محاورة بين حماس وأبو جود

كل عام وانتم بخير قبل أي شي

ومن العايديـن

هذا طال عمركم أبو جود خويي وتمت هذي المحاورة بيننا

أرجو أن تنال اعجابكم



أبو جود
سلامي سلام للمطاليق نبداه .. هل العرف واهل الفكر واهل المعاني
حليم الرجال إن جاه منقود عداه .. وابى أنزل في ديرة شعبها ما يهاني

حماس
هلا مرحبا ترحيب مثله بمعناه .. غزير المشارب من حبال السواني
حليم الرجال إن جاه رجال قـدّاه .. ومن لا يحسّب للدهر نام هاني

أبو جود
ترى النوز واضح معك يا زين مرماه .. وحنا من رجال تعـز المباني
ترى صاحبك صاحب ولو جاه ما جاه .. ودار الحسد ما اسج فيها حصاني

حماس
ونعمين يا هاك القصور المبناه .. ولا أحد ٍ يصلي قبل صوت الاذاني
يا أبو جود خبرني عن أمر المعاناه .. تراني على ما صار حاكم لساني

أبو جود
دياري ديار هذيل أهل عرف مع جاه .. ولن جاه سوس ٍ كل محصول فـاني
بذلنا الجهد ميرا البلا في محياه .. يحرم حلال ولا يدين المداني

حماس
أظنك كويته بالمعرقا في علباه .. وصارت مشاكل بين قاصي وداني
أفكر على هذي الخلايق وش اطغاه .. لقيت السبب في الشيخ شيخ المحاني

أبو جود
ترى صاحبك لو صاد هذاك سراه .. وابى ارجم وراه بسبع ماهي ثماني
عسى الله يهدينا عسى الله يهداه .. يطيح الحطب والا يجي علم ثاني

ما شاء الله

محاوره من العيار الثقيل ....

من شاعرين بيوتهم تخبرنا بأن خلفها شاعرين كبيرين

صحت ألسنتكم

و عساكم على القوه

تحياتي

صح بدنك يا شاعرنا الكبير عز الرفيق

أبد والله الا عليمي كلنا بس هذا من ذوقك سلمك الله

صحت الألسن

محاورة راقية جدا و جزلة البيوت

تسلمون

الأثر يدل على المسير

والمحاورة تدل على علو كعب الشاعرين المتحاورين

فالإبداع أبى ألاّ أن يطل بعنقه مشرئبا للجميع

عبر معنى معين ، بين شاعر ثائر ، وشاعر متحرج

بين التبرير واللوم ، وخير من هذا وذاك ؛ حكمة الشاعر :

حليم الرجال إن جاه رجال قـدّاه .. ومن لا يحسّب للدهر نام هاني


حماس أبو جود شكرا لكما لا عدمناكما.

ألف شكر...................؟

وعليكم السلام ورحمة الله وبركاته

صح الله لسان الشاعرين محاوره راقيه جدا

صح لسانك ولسان ابو جود

وننتظر منك المزيد من هذا الابداع اخي حماس..