عليش2 عليش2 عليش2

في هذا اليوم استيقظ عليش مبكراً نشيطاً فرحا لانه يوم الذكرى الخامسه لزواجه ... وافطر كما لم يفطر من قبل وذهب الى
عمله سعيداً وهو يردد.. اه من الحب وسيرة الحب .. اخر مره تحب ياقلبي واخر مره تذوووووب !!!!!
دخل المكتب سلم على الزملاء ..قالوا وش فيك سعيد اليوم ..قال باين عليه ..اليوم ياشباب اكملت الخمس سنوات الاولى من

حياتي الزوجيه ..قالوا ماشاءالله مبروك ياعليش كيف تحملت زوجتك طختك هذي طوال هذه السنيين ........

قال الشرهه ماهي عليكم على الي يعلمكم بالتواريخ المهمه في حياته اصلاً انتم جلوووووف ..ايش الي عرفكم الرومانسيه والاتيكيت

.. انتم لوتعرفون قد ايش الحاجات هذي مهمه للحياه الزوجيه ..واثارها الايجابيـــــــــــه ..

نط واحد من الزملاء قال اخس ياراعي الاتكيت والايجابيه اقول يالحبيب قم الله لايهينك كلم المدير!!


سأل عنك قبل شوي ..قال بالله ايش عنده الله يستر هذا المدير خير مامن خير والشر عجل فيه اللهم اجعله خير ..نط واحد من

الزملاء قال شكله بيبارك لك .. ههههههههه .. قال عليش تنكت انت وشكلك هذا وقته ؟

توجه عليش الى مكتب المدير ووجد السكرتير في وجهه ..قال خير ان شاء الله المدير ويش يبقى ماتدري ..قال السكرتير فيه ناس

مترقيين ومنتدبيين يمكن عشان كذا ..قال عليش والله ماوجه مديرنا والعلوم الطيبه هذي .. ممكن ادخل عليه قاله السكرتيرتفضل ..

دخل عليش سلم على المدير قال ارتاح ياولدي .. يؤسفني ياعليش ابلغك بقرار نقلك الى فرع الاداره بجيزان للمصلحه العامه ..

قال عليش تكفى ياسعادة المدير والي يرحم والديك دبرها .. قال والله ياولدي ما لها دبره عندي قوم اذلف خلص اجراءات نقلك

والله يستر عليك ..واستر ماواجهت ياعليش ياولدي ان جاء منا قصور والا شئ ..رجع عليش

المكتب وجهه متغير وحالته حاله قالوا اخوياه اشفيك ياعليش قال والله نقلت للاداره في جيزان استروا ماوجهتم وسامحوني !!!

لاياشيخ بالله تتكلم من جد ياعليش قال وهيا عاد فيها مزح .. انا تعبان استأذنكم ذلحين وبكره ان شاءالله ارجع اخلص الاجراءات

رجع عليش للبيت وقال للحرمه جهزي عفشك الي يبقاله تريلا ترينا نقلنا ديرة الفل والكادي ..قالت الله يسعدك لبنان قال ديره ماتفرق
عنها كثير جيزان ....
راح عليش لموقف الشاحنات عشان يستأجر شاحنه لعفشه بيشحنه لجيزان .. كم ياولد تؤدون عفشي لجيزان الي يقول 5000

والي يقول 4000الاف ياولد وش العلم هذا انا ابشحن عفشي اليمن ...قالوا وصلت يالحبيب مابقي شئ كلها كم كيلوا ويالله بحبٌ

الخشوم لقي شاحنه 3500 تواعد مع صاحبها يوم الخميس .. رجع البيت دين امه قافل من النقل والغثى هذا كله جيزااااااااااااااااان


مالقيوا ديره اقرب الله المستعان دخل البيت الاغراض مكركبه في كل زاويه .. قالت الحرمه ياعليش فين الكراتين والجرايد الله ياخذك

انا من يوم صحيت وشفتك ابتحتفل يعيد زواجنا على غير العاده وانا قلبي ناقزني منك ومن رومانسيتك..قال ايش ابنحتفل الليله بعيد زواجنا !!
عز الله احتفلوبنا مزبوووووووووووووووووط .. احتفالية العمر ياحبيبي تموت ماتنساها .

