل اللي طب واصبح في ضعنّا====طب واصبح في ضعنّا ماعرفنا وين غادي

وهذا بعد

شيخنا جانا يصايح مار حنّا مازعنّا====مار حنّا مازعنّا لو يصيح ولو ينادي

اللي يبي يعرف المعنى وين يفهم هالبيتين بس

<< كشفتكم يا شعار المعنى

خخخخخخخخخخخخخ

بس صراحه سيف هذيل مفاجأة الموسم

صح لسانك ياسيف والى الامام ان شاء الله

اما فواز فشهادتي فيه مجروحه

شاعر المستقبل باذن واحد احد

صح لسانك يارحيمي وانتبهوا من البعير لا يهبدكم

خخخخخخخخ

::

ماشاء الله تبارك الله

صح لسان الشعّار .. محاورة من طراز الكبار

حفظكم الله

استمتعنا جدا بها ..

شكرا لكم


::

صحة ابدانكم جميييييييييييع يالربع كلن باسمه


وانت يبوبسااام خطير دايم هههههههههههههههههه

صحت السنتــكم

والله محاورة مميزة جدا وقاف على مستوى

وسيف سيف ماشاء الله وفواز عاد مايحتاج الله يوفقه


لاهنتووووو جميعا


تحياتي

	المشاركة الأصلية كتبت بواسطة فواز الهذلي

	فواز الهذلي شيخنا جانا يصايح مار حنّا مازعنّا====مار حنّا مازعنّا لو يصيح ولو ينادي شفت ابو زيد الهلالي قام يلحس من عسنّا====قام يلحس من عسنّا ماشكى حرّ وبرادي

محاورة جميله

بس اعتقد ان بعض الكلمات معسوووفةٍ بالحيل
مثل : مازعنّا , عسنّا !!!!!

مجرد رأي