على المسعودي الرحمه

بسم الله الرحمن الرحيم
هذه قصيده للشاعر عيضة عطية سالم الحارثي يتمنى ان عميد شعراء المحاوره الشاعر عبدالله المزيدي المسعودي الهذلي ان يعود للحياه من جديد ويشوف حال شعر المحاوره بعد رحيله عنها تابعوا القصيده



على المسعودي الرحمه من اللي يملك الرحمات
عسى الله يرحمه ويحط له فالخلد منزالي
حزنا عند موته والحزن ماينفع اللي مات
ولا نملك سوى دعوه لواحد ميت بالي
دعينا له وندعي له عسى الله يقبل الدعوات
ويدعي له بعدنا فالجزيره جملة اجيالي
ذكرته يوم شفنا صورته واسمه على الصفحات
ذكرت الشاعر اللي صار شعره مضرب امثالي
ذكرت الشاعر اللي رافع نفسه عن الهفوات
عشيق للملاعب مايجيبه كل خيالي
والا ليت عبدالله حي ويحضر الساحات
يشوف اللي نشوفه من علوم خفاف واثقالي
يشوف القلطه اللي بعد موته ترسل العبرات
على وجناتها دمع من العينين همالي
يشوف القلطه اللي تذكر الشعار واللي فات
تصيح وتشتكي وتقول انا في حال يرثالي
يشوف الشاعر اللي في قصيده يحي النعرات
ويشوف الشاعر اللي يخلط الهيّن مع الغالي
يشوف الشاعر اللي همه الجمهور والضحكات
يدفونه لهرج عيب بين الناس ينقالي
يشوف الشاعر اللي همه المردود والشيكات
يسافر لاجلها لو كان في مخرم خلي خالي
يشوف الشاعر اللي ما رفع نفسه عن الزلات
ويشوف السامري عود هجيني وموالي
يشوف اللي ليا سمع الشتيمه يرفع الاصوات
ينادي عيد عيد ابصوته اللي مرتفع عالي
يشوف ولايشوف الا علوم جلها حسرات
ويقارن بين شعر الاولين وشعرنا التالي
وانا ما قلته الا بعد شفنا كثرة الغلطات
وعبدالله ماهو ولد عمي ولا خالي
هذاه اللي نشوفه مايبي له يالرجال اثبات
ومن يحضر الساحات ذاق المر والحالي
واملنا في الكريم بلطفه يصلح النيات
يغير حالة الساحات من حال ليا حالي
وانا ما اخص واحد وانقده بين العرب بالذات
ومايطري على بال العرب يطري على بالي

الله يرحمه ويرحم أموات المسلمين

وأبشرك خليفته إن شاء الله حامد القارحي

الله يعطيك العافيه يامساعد

السلام عليكم ورحمة الله وبركاته

الله يرحم عبدالله المسعودي ويتجاوز عنه

والحارثي كان رائع في قصيدته واعطى وصف دقيق لحالة المحاورة في وقتنا

وشكرا لك اخي مساعد الهذلي

الله يرحمه رحمة واسعه

وشكرا يا مساعد

الله يرحم عبدالله المسعودي

وعز الله ان الحارثي قال الصدق في وصفة لحالة المحاوره في الوقت الحالي