دق جرس الباب ..فتح عليش الجيران خدمه شئ ياعليش ناقصك شئ قال ايو الله تكفو ن جرائد وكراتين ..قالوا ابشر مشينا يالربع وهات يالف

على البقالات والسوبرماركات .. وبراميل الزباله ...رجعوا بالكراتين لعليش ..وقالوا ياجار لاتنسى واجبك ليلة الجمعه قال ان شاءالله

هذا الي فالحين فيه كل ماسكن واحد والا نقل ..قطيتم وهات يامفاطيح ...وعزائم .. رزق المهبل على المجانيين !!!!!!!!!

خلص عليش اجراءات النقل من العمل .. وسلم على الزملاء قالوا ياعليش .. ترى هذا درع تذكاري وقلم صيني هديه من زملائك في العمل

والله يستر عليك لاتنسانا الجوالات معاك هيا مالك عذر خير ان شاءالله ..رجع للبيت وفي الطريق مر مكتب العقار يبقى يسلم الشقه ..كم التاريخ اليوم

23 يعني باقي سبعه أيام من الشهر كملها ياعليش والا ادفعها والله يستر عليك ..يالربع حرام اجل تضيع علينا باقي الشهر ..وجيب فاتورة مخالصه للكهرباء

وبيمرك صاحب البيت بعد شوي يشيك عليه خير ان شاءالله .. جاء صاحب البيت ياعليش ياخوك انت مكسر في البيبان والجدران محفرها واللمبات الله

لايهينك تضرب بويه وتغيير اللمبات المكسره .. واستلم البيت منك !!!!



عليش ياعمي ايش الكلام هذا هو مافي البلد حكومه والا ايش ..انا ساكن خمس سنوات ماحطيت في بيتك ريال بس تلهف في الايجار وذلحين شايفني مزنوق

ومنقول تبقى تلهفني كمان والله ريال واحد ماتأخذ ... تدخل الجيران واهل الخير واصلحوا بينهم يدفع عليش غرامه الف ريال لصاحب البيت ..دفعها

عليش وهو يردد حسبنا الله ونعم الوكيل ....غادر عليش وعائلته الموقره الى جيزان عن طريق مطار الملك عبدالعزيز الدولي بجده سعر التذكره للفرد

الواحد 700 ذهاباً فقط وعائلته خمسه أشخاص 3500ريال يعني راتب شهر اضف عليه شحن العفش وخلافه الناتج راتب الشهرين بدل نقل العفش طار ..

واخذ عليش يردد وهو في الجوووووووووووو نار ياحبيبي نار قربك ناااااااااااااااار بعدك ناااااااااااااااااااار ... !!!!!!!!!!!!!!!
وفي مطار جيزان استقبل بالفل والكادي .. صادف ذلك اليوم بدء عمل لجنة التنشيط السياحي بالمنطقه ..شعر بشئ من السعاده يغمره وقال والله الديره

هذي طيبه وعند خروجه من باب المطارلفحت وجهه الحراره والرطوبه .. وقال في نفسه اصبر وتحمل واخذ يردد ..بلادي وان جارت عليه عزيزة واستقل التاكسي الخاص باحدى شركات الليموزين بالمطارات ..ابقى البلد فندق ولاشقق مفروشه تكون كويسه للعوائل ..السائق فيه فنادق وشقق

على ام طريق وفيه فم بلد ..قال عليش وش الي احسن حي ام طريق والا حي ام بلد ..تدخل احد اعضاء لجنة التنشيط السياحي شاهد الموقف

قال ياضيفنا العزيز هذي ماهي أحياء يقصد تبقى على الخط والا داخل المدينه ..

قال عليش طيب قوله يوديني داخل البلد .. نزل الفندق استأجر غرفه اليوم ب300 ريال تعبان مافيه عرق ينبض!!!!!

حط راسه على المخده والتفت للمعزبه وقال تصبحون على خير انتي والعيال وكل عيد زواج ان شاء الله وانتي طيبه ...



