" واللي فقد طاقيته يطرد ورى طاقيته " محمد المسعودي الهذلي وبخيت السناني - ::{ مجالس قبيلة هذيل }:: موقع يهتم بتراث القبيلة ومفاخرها

09-23-2008, 03:30 AM

السلام عليكم ورحمة الله وبركاته

محاورة مميزة بين شاعرين رائعين وغنيين عن التعريف الشاعر محمد المسعودي والشاعر بخيت السناني ،،، أترك لكم الإستمتاع والقراءة وأعدكم بعون الله بالإستماع لها قريباً:

؛؛؛

محمد المسعودي:

يامرحبا باسم الرجال اللي لهم سمعه وصيت
ترحيبـة يقـلـط بـهـا الخـاطـر وتسـمـح نيـتـه
انـا ليـا شفـت الرجـال اقـول ويـنـك يابخـيـت
يـــوم اللـيـالـي لـيـلـة حـيــه ولـيـلـه مـيـتــه

بخيت السناني:

ابقاكـم الله ياهذيـل اللـي دعيتـونـي وجـيـت
يـاقـوم لاجـاكـم مـسـيـر تـفـرحـون بجـيـتـه
انا مع التجار في سوق الذهب بعت وشريت
ماني سوات اللي يصيبه شك في شخصيتـه

محمد:

الله يـذكـرك الشـهـاده يالسـنـانـي مانـسـيـت
راعـي ونعـم وكـل راعــي مكتـلـف برعيـتـه
الناس لقيوا وانت ياراع الذهب رحت ولقيت
والـلـي فـقـد طاقيـتـه يـطــرد ورى طاقـيـتـه

بخيت:

الوقت الأقشر قام يشتال الذهب من كل بيت
لـكـن أنــا مـانـي وكـيـل آدم عـلــى ذريـتــه
انا لقيت الشيعي اللي حط سحـره فالكويـت
وده عـسـى لبـنـان مايبـكـي عـلـى غنـيـتـه

محمد:

المعرض اللي عارض له جمس مصدوم ونيت
لاجــمــل الله حــــال قــــوم تـمـمــوا حـريـتــه
العلـم وصلـك مـن قريـب وادر ياللـي مادريـت
هــذاك نـعـرف حسنـتـه هــذاك نـعـرف سـيـتـه

بخيت:

إن ماغزيت الشرق يابو زيـد كنـك ماغزيـت
وتشـوف راع المعـرض اللـي زايـده جنيـتـه
بالله ياكاتب عدل فوق الصحايف وش قريت
انتـه تحـرر لـك صحايـف والصكـوك مبيتـه

محمد:

انا كسبت الأفضليه بالحرم طفت وسعيـت
راع الـعـواري ماتربـيـنـا عـلــى عـاريـتـه
قريت موجز واقتنعت عن القضيه كمبليت
خليتهـا للـي علـى كتفـه يشـيـل عصيـتـه

بخيت:

الظـاهـر إنــك يالهـذيـلـي لاطـــواف ولا مـبـيـت
لـكــن دور لـــك جـبــل شـامــخ و نـــام بفـيـتـه
ترى الجبل كله خطر وإن كان شاء الله ثم شيت
أمــــا ذبـحـنــا عـقــربــه ولا ذبـحــنــا حـيــتــه

؛؛
للأمانة منقول من منتديات محمد المسعودي ( منتديات عذب القصيد الأدبية )

اترككم في حفظ الله

09-23-2008, 07:01 AM

صحت السنتهم

والشاعر محمد المسعودي عجيب وغريب امره مع انه يمتلك شاعريه قويه الا انه مبتعد تماما

وكل شاعر يقابله يصاب بدهشه غريبه ويتسال اين هذا الشاعر من الشهره ؟؟؟

مطرفي مشكور وبيض الله وجهك

09-23-2008, 07:14 AM

مشكور اخوي مطرفي الدلم على نقل هذه المحاورة الجميلة والقوية في معانيها
فاالشاعرين محمدالمسعودي وبخيت السناني شاعرين كبيرين لهم ثقلهم على الساحة الشعرية

09-23-2008, 06:30 PM


	المشاركة الأصلية كتبت بواسطة مساعد الهذلي


	صحت السنتهم والشاعر محمد المسعودي عجيب وغريب امره مع انه يمتلك شاعريه قويه الا انه مبتعد تماما وكل شاعر يقابله يصاب بدهشه غريبه ويتسال اين هذا الشاعر من الشهره ؟؟؟ مطرفي مشكور وبيض الله وجهك

والله يامساعد الكل يعلم أن الشاعر محمد المسعودي من أخطر شعراء المحاورة لكن ابتعادة عن الساحة سبب لنا مشكلة ونرجوا أن يتواجد بشكل قوي .

تحياتي .

09-25-2008, 12:18 AM

بيض الله وجهك أخوي مطرفي الدلم على نقلك الجميل

وللمعلومية

هذي المحاوره كانت في زواج الشاعر الشاب / سلطان بن حمود بن عايش سودا المطرفي الهذلي

تقبل مروري

09-25-2008, 05:06 AM


	المشاركة الأصلية كتبت بواسطة أبو مطرف


	بيض الله وجهك أخوي مطرفي الدلم على نقلك الجميل وللمعلومية هذي المحاوره كانت في زواج الشاعر الشاب / سلطان بن حمود بن عايش سودا المطرفي الهذلي تقبل مروري

وجهك أبيض طال عمرك .

ومايحتاج المحاورة معروفة انها في زواج سلطان بن حمود وكان صقر سليم موجود .

تحياتي .

10-06-2008, 11:47 PM

بيض الله وجهك يامطرفي الله يعطيك العافيه
والى الامااااااااااااااااااااا اااااام

10-08-2008, 09:58 PM


	المشاركة الأصلية كتبت بواسطة أمير هذيل


	بيض الله وجهك يامطرفي الله يعطيك العافيه والى الامااااااااااااااااااااا اااااام

وجهك أبيض طال عمرك .

تحياتي .