"سيوفي مرهفه وليا وقفت أعرف مقاضبها " محمد المسعودي ومستور العصيمي - ::{ مجالس قبيلة هذيل }:: موقع يهتم بتراث القبيلة ومفاخرها

04-10-2009, 02:02 PM

السلام عليكم ورحمة الله وبركاته

في يوم الأربعاء 10/ 4 / 1429 هـ
سهرة شعرية ممتعة ، كيف لا؟؟ ومحمد المسعودي ومستور العصيمي وكذلك عبدالله الجبرتي والشاعر الشاب ماجد المسعودي هم ابطالها
..
هذه احدى محاورات البارحة والبقية تأتي تباعاً إن شاء الله

محمد المسعودي

هــلا يامرحـبـا ترحيـبـة منهاجـهـا منـهـاج *** علـى سلـم الرجـال اللـي تشرفنـا مذاهبـهـا

تولم يالعصيمي واعرف المدخال والمخراج *** لياهـانـت نـفـوس الـقـوم هيـنـةٍ مطالـبـهـا

العصيمي

يدوم الك البقا فالليلة اللي نورها وهـاج *** بعد حملتها فوق الجمال اللي تقوم ابهـا

تهرّج يامحمد وانت ميرادك على هـدّاج *** نبا نارد على الجمه ليا صفيت مشاربها

المسعودي

ليـا صفيـت معـي نيتـك يامستـور مايحتـاج *** نبـا نرقـى جبـال طـويـق ونـعـدّي مراقبـهـا

سنين تقول يا دكتور يا مستور ماش علاج *** وأنــا مـانـي مـصـدق فالعـلـوم ولا مكذبـهـا

العصيمي

وأنا لـي نيـةٍ ماتنعـوج فالوقـت لـو ينعـاج *** وبعضات النوايا يا محمـد ماضريـت ابهـا

نبـا ندفعـك يابابـور ليـن تصـادم الآمـواج *** عساك تجيبك امواج البحر ولا تروح ابها

المسعودي

تقنّعني بحلو لسان يالصاحب وضحك حجاج *** وأنـا اشـد الركايـب كلـمـا شفـتـك وأتعبـهـا

تبا علـم الحقيقـه مانبـا لـك فالعلـوم احـراج *** أنـا عايـش مـع الآيـام لـو كبـرت مصايبهـا

العصيمي

ابا اشوف الحقيقه مع محمد وأخر الانتاج *** وابا احد السيوف اللي عطيباتٍ مضاربها

ليا منك عرفت الدرب صرت أسبق من الميراج *** ولن ضيعت دربك تحرث الارض وعقاربهـا

المسعودي

ليا منـه سريبك يالعصيـمي جابك المعراج *** سيوفي مرهفه وليا وقفت اعرف مقاضبهـا

اعرف الدرب الأفضل وابتعد عن زحمة الحجاج *** أنـا لي لحـية مبعد عــن الشكّه شواربـهـا

العصيمي

يقولون العرب ماينسري ليل بدون سراج *** وهــذي حـجـة مابـيـن قاريـهـا وكاتـبـهـا

زمان فات وش سويت في بغداد يالحجـاج *** تحملهـا عـلـى الـقـلاب والـقـلاب يقلبـهـا

المسعودي

عيون الذيب ماتعرف غرام ولا تعرف سهاج *** تـدف الجـن فـي دربـه وعـن دربــه يجنبـهـا

تشب النار يامستـور وتحمـي علاهـا الصـاج *** وتبنـي لـك بيـوت الله علـى راسـك مخربهـا

العصيمي

والا ياعسكري مااسرعك تاخذ نجمتين وتاج *** اخـاف انـك مـن الايـام تغـدي فــي سبايبـهـا

للأمانه منقول من منتديات الشاعر محمد المسعودي

( شبكة عذب القصيد الادبية )

04-10-2009, 02:17 PM

ياسلاام ياسلاام

محاورة راقية لهرمين شعريين

ابو عبد الله متميز كعادته

ونتمنى الشفاء العاجل لابو تركي ,,

والشكر للمشرف المبدع مطرفي الدلم

04-10-2009, 05:16 PM

مشكووووووووور على النقل المميز ..

محاورة بين شاعرين كبيرين ...

04-13-2009, 11:59 PM


	المشاركة الأصلية كتبت بواسطة فواز الهذلي


	ياسلاام ياسلاام محاورة راقية لهرمين شعريين ابو عبد الله متميز كعادته ونتمنى الشفاء العاجل لابو تركي ,, والشكر للمشرف المبدع مطرفي الدلم

فواز الهذلي

اشكرك على مرورك العذب .

تحياتي .

04-27-2009, 03:48 AM

بيض الله وجهك يامطرفي الدلم

تحياتي لك

04-27-2009, 01:32 PM

[align=center]السلام عليكم ورحمة الله وبركاته

جميلة جداً ذائقتك الشعرية يالمطرفي أهنيك عليها

نقل مميز تشكر عليه

يعطيك العافيه أخوي وتقبل مروري

ولك كل الود والتقدير

تحياتي

.[/align]

04-28-2009, 12:53 AM

تبا علـم الحقيقـه مانبـا لـك فالعلـوم احـراج *** أنـا عايـش مـع الآيـام لـو كبـرت مصايبهـا

مشكوووووووووورا اخي مطرفي الدلم

على هالنقل الرائع

04-29-2009, 12:06 AM

هذا الابداع الحقيقي

محاوره تنشط ذاكرة المحاوره

محمد المسعودي

يثبت في كل مره انه دكتور المعنى الحقيقي

,
.,

البيت الأخير لمستور

اخذه من بيت لــ عبد الله المسعودي ,
,
.
.

مطرفي الدلم

شاكر لك