والى اللقاء في يوميات قادمه

الله لايهينك أخوي ..رآعيهــا

ويسرني أن أكون أول من يعلق هنا

مبدع ياراعيها ..جميل جدا سلاسة سرد ، تعدد شخصيات،الحوار بين الشخصيات ، تناقل الأحداث.....أنت موهوب.

ولكن ...لماذا لاتكتب هذه القصص في مجلس القصص...صدقني جميلة وممتعه ومن ناحيتي أنا لم أندم على الدقائق التي قضيتها هنا معـك.

أنتظر ماتبقى من يوميات عليش

تحياتي

راعيها

قد تتعب ولا تجد ثمرا
قد تكتب ولا تجد ردا
قد تقول ولا تجد اذان
قد تعمل ولا تجد شكرا

لكن ستجد يوما

من لك يقرأ
بك يفخر
بعملك يشهد


اخي راعيها

اتعب على نفسك
ولا يهمك فأهم من المهم
ان تكسب نفسك وتغري غرورك

لا تنتظر منا القراها والتعليق
فنحن قوماً لا نقراء الا القليل



اخي راعيها

ان كنت تنتظر منا شكر فقد تجد
ولكن ان تريد نقدا . فتحملنا



اخي راعيها


اسمحلي ان اتكلم عن القصة
قد اكون خاطي ولكن ارى اني على صواب

اولا :

القصة القصيرة ً أوالاقصوصة

هي فن ولا احد يختلف في ذلك
ولكن لابد من التمهيد وهي المقدمة السلسة الخفيفة
التي تجرك دون شعور بالحبكة ويكون خروجك
ممهد للخاتمة , نستخرج منها الفائدة أو الهدف
الذي انت ترمي إليه ، حتى ولو اختفلنا في الهدف
فهذا يدل على قوة الاقصوصة .

ثانيا : لابد ان تبعد عن القلم الفكاهي لانه لا يفيد
القارئ ويجب انت تتوجه للقلم الساخر الذي يضع
مشهد من الحياة بطريقة ساخرة تحت أركان الاقصوصة



لو ما احبك ما كتب ها هنا

إلى هنا وإلى عوده باذن الله

	الله لايهينك أخوي ..رآعيهــا ويسرني أن أكون أول من يعلق هنا مبدع ياراعيها ..جميل جدا سلاسة سرد ، تعدد شخصيات،الحوار بين الشخصيات ، تناقل الأحداث.....أنت موهوب. ولكن ...لماذا لاتكتب هذه القصص في مجلس القصص...صدقني جميلة وممتعه ومن ناحيتي أنا لم أندم على الدقائق التي قضيتها هنا معـك. أنتظر ماتبقى من يوميات عليش تحياتي

شكراً اخي / عماد العبيدي

يكفيني ماتفضلت به فانت من النخبه

في نظري ,,, لان شعرك يخبر عنك

صدقني تعجز الكلمات .. امامك

	اسمحلي ان اتكلم عن القصة قد اكون خاطي ولكن ارى اني على صواب اولا : القصة القصيرة ً أوالاقصوصة هي فن ولا احد يختلف في ذلك ولكن لابد من التمهيد وهي المقدمة السلسة الخفيفة التي تجرك دون شعور بالحبكة ويكون خروجك ممهد للخاتمة , نستخرج منها الفائدة أو الهدف الذي انت ترمي إليه ، حتى ولو اختفلنا في الهدف فهذا يدل على قوة الاقصوصة . ثانيا : لابد ان تبعد عن القلم الفكاهي لانه لا يفيد القارئ ويجب انت تتوجه للقلم الساخر الذي يضع مشهد من الحياة بطريقة ساخرة تحت أركان الاقصوصة لو ما احبك ما كتب ها هنا إلى هنا وإلى عوده باذن الله

اشكرك اخي/افاق النسيم على مرورك اولاً

اما نقدك فعلى عيني وراسي

ولكن هل ترى انك تملك اسلحة النقد

بمافيه الكفايه ... انا حقيقة لم ارى نقداً

في كلامك ... سوى افكار تدور في مخيلتك وطرحتها

وهذه يوميات وهناك فرق بين القصه واليوميات وقد سبق

لي التطرق لذلك في مقدمة عليش الاولى ..

