حانت الفزعه يا هذيل - ::{ مجالس قبيلة هذيل }:: موقع يهتم بتراث القبيلة ومفاخرها

07-15-2008, 03:35 PM

فات الكثير وما بقى الا ساعه...والسيف عيبن سلته وارجاعه
عيبن على منهو تعللى يطمن.....ولا ينفع الرجال كود ذراعـه
يا لابتي ياللي الحميـا فيكـم.....تشعط مثل خرقه لقت ولاعـه
هذلان ما فينا بخيل وحاسـد...ربعن على كسب العلااا طماعه
ظفران يوم انه نخانـا حامد.........عهدن علينا نرفعه من قاعـه

ولايهون الشاعر الكبير عبيد الله ولاكن الاقرب
لتصويت حامد
.
.
.
.
.
.
.
الذيب

07-15-2008, 04:55 PM


	المشاركة الأصلية كتبت بواسطة الذيب


	ظفران يوم انه نخانـا حامد.........عهدن علينا نرفعه من قاعـه الذيب

و الله يالذيب هذا البيت الأخير مررررررررة ما حبيته

عمر حامد ولاّ عبيدالله كانوا في القاع

هم في القمة دائماااااااااااااااا

لا هنت ع الأبيات الباعثة في نفوسنا الحماس

07-15-2008, 05:12 PM

إسمحلي بالمجاراة ببيتين

دقت نواقيس الخطر في الساعة ....... كلن يذيعِ لنا الخبر في إيذاعة
و الفوز قرب و المسافة خطوة .......... و إرماح في صدر العدو و أطماعة

07-15-2008, 11:35 PM

الله الله يالذيب صح السانك وبيض الله وجهك على هذه الحميه

واتفق مع اخوي المحارب فيما قاله

ننتظر جديدك يالذيب

لك احترامي

07-16-2008, 12:02 AM

ظفران يوم انه نخانـا حامد ,,, يحرم علينا نرخي السماعة

يعني اتصالات على طول

07-16-2008, 02:01 AM


	تشعط مثل خرقه لقت ولاعـه

هذا مدح ولا ذم ياشاعرنا؟؟؟

07-16-2008, 05:05 AM

السلام عليكم ورحمة الله وبركاته

لاهنت يالمحارب لكن مثل ماتفضل المحارب وأخي فواز خانك التعبير قليلا لكن صح لسانك وبالتوفيق لشعارنا

تحياتي