إهدااااااااء لمتذوقي شعر النخبة ...................

السلام عليكم ورحمة الله وبركاته

بما انني نقلت لكم خبر مشاركة شاعرنا بمهرجان الجنادريه اجدها فرصه ان انقل لكم إحدى قصائده والتي اعدها بمناسبة عودة خادم الحرمين الى ارض الوطن سالم معافى

اترككم مع القصيده ولكم الحكم والتعليق ...

اخوكم

[poem=font="traditional arabic,6,darkblue,bold,italic" bkcolor="transparent" bkimage="http://www.hothle.com/vb/mwaextraedit4/backgrounds/196.gif" border="inset,5,sienna" type=1 line=0 align=center use=ex num="0,black""]

تذعذع صبا وإلا عوالي يا صحرا التيه =على طور سينا مات فرعون متواسي
نهاية طريقٍ ما عرف لوحة التنويه =مصارع لقومٍ مارسوا كتم الانفاسي
يا شين الطريق إليا اعتدل والتوى تاليه =ويازين عدل الميل لو الزمن قاسي
وش اللي حصل بين إلزم الصمت وبن آخيه =وصارت شعوب المنطقة تضرس اضراسي
وهذا كلامٍ لانريده ولا نبغيه =وكثره يزعُل عمر ويضيم عباسِ
ومن يتبع المخطي ويرضى بما يرضيه =علومه تصير أرباع واخماسي و اسداسي
على وين يا من يدّعي الطهر و التنزيه =وذنبه على شعبه عدد رمل الأطعاسي
بوجهه علامات المرض ربنا يشفيه = يدوّن بقرطاسي ويحذف بقرطاسي
ولو جمّع الألقاب , ما ظنتي تكفيه =و قد قيل يا مخبلك يا طابخ الفاسي
وغيره بلابل بلبلوا بالبلاء تسفيه = تبلبل على قل السنع والتغطراسي
ومن عاش يدرك ما نقوله وما نعنيه =و اثر قصة كليب التغالب وجساسي
ولا هو تشفي لا بذولا ولا ذوليه =عسى الله يفرجها على كل الاجناسي
وللي يدور بخاطري نلفت التنبيه =ومرسل على من يحفظ السر عساسي
غرامي وسلوة خاطري من على طاريه =طراة القلوب وينجلي الهم و الياسي
ليوم الفرح تهدى التهاني لمن نهديه =مشاعر على النية , سليمة لها ساسي
وبشرى رجوعه بالسلامة آمل نجنيه =وحمداً لمن بأمره جلا كل خرماسي
ملكنا وصل يوم ان غيره ترك كرسيه =وكرسي ابو متعب على عادته راسي
مثبت بشرع الله بعد ما تمسك فيه=ولا خاب من هو ياخذ الشرع نبراسي
ولو غاب مهما غاب لابد من تشبيه=يبيّن مدى حبه لدى ساير الناسي
غيابه عن الشعب السعودي مبالغ فيه =لكونه يعيش قلوب ويعطر أنفاسي
وحبه طبيعي مثل حب الولد لأبيه =ليا جيت اوصّف له شعوري والاحساسي
وهذا شعور الكل لاريا ولا تمويه =امانه معي واحمل ثقلها بهوجاسي
و أخص الرجال اللي زبون الوفا توفيه =ولو كان ما نلحق جزا كل قرناسي
هدفنا هدف سامي وما يسعده نشريه = وكل العلوم الغانمه ترفع الراسي
تجمّع قبائل ودها الطيب يا راعيه=بفرحة رجوعك بالسلامة , غدا الباسي
نظامي تجمُّعنا على العز والتوجيه =من أمير حكمه عدل , ويعين ويواسي
وربعي تحت راية معزي عزاز وجييه = تحت راية التوحيد مثل الجبل راسي
ولا أنسى اشركانا , واجبي و اتشرّف فيه =بعد شرفونا لابة الدرع والطاسي
هلا مرحبا ترحيب عاني حمى عانيه =وترحيب جيره قدرها أغلا من الماسي
بمحفل فرحنا بالملك ربنا يحييه =حياةٍ كريمه ما بها هم و اتعاسي
لنا حق نفرح وانتحلاّ بما يرضيه =تبادل مشاعر ما لها وصف و اقياسي[/poem]

صح لسان عطالله... شاعر جزل كماعودنا

وبيض الله وجهك يا خلف على النقل والاهداء

صح لسان الشاعر الكبير عطا الله القارحي قصيده جزله من شاعر جزل

شكراً على النقل ياخلف

تحياتي

	المشاركة الأصلية كتبت بواسطة قرناس بني ياس

	صح لسان عطالله... شاعر جزل كماعودنا وبيض الله وجهك يا خلف على النقل والاهداء

صح بدناك
و وجهك ابيض

اخوك

صح لسان الشاعر الكبير عطا الله القارحي وبيض الله وجهه
وشكرا جزيلا أخي الكريم على نقل هذه الدرة الفاخرة

هذا المطلع مبدع جدا ً

تـذعــذع صـبــا وإلا عــوالــي يــــا صــحــرا الـتـيــه..

وعطا الله شاعر كبير ما يحتاج كلام

صح لسان الشاعر الكبير عطالله القارحي

صح الله الله لسان الشاعر

ومشكور أخوي خلف القارحي