اليكم هذه القصه البسيطه والكبيره من الداخل

السلام عليكم ورحمة الله وبركاته
هذي قصه حصلت وحقيقيه.....
واضعها بين ايديكم
يوم الخميس واحنا في حروة العصر.. اخذت نفسي وجيت
مسير على مركاز لنا .. نجتمع فيه كل عصريه
ونتقهو ونسولف وقصيد ونتنشد بعضنا وش صار وش ما صار وش
الجديد والاخبار والامطار
وانا جاي على المركاز ومتجه يم سبحة العصريه اللي مركازنا فيها
لقيت اثنين من الربع وسلمنا واخذنا علومهم الا والعصر على اذان

المهم صلين العصر .. وتقهوينا
ولا بهذا اللي جاينا مع البطحاء.. وشاق الخريق

يا ولد يا ولد اقلط تقهوو..

قال عجلين..ياشيخ


ابك اجلس قهووه وكمل طرقتك

المهم جلس الرجال وتقهوو واخذنا علووومه

ياولد انت من وين و من اي القبايل وين ناوي...

قال ابد ابي الطايف ..
وابي اخذ الوادي مسند ... لين اجي عند بير الخرقه... ومنها ابي اخذ يسار

وابي ريع الثنيه... لين احول في رحاب...

طيب وبعدين وين تبي تروح ..
قال لا وصلت هناك ابي اطلع على الخط السريع واشر الى الرياض..

قلت لا والله وانا اخوك الا الطايف اشوالك ... ترتاح فيه وتنبسط
وامورك كلها تجيك تبي ترتاح..

قال انت تقوله .. قلت اي با الله انت نوعيتك ما ينفع لها الا الطايف

قال اجل شورتك وهداية الله ... بس اكيد ارتاح ..قلت خذ علم

انا عرفة قصتك قبل ما تحكيبهاااااااا.....


والرجال قصته طويله ..... وعانا معهااا كثيررررر

وانتم اعتقد عرفتو الرجال وش فيه مير عجايب الزمن هذااااا

الله لا يبلانا

فيه الصاحي والمجنون والطيب والبطال والمحبوب والمكروه

ويا الله لا تبلانا يارب الا بمحبة الناس لنا والعافيه والجنه والرحمه من النار

والله لا يجعلنا من الناس المكروهين


واخيراً دمتو بود ,,,,,,,,,,

انت ليه سندت به لو دحدرتبه جهة الزاهر كان اشواله

بس انت عسل في قوارير من مبطي دام خشمك

عليكم السلام ورحمة الله وبركاته
كل عــــــــــــــــــــــــ ــــــــام وإنت بخير يارايد
ويش علومك إنت يشاعرنا واترك هذا المجنون
عســــــــــــاك طيب وبخير يولد العم
والحمد لله على هذه الطله المتميزه

لاوالله الطائف اشواله عزالله انك ماقصرت ياولد العم شورك وهداية الله

هههههههههههههههه الحمدلله على العافيه

عليكم السلام ورحمة الله وبركاته

تسلم اخي رايد على القصه

لك خالص الود

الحجاج

والله ياخي انا مستغرب

كيف تتركون رجال مجنون كما اشرت يهيم على وجهه في هذه الجبال

الواجب تتصلون على الإسعاف

وعليكم السلآم ورحمه الله وبركاته ..

أخي الغالي / رايــد الحتيرشي ....

الله يعطيكـ العافيـه ...

تواجـدكـ في هذا المنتدى بكل أمانه مكسب ....

آمـآ بالنسبــه للقصـــه ........ ؟؟؟

الله العـآلم باللي في الصدور يـآ بن العـم وكلآ بعقله يعيش ...

تحيــــــــــــــآآآآآتي ...