تنهيد ناي

السلام عليكم ورجمة الله وبركاته

تنهيد ناي / محمد السهلي


[poem=font="Arial,5,#0000ff,bold,normal" bkcolor="" bkimage="" border="none,1," type=2 line=0 align=center use=ex num="0,"]

جمّـع اللـي ودك تقولـه وبعثرنـي عتـب=الملامه شي عـادي دامهـا منـك وجـاي
أنت تامر وأنا ألبي مـا تبـي بليّـا سبـب=بس كان لجيّتي خاطـر تلبـي لـي رجـاي
رجوتي لا تلحق اعيونـك مشاريـه الهـدب=لا تضايقـه بدموعـك والتفاتتـك وخطـاي
كل شي الا دموعك واعرف انك من شطـب=صفحة الطيش بحياتي وابتدا صفحة شقـاي
سق فديتك كل ما تملك من جنون وغضـب=وابشر بصدرٍ يضمك حيل دام انـك هـواي
ولا رويت عتاب ناظرني وقل طاح الحطـب=واسأل شرايك وابنسج لك من الأعماق راي
باتناثر لك رضا واحساس صادق مـا كـذب=وأنت رتّبني على كيفك وشكلنـي برضـاي
وان تلعثم حضورك ثم نطّقنـي لـك تعـب=حاول انك تسمع أشواقي وسط تنهيـد نـاي
اسمع دموعه وقرّب لـي وقـرّب وأقتـرب=واسألأ عيوني عن طيوفك وقصتهـا معـاي
كيف كانت في غيابك فجأه تطري واغتـرب=اركض لمنفى خيالي وارمـي الواقـع وراي
اوجدك ما بيني وبيني واسولف لك واشـب=ليلة حضورك قصايد تشتكي لك من عنـاي
آآآه لا منه بزغ فجـر الحقيقـه وانسحـب=طيفك اللي ساكن عيوني وضاقت بي سماي
وقتها ليتك تحس شعور من حظـه ضـرب=اخر آماله بعـرض الهـم والوحـده مـداي
اكتشف وشلون يموت الصوت برماح الطرب=لحظةٍ جيـت أتغنـا بـك وعاندنـي غنـاي
واكتشف كيف السهل فجأه يتحول لي صعب=لا نويت ابكيك ثـم أزريـت القابـي بكـاي
أقسم بربي وربك فينـي احسـاسٍ غصـب=كل كلي في غيابـك ينجـذب لـك ياهنـاي
ما نسيتك لو نسى التاريـخ أمجـاد العـرب=وما تركتك الا بين ضلوع صدري وبحشـاي
لأنك أكبر من غلا الشاعر لآخر مـا كتـب=ولأنك أقرب لي من سكوتي اذا عانق شفاي
ولأنك أول من تمكن بـي وعلمنـي أحـب=ولأنك الشخص الوحيد اللي يجي في مستواي
صاحبي جمع كلامـك ثـم بعثرنـي عتـب=والله أن كل شي عادي لا غدى منك وجـاي [/poem]

وعليكم السلام ورحمة الله وبركاته

آآآه لا مـنـه بــزغ فـجـر الحقيـقـه وانسـحـب
طيفك اللي ساكن عيوني وضاقت بـي سمـاي

هذا التصوير ممتع ..
وكل القصيدة مميزة .

ذائقة جميلة أختنا مسك ..وشكرانا موصول للشاعر السهلي ..

ننتظر الجديد ..

	المشاركة الأصلية كتبت بواسطة مشعل الهذلي

	وعليكم السلام ورحمة الله وبركاته آآآه لا مـنـه بــزغ فـجـر الحقيـقـه وانسـحـب طيفك اللي ساكن عيوني وضاقت بـي سمـاي هذا التصوير ممتع .. وكل القصيدة مميزة . ذائقة جميلة أختنا مسك ..وشكرانا موصول للشاعر السهلي .. ننتظر الجديد ..

تشكر عالمرور يااستاذ
تقديري وتحياتي

ياهلا بمســكـ

نقل مميز وشاعر مميز مثل الســهلي امتعيني بالقراءة

الله يوفقك يامســكـ

تحياتي

	المشاركة الأصلية كتبت بواسطة عماد معتوق العبيدي

	ياهلا بمســكـ نقل مميز وشاعر مميز مثل الســهلي امتعيني بالقراءة الله يوفقك يامســكـ تحياتي

ويوفقك يارب شكراً لك

ينطيك العافيه مسكـ

تقبل مروري

	المشاركة الأصلية كتبت بواسطة مطلق هذيل

	ينطيك العافيه مسكـ تقبل مروري

يعافيك ربي وياهلا