قصيدة كتابية وصوتية .. مجاراة لقصيدة الشاعر .. مشعل الهذلي ( 1000 ×5 )

كما يعلم الجميع .. القصيدة التاليه لشاعرنا الجميل مشعل الهذلي

.. .. قصيدة مشعل الهذلي ..

[frame="1 50"][poem=font="Simplified Arabic,5,#00008b,normal,normal" bkcolor="" bkimage="" border="none,1," type=1 line=0 align=center use=ex num="0,"]
1000×5 وجا قاف(ن) جديد =وزنها عند الرجال الغانمين
ماحضرت ألا بفيد وبستفيد= يابني عمي عساكم سالمين
ياهذيل العرف والراي السديد= يامطوعة الصعب حتى يلين
ياهل الوقفات فاليوم الشديد =درع بيت الله والحصن الحصين
عسكر البارود والمجد التليد =وامتداد للـــجدود الاوليــن
حربنا معروف من نار وحديد=نلتزم بالله وبالله نستعين
الشبل في سلمنا يعني عقيد= والعقيد فـ سلمنا ماله قرين
يعني ابن هذل لو انه وليد = ياخذ ويعطي ولا يبغى ضمين
اجتمعنا من قريب ومن بعيد= وماتغيرنا على طول السنين
مجدنا ناصع كما الثوب الجديد =ومن نشد عنا ترانا حاضرين
مزبن المحتاج وملوك القصيد =وماخضعنا الا لرب العالمين
ودام للاموال والشهرة عبيد= ماعبدنا الا الله الفريد المعين
ومن يموت بلا ذِكر ماهو فقيد= الفقيد اللي كسب دنيا ودين
وماينقص بالرجال الا البليد =ولو يشين الوقت تاليها تزين [/poem][/frame]

وقد حاولت مجاراتها بقصيدة متواضعه أتمنى أن تنال استحسان الجميع .. والمعذرة إن لم ترتق لذائقتكم ..
و الخمسة أبيات الأولى هي إهداء خاص لأخي مشعل الهذلي .. والقصيدة بكاملها هي هدية أولى ..
لكل ابناء عمومتي من هذيل .. ولكل متذوقي الشعر ..

قصيدتي .. ( حمدي الهذلي ) ..

[frame="1 50"][poem=font="Simplified Arabic,5,#00008b,normal,normal" bkcolor="" bkimage="" border="none,1," type=1 line=0 align=center use=ex num="0,"]

1000 × 5 فرايد من فريد= بالذهب تُوزَن بعرف الفاهمين
مدرسة آداب واخلاق وقصيد= سيرتك متبريه من كل شين
في حضورك من حضورك نستزيد = وفي غيابك لو حضرنا ناقصين
كلما اقفى عقد وَلـْنـا معْك عيد = كنّـه شهر الصوم واحنا الصايمين
وبعد وزن عقود مشعِـلها وقيد = بالذهب والماس والدر الثمين
برفع المبنى على الساس الجويد = وفيه اقلّط منجزات ومنجِـزين
لابتي يالّـلي لها قصرن مَشِيد = الثريا والثرى لهْ حاضنين
باتجاهه غصب يُلوى كل جيد = سيرته يطرب لها مَسْـمَع وعين
يا هذيل المعرفه علماً أكيد = تنطق افعالاً ويشهد منصفين
للأدب قاده .. لقوم الشعر سِـيْد = للبلاغه للغه لساناً مُـبين
والدليل انْ كُـلْ من ودّه يجيد = يتجه لديارنا في كل حين
للمكارم قبله يقصدها العديد = للكرم محراب خلفه مُـكْـرِمِـين
والشعار الْيا غدتْ وعد وعيد = ياهلا يامرحبا شوق وحنين
الشجاعه دم يجري في الوريد = والردى فنجال في اليد اليمين
من جَلَدْنا عن مسمّانا نزيد = أننا اكراد العرب يا جاهلين
طفلنا لامن وُلِد ماله نديد = تسعةْ اشهر كنّها تسعاً سنين
بالفعايل شيخ في صورة وليد = وانْ حضر مجلس حكيم الحاضرين
وشيخنا لو باد ذكره مايبيد = سيرته حيه مابين الذاكرين
والعُذُر للطلع من غصن النشيد = هُو سؤال وجابته في جملتين
يسأل الحاضر عن الماضي المجيد = قلت يا نفسي كفى لا تسألين
عادة التاريخ لاحْداثه يعيد = وكل وقت ولهْ أذان وسامعين
والذي عنده من افعاله رصيد = ماحسب مَـدّة يدين السائــلين

[/poem][/frame]

للإستماع للقصيدة صوتياً .. افتح ملف الفلاش التالي
[flash=http://www.zshare.net/audio/51253366c3440008/]********************=300 ************************=250[/flash]

المعذرة لرداءة الصوت .. والجود من الماجود .. ودمتم في حفظ الله ..

أخوكم .. حمدي الحميدي الهذلي ( الطائف )