قصيدة الحظ

السلام عليكم

هذة القصيدة للشاعر محمد بن عون الشريف

[poem=font="Arabic Transparent,5,#8b0000,normal,normal" bkcolor="" bkimage="" border="none,1," type=0 line=0 align=center use=ex num="0,"]
إن جاد حظك باع لك واشترى لك=فوايده من كل الآفاق تاتيك

وان بار حظك عزي لحالي وحالك=وبأردى الأثمان يبيعك ويشريك

وان جاد حظك بالمجالس حكا لك=وصدّق مقالك كل من هو يحاكيك

وان بار حظك كلٍّ يكذب مقالك=وتصير كذبات الملا كلّها فيك

وان جاد حظك بالمنازل بنا لك=قصر رفيع شامخ الطول يذريك

وان بار حظك خلاك تنقل عيالك=من دار الى دار والآخر يجلّيك

وان جاد حظك كل شي صفا لك=وقرايب الخلان كلن يصافيك

وان بارحظك ضلّيت ما أخذ بحالك=ولا بفنجال من البن يسقيك

وان جاد حظك قام واطلق عقالك=ومشى معك في كل دار يباريك

وان بار حظك قيّد وثنّى عقالك=وعن كل درب يردك ويثنيك

وان جاد حظك كل شي زهى لك=وتوّجك بتاج العز من غير تشكيك

وان بار حظك شيّن حلايا خيالك=الى اقبلت من كل عين تراعيك

وان جاد حظك كل شي سنا لك=يوضي كما القنديل نوره يقدّيك

وان بار حظك خلاك تتبع ظلالك=مالك دليل تايه الراي يعميك [/poem]

منـــــــــــــــــــــقو ل