قصيده رائعه

البندق العوجـا ياجعـل اللـي نقلهـا للهيّـب
كانهـا تعفـي الطرايـد ماتـصّـوب ظلّـهـا
ولو كان كل ما هي تثور يزلزل الصوت الشعيب
الاسيـره .. صوتهـا يزعجـك تبغـى حلّهـا
المطالـب بالفعايـل ماهـي بصـوت ونحيـب
والا كـان أرقـى الطويلـه والعلـوم أهلّهـا
والمطالب لوّهـا بلحـن القصايـد والسبيـب*
لا أجر قوسـك يالربابـه والطـروق أشلّهـا
واردد بكار البيوت اللـي لهـا العقـل اللبيـب
يثور .. يستنفـر عروقـه دقّهـا مـع جلّهـا
لكنها الضيقه.. حدتني أجلب أعماقـي واجيـب
بعض صيحات الطعون اللـي ضميـري مَلّهـا
مِل عينٍ كل مـا يطـري حبيـبٍ مـع حبيـب
أذرفـت دمـع القهـر يـا مِلّهـا يـا مِلهّـا
ومل جوفٍ به خفوقٍ من عنا الفرقـا صويـب
خطِر يتزحزح مـن مكانـه والضلـوع يفلّهـا
ثلاثة أعوامٍ توالت مـن طبيـب إلـى طبيـب
محدٍ عرف نفسي يا ويش اللي بها وش علّهـا
ثلاثـة أعـوامٍ عجـافٍ لا نديـم ولا صحيـب
عرف يحلـل حالتـي والكبـد يِبـرد غلّهـا ؟
احدٍ يجي وده يشور ويقول لي ف الصبر طيب!
هو مادرى .؟ مل الصبر والنفس ملّـت كلّهـا
دلال صبري قد فضت ماعاد به كـود السريـب
والنفـس جـرّات الحـزن تفننـت فـي تلّهـا
لا واوجودي وجد حالي وجد من راسه طليـب
عشر سنواتٍ والكـرى ذي لّذتـه مـا دلّهـا
عشر سنواتٍ مااهتنا جالي وفي جال الغريـب
مخفي اسمه والعروق اللي الدنـس مـا بلّهـا
متحضن سلاحه ِقبلْ من الشروق إلى المغيـب
يمناه ب زنـاده ولـو ان الدهـر قـد شلّهـا
والقلب دقاته تـزود مـن الحـذر ولا يهيـب
والبـال صـوب ديارهـم الذكريـات يصلّهـا
مير الله يعينـه ويعيـن اللـي تعـلا بالقنيـب
على الذي اقفى ويوم اقفـى الضوامـر سلّهـا