اما الفرق بين القلم الساخر والفكاهي فاعتقد ان ماكتبته هنا

كان ساخراً 100% وبيني وبينك النقاد .

واهلا بعودتك مجدداً .

الله الله عليك ياراعيها بيض الله وجهك وعلمك غانم والله يابو عبد العزيز

اسعدتنا ووسعت صدورنا الله يوسع صدرك

فعلا انت مبدع بلا مجاملة

كل الشكر لك وتقبل مروري

	الله الله عليك ياراعيها بيض الله وجهك وعلمك غانم والله يابو عبد العزيز اسعدتنا ووسعت صدورنا الله يوسع صدرك فعلا انت مبدع بلا مجاملة كل الشكر لك وتقبل مروري

وجهك ابيض / اخي احب ربعي

وهذا من طيبك الله يحفظك ..فانت مميز ومؤدب

في ردودك ومواضيعك ... مايهمنا انت وشرواك

حياك الله مرورك اثلج صدري اخي الكريم.

	تعلى ام طريق وفيه فم بلد

ههههههههههههههههههه

ابي أقول وبلا مبالغه

من أفضل كاتبي القصه القصيره والساخره

يوسف المصري ،، برناردشو ،، وراعيها

والله أنا حابه اقول شي واحد ياراعيها

الا يكفي أن نقول انت هنا ... تكتب مايرضينا !!

شكراً لقلمك المتوقد فكراً وروحاً واريحيه

وماعليك من أم هروج مالها مئنى = معنى << بالجيزاني

خخخخخخخخخخخ

تحيااااااتي أخي

	ههههههههههههههههههه ابي أقول وبلا مبالغه من أفضل كاتبي القصه القصيره والساخره يوسف المصري ،، برناردشو ،، وراعيها والله أنا حابه اقول شي واحد ياراعيها الا يكفي أن نقول انت هنا ... تكتب مايرضينا !! شكراً لقلمك المتوقد فكراً وروحاً واريحيه وماعليك من أم هروج مالها مئنى = معنى << بالجيزاني خخخخخخخخخخخ تحيااااااتي أخي

هههههههههه

هلا وغلا بالشامخه

انا اشهد انك شامخه

شهاده اعتز بها من اخت كريمه مثلك

يعجبني في الشخص ثقته في نفسه

وهذا ما اجده في شخصك الكريم

شاكرا ومقدرا لك المرور والتعليق

سلمت ياخي / راعيههههههههههههههها

مافيه كلمه افضل من مبدع ودي اقولها

رائعه بمعنى الكلمه في وقت نحن في حاجه لمثل ماتطرح

اخي الكريم شكرااااااا جزيلالالالالالالالالالالا لالالالالالالالالالا

انا اشهد انك راعيها والقصة جميلة

وانت نثرت ابداعك فأتى من يريد نقد ما كتبته وله الحق في ذلك وانت قد عقبت على رده وبينت له ولنا وجهة نظرك 00 نشكرك على رحابة صدرك ونتمنى منك المزيد 0

انا اشهد انك وافي يابو عبدالعزيز000






لكن تخيل لو تم نقلك لجيزان !! ماهي ردة فعلك؟؟

اترك لك التعليق

ماشاء الله عليك


والله إبداع ماله حدود


تسلم يمينك التي أجبرتني على المشاركة والرد


تحياتي أخي

ماشاء الله عليك


تسلم يمينك

	لكن تخيل لو تم نقلك لجيزان !! ماهي ردة فعلك؟؟

جيزان الله يكون في عونك

ههههههههههههههههه

الله يرج شيطان ياراعيها

استمتعنا بقراءة كل كلمة

يعطيك العافية

	سلمت ياخي / راعيههههههههههههههها مافيه كلمه افضل من مبدع ودي اقولها رائعه بمعنى الكلمه في وقت نحن في حاجه لمثل ماتطرح اخي الكريم شكرااااااا جزيلالالالالالالالالالالا لالالالالالالالالالا

هلا اخوي /ابو طلال

الله يكرمك ويسلمك يالغالي

شرفتني بمرورك الرائع