من مسعودية تبوك إلى كل هذلي عاقل منصف

بذكر الله والينا رب الإنس ورب الجان

أبدأ ياهَلْ الحكمة واطلب منه التيسير

أبكتب ياهلي وربعي أبكتب ماجرى وماكان

ولا أبغى أبد منكم سوى الإنصاف والتفكير

أبكتب ماقريت وليت ندعي لكاتبه ياخْوَان

إله الكون يفزع له ويعمر داخله بالخير

كتب أقوال مغلوطة تشيِّب أصغر الولدان

تقض المضجع الهاني ومنها نومنا بيطير

كتب ياويله من ربه كلامن معظمه بهتان

و لَنْ فْخَاطِرَه حاجة جمع مع كذبه التزوير

حقايق واضحة كالشمس بظلمه حاول النكران

عمد وعيونه أعماها بظنه أحسن التدبير ؟!!

جهل ما قاله الصادق جهل أو صابه النسيان

نعوذ بربنا منه ومن نزغات هالتغرير

سباب المسلم فسوقن وهو صاير لنا لعان

يبطي ويبطي ثم يبطي وأهدافه أبد ماتصير

ومن يرضى بلعنة الباري وملائكته وابن إنسان

بغيتوها لنا ياهيه بنسبتكم لنا للغير

أنا بطبعي ماعَرْف اللوم ولا أشره على إنسان

أنا طبعي هداوة ذات ممزوجة بصدق كبير

أنا ماشْرَهْ على العُقَّال فما بالك على الخبلان

لأن الكذب صنعتهم فهم يبدون بليَّا ضمير

يا ناشد عن هلي وربعي ترى حنا نعم هذلان

بني مسعود أهل الجود تاجي يا دعاة الخير

عسى التوفيق قسمتكم ومنحتكم من الرحمن

وعسى الله يشغل الكذاب بنفسه عن أمور الغير

وحريصة البنت ماتنسى سلوم أجدادها البدوان

تحشم اللي حشم نفسه وسِمَى بذاته عن التقصير

رفعها عن سفيه القول و وقَّف ماقَف الشُّجعان

وصدع بالحق وأعلنها وبعدها ما يصير يصير

" يا ناشد عن بني مسعود ترى همَّ نعم هذلان "

بني مسعود أهل الجود والنخوة وجيه الخير

ويا ناشد عن هلي وربعي ترى حنا نعم هذلان

بني مسعود أهل الجود تاجي يا دعاة الخير

عسى التوفيق قسمتكم ومنحتكم من الرحمن

وعسى الله يشغل الكذاب بنفسه عن أمور الغير